រាជធានីភ្នំពេញ ៖ អធិការដ្ឋាននគរបាលខណ្ឌទួលគោក បានអនុវត្តវិធានការក្តៅ ដោយធ្វើការឃាត់រថយន្តមួយគ្រឿង ដែលបានកែច្នៃបំពង់ស៊ីមាំងខុសបច្ចេកទេស បង្កសំឡេងរំខានដល់ប្រជាពលរដ្ឋ និងសណ្តាប់ធ្នាប់សាធារណៈ ។ ជាក់ស្តែង…
រាជធានីភ្នំពេញ ៖ អធិការដ្ឋាននគរបាលខណ្ឌទួលគោក បានអនុវត្តវិធានការក្តៅ ដោយធ្វើការឃាត់រថយន្តមួយគ្រឿង ដែលបានកែច្នៃបំពង់ស៊ីមាំងខុសបច្ចេកទេស បង្កសំឡេងរំខានដល់ប្រជាពលរដ្ឋ និងសណ្តាប់ធ្នាប់សាធារណៈ ។
ជាក់ស្តែង អធិការដ្ឋាននគរបាលខណ្ឌទួលគោក បានប្រកាសនៅលើបណ្តាញសង្គមហ្វេសប៊ុក នារសៀលថ្ងៃទី០១ ខែធ្នូ ឆ្នាំ២០២៥នេះថា ៖ ក្រោយទទួលបានបទបញ្ជា និងការណែនាំពីឯកឧត្តមអគ្គស្នងការង និងជាស្នងការនគបាលរាធានីភ្នំពេញ លើការងារបង្ក្រាបក្មេងទំនើ.ង ស្រាវជ្រាវឃើញ ដោយឃាត់មធ្យោបាយ ដែលកែឆ្នៃបំពង់ស៊ីមាំង ដែលបង្កសំលេងរំខាន ធ្វើអោយបាត់សណ្តាប់ធ្នាប់ ។
អធិការដ្ឋាននគរបាលខណ្ឌទួលគោក បានបញ្ជាក់ថា នៅរសៀលថ្ងៃទី១ ខែធ្នូ លោកវរសេនីយ៍ឯក ស៊ឹម ពិសិដ្ឋ ធិការនគរបាលខណ្ឌទួលគោក បានចាត់កម្លាំងផ្នែកជំនាញ និងប៉ុស្តិ៍ផ្សារដេប៉ូទី១ ឃាត់រថយន្ត១គ្រឿង ម៉ាកតូយូតាឡិចស៊ិស ដែលមានស្លាកលេខភ្នំពេញ2CA-3635 ដែលកែឆ្នៃបំពង់ស៊ីមាំង បង្កសំលេងលឺរំខាន ដល់បងប្អូនប្រជាពលរដ្ឋនោះត្រូវកម្លាំងបានអញ្ជើញម្ចាស់ រួមជាមួយឡានមកអធិការដ្នាន ដើម្បីអប់រំណែនាំអោយដោះចេញ និងដាក់មកវិញនៅបំពង់ស៊ីមាំង ដើមរបស់ឡាន ហើយអោយម្ចាស់រថយន្តខាងលើធ្វើកិច្ចសន្យាបញ្ឈប់ ការប្រើប្រាស់បំពង់ស៊ីមាំងកែឆ្នៃបន្តទៀត ៕
ចែករំលែកព័តមាននេះ