រាជធានីភ្នំពេញ៖ Vattanac Legends Championship ដែលជាព្រឹត្តិការណ៍ប្រកួតពានរង្វាន់វាយកូនហ្គោលដ៏ល្បីល្បាញកម្រិតពិភពលោកជាលើកដំបូងនៅក្នុងប្រទេសកម្ពុជា ដែលព្រឹត្តិការណ៍នេះបានប្រារព្វធ្វើកាលពីថ្ងៃទី ២១ ដល់ ២៣ ខែវិច្ឆិកា…
រាជធានីភ្នំពេញ៖ Vattanac Legends Championship ដែលជាព្រឹត្តិការណ៍ប្រកួតពានរង្វាន់វាយកូនហ្គោលដ៏ល្បីល្បាញកម្រិតពិភពលោកជាលើកដំបូងនៅក្នុងប្រទេសកម្ពុជា ដែលព្រឹត្តិការណ៍នេះបានប្រារព្វធ្វើកាលពីថ្ងៃទី ២១ ដល់ ២៣ ខែវិច្ឆិកា ឆ្នាំ ២០២៥ នៅរមណីយដ្ឋានវាយកូនហ្គោលដ៏ប្រណិតរបស់ វឌ្ឍនៈ គ្រុប គឺ Vattanac Golf Resort ទទួលបានការចាប់អារម្មណ៍យ៉ាងខ្លាំង និងត្រូវបានចាត់ទុកជាព្រឹត្តការណ៍ការប្រកួតកីឡាដ៏សំខាន់បំផុតមួយរបស់ប្រទេសកម្ពុជា បន្ទាប់ពីព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម កាលពីឆ្នាំ ២០២៣ដោយសារតែមានការចូលរួមពីកីឡាករវាយកូនហ្គោលតំណាងឱ្យជាង ២០ ប្រទេសផ្សេងៗគ្នា ហើយព្រឹត្តការណ៍នេះបានទាក់ទាញនូវចំណាប់អារម្មណ៍របស់ពិភពលោកមកកាន់ប្រទេសកម្ពុជា ដែលនេះពិតជាបានបង្ហាញវត្តមានរបស់កម្ពុជាកាន់តែកើនឡើងនៅលើឆាកកីឡាអន្តរជាតិ។
ថ្នាក់ដឹកនាំក្រុមហ៊ុន វឌ្ឍនៈ គ្រុប បានខិតខំប្រឹងប្រែង និងបានយកចិត្តទុកដាក់ខ្ពស់ក្នុងការបញ្ជ្រាប ផ្សព្វផ្សាយ និងបង្ហាញឱ្យពិភពលោក បានស្គាល់ពីសក្តានុពលដ៏សម្បូរបែបរបស់ប្រទេសកម្ពុជាទាំងសក្តានុពលទេសចរកីឡា ទេសចរណ៍ និងសក្តានុពលសេដ្ឋកិច្ចផងដែរ។ យើងខ្ញុំជឿជាក់ថា ការចូលរួមរបស់ ក្រុមហ៊ុន វឌ្ឍនៈ គ្រុប ពិតជាបានក្លាយទៅជាជំហានដ៏មានឥទ្ធិពលមួយក្នុងដំណើរស្វាគមន៍ភ្ញៀវទូទាំងពិភពលោកមកកាន់ប្រទេសកម្ពុជា ៕ អត្ថបទសហការ
ចែករំលែកព័តមាននេះ