ខេត្តកំពង់ស្ពឺ ៖ ក្រុមក្មេងទំនើងចំនួន៣នាក់ ត្រូវបានកម្លាំងនគរបាលឃុំវាល សហការជាមួយប្រជាការពារភូមិ ធ្វើការបង្ក្រាបបាន ខណៈដែលក្រុមក្មេងទំនើងទាំងនេះធ្វើសកម្មភាពបង្ហោះម៉ូតូតាមផ្លូវសាធារណៈ បង្កភាពអនាធិបតេយ្យ និងថតបង្ហោះចែកចាយក្នុងសង្គមហ្វេកប៊ុកថែមទៀតផង។ ការបង្ក្រាបក្រុមក្មេងទំនើងបង្ហោះម៉ូតូខាងលើ…
ខេត្តកំពង់ស្ពឺ ៖ ក្រុមក្មេងទំនើងចំនួន៣នាក់ ត្រូវបានកម្លាំងនគរបាលឃុំវាល សហការជាមួយប្រជាការពារភូមិ ធ្វើការបង្ក្រាបបាន ខណៈដែលក្រុមក្មេងទំនើងទាំងនេះធ្វើសកម្មភាពបង្ហោះម៉ូតូតាមផ្លូវសាធារណៈ បង្កភាពអនាធិបតេយ្យ និងថតបង្ហោះចែកចាយក្នុងសង្គមហ្វេកប៊ុកថែមទៀតផង។ ការបង្ក្រាបក្រុមក្មេងទំនើងបង្ហោះម៉ូតូខាងលើ ធ្វើឡើងកាលពីថ្ងៃទី២៦ ខែធ្នូ ឆ្នាំ២០២៥ នៅក្នុងឃុំវាល ស្រុកគងពិសី ខេត្តកំពង់ស្ពឺ ។
នគរបាលស្រុកគងពិសីបាននិយាយឱ្យដឹងថា ក្រុមក្មេងទំនើងដែលនគរបាលបង្ក្រាបនិងឃាត់ខ្លួនបានមានឈ្មោះ ទី១~ឈ្មោះ ស៊ីន ផាន់នី ភេទប្រុស អាយុ១៥ឆ្នាំ រស់នៅក្នុងភូមិត្បូងភ្នំ ឃុំវាល ស្រុកគងពិសី ខេត្តកំពង់ស្ពឺ (ជាអ្នកបង្ហោះម៉ូតូ) ទី២~ឈ្មោះ អុង សាងយូ ភេទប្រុសអាយុ១៤ឆ្នាំ រស់នៅក្នុងភូមិឈើទាលជ្រុំ ឃុំវាល ស្រុកគងពិសី ខេត្តកំពង់ស្ពឺ(អ្នកអង្គុយពីក្រោយ) និងទី៣~ឈ្មោះ ទេស សិទ្ធី ភេទប្រុស អាយុ១៧ឆ្នាំ រស់នៅក្នុងភូមិព្រៃខ្លុង ឃុំវាល ស្រុកគងពិសី ខេត្តកំពង់ស្ពឺ(ជាអ្នកថតបង្ហោះតាមបណ្តាញសង្គមហ្វេកប៊ុក) ។
នគរបាលស្រុកគងពិសីបាននិយាយឱ្យដឹងថា នៅមុនពេលបង្ក្រាបក្រុមក្មេងទំនើងខាងលើ គឺដោយអនុវត្តបទបញ្ជាដ៏ខ្ពង់ខ្ពស់របស់លោកស្នងការដ្ឋាននគរបាលខេត្តកំពង់ស្ពឺ នឹងដឹកនាំបញ្ជាកំលាំងដោយលោកអធិការនគរបាលស្រុកគងពិសី នៅវេលាម៉ោង៩ និង២០នាទីព្រឹកថ្ងៃទី២៦ ខែធ្នូ ឆ្នាំ២០២៥ កម្លាំងជំនាញបានសហការជាមួយកម្លាំងប៉ុស្តិ៍នគរបាលរដ្ឋបាលឃុំវាលនិងប្រជាការពារ បានធ្វើការបង្ក្រាបក្រុមក្មេងទំនើង(ដែលបង្ហោះម៉ូតូ) ត្រង់ចំណុចភូមិត្រពាំងពោធិ៍ ឃុំវាល ស្រុកគងពិសី ខេត្តកំពង់ស្ពឺ ឃាត់ខ្លួនបានចំនួន៣នាក់។
ក្រោយបង្ក្រាបនឹងឃាត់ខ្លួនកម្លាំងនគរបាលដកហូតវត្ថុតាង ម៉ូតូចំនួន០២គ្រឿង។ ទី១~ម៉ាកហុងដាសេ១២៥ ស៊េរីឆ្នាំ២០២៤ ពណ៌ខ្មៅ ពាក់ផ្លាកលេខភ្នំពេញ១KY-2040 និងទី២~ម៉ាកហុងដាស្កូបពី ពណ៌ខ្មៅ ស៊េរីឆ្នាំ២០២៤ ពាក់ផ្លាកលេខកំពង់ស្ពឺ១AA-2347។
បច្ចុប្បន្ន ក្រុមជនសង្ស័យទាំង៣នាក់ខាងលើ នគរបាលជំនាញបានអនុវត្តតាមគោលការណ៍របស់ថ្នាក់ដឹកនាំចំនួន៣ចំណុច÷ ទី១-កោសក់ពុះជើងក្អែក ទី២-ធ្វើការអប់រំ និងធ្វើកិច្ចសន្យា ប្រគល់ឲ្យអាណាព្យាបាលយកទៅធ្វើការអប់រំបន្ត និងទី៣-មធ្យោបាយធ្វើសកម្មភាព(ម៉ូតូ)ត្រូវរក្សាទុកនៅអធិការដ្ឋាននគរលស្រុករយ:ពេល០៣ខែ(ឬស្មើចំនួន៩០ថ្ងៃ ទើបអនុញាតឱ្យយកឯកសារមកធ្វើការផ្ទៀងផ្ទាត់ប្រគល់ឱ្យយកទៅប្រើប្រាស់វិញបាន ៕
ចែករំលែកព័តមាននេះ