ប្រទេសមីយ៉ាន់ម៉ា ៖ ការបោះឆ្នោតសភានៅមីយ៉ាន់ម៉ាចាប់ផ្ដើមហើយ នាថ្ងៃទី២៨ធ្នូ ក្រោមការផ្ដួចផ្ដើមគំនិតរបស់របបយោធាកាន់អំណាច។ របបយោធាចាត់ទុកការបោះឆ្នោតនោះថាជាការវិលត្រឡប់ទៅរកលទ្ធិ្ធិប្រជាធិបតេយ្យ វិញ ជិត៥ឆ្នាំក្រោយការធ្វើរដ្ឋប្រហារ ផ្ដួលរំលំរដ្ឋាភិបាលលោកស្រីអ៊ូងសាន់ស៊ូជីនាំឲ្យកើតសង្គ្រាមស៊ីវិល។ លោកស្រីអ៊ូងសាន់ស៊ូជីនៅជាប់ឃុំឃាំងនៅឡើយ…
ប្រទេសមីយ៉ាន់ម៉ា ៖ ការបោះឆ្នោតសភានៅមីយ៉ាន់ម៉ាចាប់ផ្ដើមហើយ នាថ្ងៃទី២៨ធ្នូ ក្រោមការផ្ដួចផ្ដើមគំនិតរបស់របបយោធាកាន់អំណាច។ របបយោធាចាត់ទុកការបោះឆ្នោតនោះថាជាការវិលត្រឡប់ទៅរកលទ្ធិ្ធិប្រជាធិបតេយ្យ វិញ ជិត៥ឆ្នាំក្រោយការធ្វើរដ្ឋប្រហារ ផ្ដួលរំលំរដ្ឋាភិបាលលោកស្រីអ៊ូងសាន់ស៊ូជីនាំឲ្យកើតសង្គ្រាមស៊ីវិល។
លោកស្រីអ៊ូងសាន់ស៊ូជីនៅជាប់ឃុំឃាំងនៅឡើយ ហើយគណបក្សលោកស្រី ត្រូវបានរំលាយចោលក្រោយរដ្ឋប្រហារយោធាខែកុម្ភៈឆ្នាំ២០២១ ដែលបិទជាថ្មីលទ្ធិ្ថប្រជាធិបតេយ្យក្នុងប្រទេសនោះ។ អ.ស.បនិងប្រទេសលោកខាងលិចជាច្រើន ព្រមទាំងបណ្ដាអង្គការសិទ្ធិមនុស្សបានថ្កោលទោសការបោះឆ្នោតនេះ ដោយបរិហារជាពិសេសការគាបសង្កត់លើពួកប្រឆាំង។
គណបក្សសម្ព័ន្ធភាពសាមគ្កីភាពនិងអភិវឌ្ឍUSDPដែលមានទំនោរទៅរកពួកយោធា នឹងជាគណបក្សដែលទទួលបានសំឡេងច្រើនជាងគេ។ មានប្រជាជន៥០លាននាក់មីយ៉ាន់ម៉ាត្រូវហែកហួរដោយសង្គ្រាមស៊ីវិល ហើយការបោះឆ្នោតមិនធ្វើនៅក្នុងបណ្ដាតំបន់ កាន់កាប់ដោយពួកឧទ្ទាមឡើយ។ ដំណាក់កាលទីមួយនៃការបោះឆ្នោតនោះដែលមាន៣ដំណាក់កាល បើកធ្វើនាព្រឹកថ្ងៃទី២៨ធ្នូ។ បណ្ដាការិយាល័យបោះឆ្នោតចាប់បើកតាំងពីព្រឹកព្រលឹម នៅតាមសង្កាត់នានានៃទីក្រុងរ៉ង់ហ្គូន។
ខណៈរបបយោធាបើកធ្វើការវាយលុកធំមួយ ដើម្បីដណ្ដើមដែនដីពីពួកឧទ្ទាម។ ក្នុងយុទ្ធនាការឃោសនាបោះឆ្នោត គេមិនឃើញមានការប្រមូលផ្ដុំមនុស្សធំៗឡើយ។ កងទ័ពជាអ្នកដឹកនាំប្រទេសមីយ៉ាន់ម៉ាចាប់តាំងពីប្រទេសនេះទទួលបានឯករាជ្យពីឆ្នាំ១៩៤៨មក លើកលែងតែរវាងពីឆ្នាំ២០១១ទៅ២០២១ ដែលនាំឲ្យមានការកែទម្រង់ដ៏ទូលំទូលាយនិងសុទិដ្ឋិនិយម ចំពោះអនាគតរបស់ប្រទេសនៅអាសីុអាគ្នេយ៍នោះ។ ប៉ុន្តែពេលដែលគណបក្សសម្ព័ន្ធជាតិ ដើម្បីលទ្ធិប្រជាធិបតេយ្យLND របស់លោកស្រីអ៊ូងសាន់ស៊ូជី កាលក្នុងការបោះឆ្នោតឆ្នាំ២០២០ ដណ្ដើមបានសំឡេងនាំមុខដាច់លើគណបក្សស្និទ្ធយោធា ឧត្ដមសេនីយMIN AUNG HLAING បានដណ្ដើអំណាច ដោយលើកឡើងពីការក្លែងបន្លំក្នុងការបោះឆ្នោតនោះ។
អាយុ៨០ឆ្នាំលោកស្រីអ៊ូងសាន់ស៊ូជីទទួលការកាត់ទោសដាក់ពន្ធនាគារ២៧ឆ្នាំ ពីបទចោទប្រកាន់ជាច្រើនរហូតដល់ពីបទចោទប្រកាន់ពុករលួយ ដូចជារំលោភបំពានបែបបទប្រឆាំងជំងឹកូវីដ-១៩ជាដើម។ ពីក្រុងឡុងដ៏មកកូនប្រុសលោកស្រីស៊ូជីលោកគីនអារីសថ្លែងថា ខ្ញុំគិតថា ការបោះឆ្នោតនោះពិតជាគ្មានន័យអ្វីឡើយ។ ការបោះឆ្នោតដំណាក់កាលទី២ត្រូវធ្វើក្នុងពេល២សប្ដាហ៍ទៀត ហើយដំណាក់កាលទី៣ដែលជាដំណាក់កាលចុងក្រោយធ្វើនាថ្ងៃទី២៥មករា៕
ចែករំលែកព័តមាននេះ