អាមេរិក-នីហ្សេរីយ៉ា ៖ ប្រធានាធិបតីអាមេរិក លោកដូណាល់ត្រាំ ថ្លែងកាលពីយប់ថ្ងៃ២៥ ធ្នូ ថា កងទ័ពអាមេរិកបានវាយប្រហារខ្លាំងក្លា ប្រឆាំងកងកម្លាំងក្រុមរដ្ឋអ៊ិស្លាមនៅនីហ្សេរីយ៉ា បន្ទាប់ពីច្រើនសប្ដាហ៍ចោទប្រកាន់…
អាមេរិក-នីហ្សេរីយ៉ា ៖ ប្រធានាធិបតីអាមេរិក លោកដូណាល់ត្រាំ ថ្លែងកាលពីយប់ថ្ងៃ២៥ ធ្នូ ថា កងទ័ពអាមេរិកបានវាយប្រហារខ្លាំងក្លា ប្រឆាំងកងកម្លាំងក្រុមរដ្ឋអ៊ិស្លាមនៅនីហ្សេរីយ៉ា បន្ទាប់ពីច្រើនសប្ដាហ៍ចោទប្រកាន់ រដ្ឋាភិបាលប្រទេសអាហ្វ្រិកខាងលិចនោះថា មិនទប់ស្កាត់ការធ្វើទុក្ខបុកម្នេញដល់គ្រឹស្តសាសនិក។
តាមបណ្ដាញសង្គមរបស់លោកប្រធានាធិបតីអាមេរិកថ្លែងថា យប់នេះតាមបទបញ្ជារបស់ខ្ញុំ សហរដ្ឋអាមេរិកបានវាយប្រហារយ៉ាងខ្លាំង និងដោយបង្ហូរឈាម ប្រឆាំងទីតាំងរបស់ក្រុមរដ្ឋអ៊ិស្លាមនៅភាគពាយ័ព្យនីហ្សេរីយ៉ាដោយសារក្រុមនោះ បានធ្វើទុក្ខបុកម្នេញនិងសម្លាប់យ៉ាងព្រៃផ្សៃពិសេសពួកគ្រឹស្តស្លូតត្រង់ ក្នុងកម្រិតមួយពុំធ្លាប់ឃើញ ចាប់តាំងពីច្រើនឆ្នាំឬពីច្រើនសតវត្សមកហើយ។ ទីបញ្ចាការដ្ឋានកងទ័ពអាមេរិកសម្រាប់អាហ្វ្រិកអះអាងថា កងទ័ពយើងបានធ្វើការវាយប្រហារ តាមសំណើរបស់អាជ្ញាធរនីហ្សេរីយ៉ា ក្នុងរដ្ឋសូកូតូដោយសម្លាប់ពួកភេរវករនៃក្រុមរដ្ឋអ៊ិស្លាមច្រើន
នាក់ ។
ក្នុងសេចក្ដីប្រកាសមួយទីបញ្ចាការដ្ឋានយោធានោះគូសបញ្ជាក់ថា ការវាយប្រហារប្រឆាំងបក្រុមរដ្ឋអ៊ិស្លាមនាពេលនេះ បង្ហាញពីកម្លាំងរបស់កងទ័ពយើង និងការសន្យារបស់យើង តាមកម្ទេចការគំរាមកំហែងភេរវកម្ម មកលើពលរដ្ឋអាមេរិកទាំងនៅក្នុងប្រទេសទាំំងនៅក្រៅប្រទេស ។
ជាការឆ្លើយតបចំពោះការរិះគន់ខ្លាំងៗនាពេលមុននេះ របស់លោកដូណាល់ត្រាំ រដ្ឋាភិបាលនីហ្សេរីយ៉ាអះអាងថា មនុស្សជាច្រើនកាន់សាសនាផ្សេងៗគ្នា មិនមែនត្រឹមពួកគ្រឹស្តទេ ជាអ្នករងគ្រោះដោយការវាយប្រហាររបស់បណ្ដាក្រុមជ្រុលនិយម ៕
ចែករំលែកព័តមាននេះ