កម្ពុជាត្រូវការសន្តិភាព ៖ ពិធីបួងសួងដ៏ធំនៅទីសក្ការៈបូជានានាក្នុងខេត្តសៀមរាប
ខេត្តសៀមរាប ៖ ថ្វាយគ្រឿងសក្ការៈបូជាបួងសួងសុំសេចក្ដីសុខ ឃុំគ្រងការពារទឹកដីជាតិកម្ពុជា ។ នេះបើយោងតាមលោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១…
ខេត្តសៀមរាប ៖ ថ្វាយគ្រឿងសក្ការៈបូជាបួងសួងសុំសេចក្ដីសុខ ឃុំគ្រងការពារទឹកដីជាតិកម្ពុជា ។ នេះបើយោងតាមលោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានប្រកាសនាថ្ងៃទី២៩ ខែធ្នូនេះ ។
ជាក់ស្តែង នាថ្ងៃអាទិត្យ ទី២៨ ខែធ្នូ ឆ្នាំ២០២៥ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ដោយមានការចូលរួមពី ឯកឧត្តម ឈាង រ៉ា រដ្ឋមន្ត្រីក្រសួងសុខាភិបាល ព្រមទាំងថ្នាក់ដឹកនាំ និងមន្ត្រីនៃក្រុមប្រឹក្សាអភិឌ្ឍន៍កម្ពុជាជាច្រើនរូប បានអញ្ជើញថ្វាយគ្រឿងសក្ការៈបូជានៅទីសក្ការៈ លោកតារាជ លោកតាពេជ្រ នៃប្រាសាទអង្គវត្ត លោកតាមេទ័ព លោកតាដំបងដែក ព្រះអង្គគោកធ្លក និងវត្ថុស័ក្តិសិទ្ធក្នុងអភិរក្សអង្គរ បួងសួងសុំសេចក្ដីសុខ សេចក្ដីចម្រើន រក្សាឃុំគ្រងប្រទេសកម្ពុជាឱ្យទទួលបាននូវសុខសន្តិភាព។
ក្នុងពិធីបួងសួងនេះ ក៏មានការបូជានូវផ្កាភ្ញី ផ្លែឈើ ភេសជ្ជៈ និងភ្លេងបុរាណខ្មែរ ថ្វាយដល់ទសបារមី ជួយបីបាច់រក្សាឃុំគ្រងប្រទេសកម្ពុជារក្សាបានសុខសន្តិភាព និងប្រោសប្រទានពរជ័យឱ្យដល់វីរៈកងទ័ព និងពលរដ្ឋទាំងអស់ទទួលបាននូវសេចក្ដីសុខ ឃ្លាតចាកផុតពីគ្រោះកាចទាំងឡាយ ៕
ចែករំលែកព័តមាននេះ