សហរដ្ឋអាមេរិក ៖ បណ្ដា​សារព័ត៌មាន​អា​មេ​រិ​ក​រាយការណ៍​ថា អ្នក​បើក​ឧ​ទ្ថ​ម្ភា​គ​ចក្រ​២​នាក់​បាន​ត្រូវ​ស្លាប់​ក្នុង​ការ​បុក​គ្នា​លើ​មេឃ​របស់​ឧ​ទ្ធ​ម្គា​គ​ចក្រ​ពួក​គេ កាលពី​ថ្ងៃ​ទី​២៩​ធ្នូ​នៅ​ហាម​មុន​តុ​ន​រដ្ឋ​ញូ​វ​ចឺ​សី​ុ​ភាគ​ឦសាន​សហរដ្ឋអាមេរិក​។

ជន​រង​គ្រោះ​ទាំង​២​នាក់​ត្រូវ​បាន​កំណត់​អត្តសញ្ញាណ​ថា មាន​ដើម​ក​ណើ​ត​នៅ​ញូ​វ​ចឺ​សី​ុ​ដែល​ម្នាក់​មានឈ្មោះ​ថា​KENNETH KIRSCH អាយុ​៦៥​ឆ្នាំ និង​ម្នាក់​ទៀត​ឈ្មោះ​MICHAEL GREENBERG អាយុ​៧១​ឆ្នាំ​។ អ្នក​ទាំង​២​ជា​មិត្ត​នឹង​គ្នា ហើយ​បើក​ឧទ្ធម្ភាគចក្រ​ម្នាក់​មួយ​។ តាម​អាជ្ញាធរ​ថា លោក​KENNETH KIRSCH​ស្លាប់​នៅ​មន្ទីរពេទ្យ ហើយ​លោក​MICHAEL GREENBERG​ស្លាប់​នៅ​កន្លែង​គ្រោះថ្នាក់​។

តាម​សាក្សី​ទាំងឡាយ​ថា ឧទ្ធម្ភាគចក្រ​ទាំង​២​គ្រឿង​នោះ ហោះ​នៅ​គៀក​គ្នា​បំផុត​មុន​ពេល​បុក​គ្នា​។ គ្រោះថ្នាក់​នោះ​កើត​មាននៅ​កន្លែង​មួយ​ស្ថិត​នៅ​ចម្ងាយ​តែ​ជាង​២​គីឡូម៉ែត្រ​ពី​ព្រ​លាន​យន្តហោះ ដោយ​ធ្លាក់​ក្នុង​ចម្ការ​មួយ​។ វី​ដេ​អូ​មួយ​បង្ហាញ​ឧទ្ធម្ភាគចក្រ​១​គ្រឿង​ចាប់​សំ​យ៉ុ​ង​មក​ក្រោម​ហើយ​ធ្លាក់​មក​ដី​រួច​ឆេះ​។ ពួក​អ្នក​ជួយ​សង្គ្រោះ​បាន​ពន្លត់ភ្លើង​ដែល​កំពុង​ឆេះ​ឧទ្ធម្ភាគចក្រ​១​គ្រឿង​៕