សៀមរាប៖ ទោះបីជាស្ថិតក្នុងស្ថានភាពភៀសសឹកដ៏លំបាកក៏ដោយ ការរស់នៅប្រកបដោយអនាម័យ និងបរិស្ថានស្អាតនៅតែជាអាទិភាពចម្បងដែលមិនអាចខ្វះបាន។

យោងតាមការផ្សាយរបស់រដ្ឋបាលខេត្តសៀមរាប បានឱ្យដឹងថាថ្ងៃទី២៥​ ខែធ្នូ​ ឆ្នាំ២០២៥​​ មន្ត្រីរបស់មន្ទីរបរិស្ថានខេត្ត​ និងក្រុមការងាររបស់រដ្ឋបាលស្រុកវ៉ារិន​ បន្ទាយស្រី​ មិងស្រុកស្វាយលើបានចុះអប់រំ​ ណែនាំ​ និងផ្សព្វផ្សាយបន្ថែមទៀតដល់ប្រជាពលរដ្ឋភៀសសឹកអំពីការថែរក្សាអនាម័យបរិស្ថាន និងការទុកដាក់សំរាមឱ្យបានត្រឹមត្រូវ​ និងចូលរួមសម្អាតបរិស្ថាននៅក្នុងបរិវេណមណ្ឌលសុវត្ថិភាពដែលយើងកំពុងរស់នៅ​ ដើម្បីបរិស្ថានស្អាត​ អនាម័យល្អ​ ការរស់នៅស្អាត​ចៀសផុតពីជំងឺផ្សេងៗ។

ជាមួយគ្នានេះ អាជ្ញាធរក៏ណែនាំដល់ជនភៀសសឹក​ចូលរួមទាំងអស់គ្នា​ ដើម្បីអនាម័យ​ បរិស្ថាន​ និងសហគមន៍យើងស្អាតទាំងអស់គ្នា៕