រាជធានីភ្នំពេញ ៖ នៅថ្ងៃទី៣ ខែធ្នូ ឆ្នាំ២០២៥ លោក ម៉ុល វិបុល អនុរដ្ឋលេខាធិការ ក្រសួងការងារ…
រាជធានីភ្នំពេញ ៖ នៅថ្ងៃទី៣ ខែធ្នូ ឆ្នាំ២០២៥ លោក ម៉ុល វិបុល អនុរដ្ឋលេខាធិការ ក្រសួងការងារ និងបណ្ដុះបណ្ដាលវិជ្ជាជីវ: តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ហេង សួរ បានអញ្ជើញចូលរួមជាសក្ខីភាពក្នុងពិធីចុះអនុស្សរណៈ នៃការយោគយល់គ្នារវាងស្ថានទូតឥណ្ឌា និងវិទ្យាស្ថានជាតិសហគ្រិនភាព និងនវានុវត្តន៍ (NIEI) ។
នៅក្នុងពិធីនេះក៏មានការចូលរួមពីលោក តាន់ កុសល នាយកវិទ្យាស្ថានជាតិសហគ្រិនភាព និងនវានុវត្តន៍ និងលោក Vanlalvawna Bawitlung ឯកអគ្គរាជទូតវិសាមញ្ញ និងពេញសមត្ថភាពនៃសាធារណរដ្ឋឥណ្ឌាប្រចាំនៅកម្ពុជា ព្រមទាំងសហការី គណៈគ្រប់គ្រងវិទ្យាស្ថាន នាយករង លោកគ្រូ អ្នកគ្រូ មន្ត្រីរាជការ។
ថ្លែងក្នុងពិធីនោះដែរ ក្នុងនាមរដ្ឋមន្ត្រី លោក ម៉ុល វិបុលបានសម្តែងនូវការស្វាគមន៍យ៉ាងកក់ក្តៅជាទីបំផុតចំពោះ ឯកអគ្គរាជទូតវិសាមញ្ញ និងពេញសមត្ថភាពនៃសាធារណរដ្ឋឥណ្ឌាប្រចាំនៅកម្ពុជា ដោយបានបង្ហាញ នូវជំនឿជឿជាក់យ៉ាងមុតមាំថា នៅក្នុងអាណត្តិបេសកកម្មការទូតរបស់លោក នឹងបន្តរឹតចំណងសាមគ្គីភាពទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ ឱ្យកាន់តែរឹងមាំទ្វេដងថែមទៀត ជាពិសេសក្នុងការអនុវត្តគម្រោង Quick Impact Project តាមរយៈ Indian Grant Assistance ឱ្យមានតម្លាភាព តាមកម្រិតស្តង់ដាប្រើប្រាស់ នៅក្នុងការបង្រៀន និងរៀនលើមុខជំនាញធុរកិច្ច ពង្រឹងគុណភាពបណ្តុះបណ្តាលវិជ្ជាជីវៈ បង្កើនសមត្ថភាពសហគ្រិភាព ឱ្យមានប្រសិទ្ធភាពដើម្បីអភិវឌ្ឍមូលធនមនុស្សនៅកម្ពុជា ។
បន្ថែមពីនេះភាគីទាំងពីរបានប្តេជ្ញា និងសហការគ្នា ក្នុងការអនុវត្តគម្រោង Quick Impact Project នេះឱ្យបានល្អបំផុតតាម ដែលអាចធ្វើទៅបាន ដោយភាគីស្ថានទូតឥណ្ឌា នឹងផ្តល់ទៅតាមកម្មវិធីលទ្ធកម្មឧបករណ៍ និងសម្ភារៈបណ្តុះបណ្តាលលើជំនាញធុរកិច្ចភេសជ្ជៈដល់ (NIEI) ដើម្បីប្រើប្រាស់ ក្នុងការបង្រៀនសិស្សកម្រិត C1 (1.5M) ឱ្យកាន់តែមានគុណភាព និងប្រសិទ្ធភាព ឆ្លើយតបទៅនឹងតម្រូវការក្នុងទីផ្សារបច្ចុប្បន្ន ៕ អត្ថបទសហការ
ចែករំលែកព័តមាននេះ