ខេត្តកំពត ៖ ផ្លូវជាតិលេខ៣១ ដែលលាតសន្ធឹងពីចំណុចបែកគុស រហូតដល់ស្រុកកំពង់ត្រាច មិនត្រឹមតែជាផ្លូវគមនាគមន៍ដ៏សំខាន់មួយសម្រាប់ការធ្វើដំណើររបស់ប្រជាពលរដ្ឋប៉ុណ្ណោះទេ ប៉ុន្តែវាកំពុងដើរតួនាទីយ៉ាងសំខាន់ជា «សរសៃឈាមសេដ្ឋកិច្ច» ដ៏មានសក្តានុពល ដែលតភ្ជាប់ខេត្តតាកែវ…
ខេត្តកំពត ៖ ផ្លូវជាតិលេខ៣១ ដែលលាតសន្ធឹងពីចំណុចបែកគុស រហូតដល់ស្រុកកំពង់ត្រាច មិនត្រឹមតែជាផ្លូវគមនាគមន៍ដ៏សំខាន់មួយសម្រាប់ការធ្វើដំណើររបស់ប្រជាពលរដ្ឋប៉ុណ្ណោះទេ ប៉ុន្តែវាកំពុងដើរតួនាទីយ៉ាងសំខាន់ជា «សរសៃឈាមសេដ្ឋកិច្ច» ដ៏មានសក្តានុពល ដែលតភ្ជាប់ខេត្តតាកែវ និងខេត្តកំពត ឆ្ពោះទៅកាន់ប៉ូលសេដ្ឋកិច្ចនៃតំបន់មាត់សមុទ្រ និងច្រកទ្វារអន្តរជាតិ។
ជាក់ស្តែង ក្រសួងសាធារណការ និងដឹកជញ្ជូន បានប្រកាសនាថ្ងៃទី០៤ ខែធ្នូ ឆ្នាំ២០២៥នេះថា ៖ ផ្លូវជាតិលេខ៣១ (បែកគុស-កំពង់ត្រាច) គឺជាផ្លូវសេដ្ឋកិច្ចដ៏មានសក្តានុពល តភ្ជាប់ពីផ្លូវជាតិលេខ៣ ទៅកាន់ផ្លូវជាតិលេខ៣៣ ត្រង់ចំណុចប្រសព្វនៃស្រុកកំពង់ត្រាច និងតភ្ជាប់ទៅកាន់ច្រកទ្វារព្រំដែនអន្តរជាតិកម្ពុជា-វៀតណាម (ព្រែកចាក) ដែលដើរតួនាទីយ៉ាងសំខាន់ក្នុងការសម្រួលដល់ការធ្វើដំណើររបស់បងប្អូនប្រជាពលរដ្ឋ ភ្ញៀវទេសចរ និងបម្រើដល់ការដឹកជញ្ជូនទំនិញគ្រប់ប្រភេទ និងកសិផលទៅកាន់ទីផ្សារក្នុងស្រុក និងទីផ្សារអន្តរជាតិ ។
សូមជម្រាបជូនថា ផ្លូវជាតិលេខ៣១ មានប្រវែងសរុបចំនួន៥៣,៥៣ គីឡូម៉ែត្រមានចំណុចចាប់ផ្ដើមពីបែកគុស (ចំណុចប្រសព្វផ្លូវជាតិលេខ៣) ទៅដល់ទីរួមស្រុកកំពង់ត្រាច (ចំណុចតភ្ជាប់ផ្លូវជាតិលេខ៣៣) ត្រូវបានស្ដារ និងលើកកម្រិតគុណភាពជាប្រភេទផ្លូវក្រាលបេតុងកៅស៊ូ AC មានកម្រាស់ ៧សង់ទីម៉ែត្រ និងទទឹង១១ម៉ែត្រ និងបានសម្ពោធបើកឱ្យប្រើប្រាស់ជាផ្លូវការកាលពីថ្ងៃទី២៩ ខែមេសា ឆ្នាំ២០២៥ ៕
ចែករំលែកព័តមាននេះ