ខេត្តកំពង់ស្ពឺ៖ ប្រជាពលរដ្ឋជាច្រើនគ្រួសារ រស់នៅក្នុងភូមិត្រពាំងរុន ឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ កំពុងប្រឈមនឹងបញ្ហាសុខភាពជាមួយនឹងការសម្តែងក្តីព្រួយបារម្ភ និងបានអំពាវនាវដល់អាជ្ញាធរពាក់ ព័ន្ធឲ្យចុះអន្តរាគមន៍ជាបន្ទាន់ លើករណីសិប្បកម្មកែច្នៃស្លប្រេងម៉ាស៊ីន១កន្លែង…
ខេត្តកំពង់ស្ពឺ៖ ប្រជាពលរដ្ឋជាច្រើនគ្រួសារ រស់នៅក្នុងភូមិត្រពាំងរុន ឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ កំពុងប្រឈមនឹងបញ្ហាសុខភាពជាមួយនឹងការសម្តែងក្តីព្រួយបារម្ភ និងបានអំពាវនាវដល់អាជ្ញាធរពាក់ ព័ន្ធឲ្យចុះអន្តរាគមន៍ជាបន្ទាន់ លើករណីសិប្បកម្មកែច្នៃស្លប្រេងម៉ាស៊ីន១កន្លែង ដែលត្រូវបានគេរាយការណ៍ថាបាន បង្កផលប៉ះពាល់យ៉ាងធ្ងន់ធ្ងរដល់បរិស្ថាន ដីស្រែ និងសុខមាលភាពរបស់ពួកគាត់។
អ្នកភូមិដែលរងផលប៉ះពាល់បានឲ្យដឹងថា សិប្បកម្មកែច្នៃនិងស្លប្រេងម៉ាស៊ីននេះបានបញ្ចេញទឹកកខ្វក់មានជាតិប្រេង ពណ៌ខ្មៅ ដែលបានហូរចូលទៅក្នុងដីស្រែរបស់ពួកគាត់ បណ្ដាលឲ្យខូចខាតដំណាំស្រូវ ដែលជាក់ស្ដែងកន្លងមកស្រូវដែលកំពុងលូតលាស់ត្រូវបានរលួយ និងងាប់ ដោយសារជាតិពុលនៅក្នុងទឹកកខ្វក់នោះ ដែលនាំ ឲ្យពួកគាត់បាត់បង់ទិន្នផលទាំងស្រុង។
លើសពីនេះទៅទៀត ទឹកស្អុយនិងក្លិនមិនល្អ ហើយទឹកនៅក្នុងប្រឡាយ និងក្នុងស្រែមានសភាពស្អុយរលួយមានជាតិប្រេងអណ្ដែត និងបង្កជាក្លិនមិនល្អដែលប៉ះ ពាល់ដល់ការរស់នៅប្រចាំថ្ងៃរបស់ប្រជាពលរដ្ឋ។ បញ្ហាដែលកំពុងប្រឈមសព្វថ្ងៃនេះគឺ ទឹកស្អុយ និងក្លិនមិនល្អ ត្រូវបានគេខ្លាចថាអាចបង្កជាបញ្ហាសុខភាពដល់កុមារ និងមនុស្សចាស់ក្នុងមូលដ្ឋាន ជាពិសេសគោក្របីចុះផឹកទឹកអាចពុលងាប់ ។
ប្រជាពលរដ្ឋបានលើកឡើងថា ពួកគាត់បានរាយការណ៍ និងស្នើសុំអន្តរាគមន៍ទៅអាជ្ញាធរមូលដ្ឋានជាច្រើនលើកច្រើនសាររួចមកហើយ ប៉ុន្តែបញ្ហានៅតែបន្តកើតមាន។ ពួកគាត់បានស្នើសុំឲ្យអាជ្ញាធរថ្នាក់ខេត្ត ជាពិសេសមន្ទីរបរិស្ថាន និងមន្ទីរកសិកម្ម ចុះត្រួតពិនិត្យនិងចាត់វិធានមការជាបន្ទាន់ទៅលើសិប្បកម្មនេះ ដើម្បី បញ្ឈប់សកម្មភាពដែលបង្កការបំពុល និងឱ្យម្ចាស់សិប្បកម្មទទួលខុសត្រូវ និងដោះស្រាយសំណងចំពោះការខូចខាតស្រូវ និងដីស្រែរបស់ប្រជាពលរដ្ឋ ។
ពាក់ព័ន្ធនិងការលើកឡើងខាងលើរបស់ប្រជាពលរដ្ឋ លោក ច័ន្ទថេត ថានរ: ប្រធានមន្ទីរបរិស្ថាន ខេត្តកំពង់ស្ពឺ បានឲ្យដឹងតាមរយៈទូរស័ព្ទនៅព្រឹកថ្ងៃទី០១ ខែធ្នូ ឆ្នាំ២០២៥នេះថា លោកបានដឹងព័ត៌មាននេះហើយ នឹងបានចាត់ ក្រុមការងារចុះទៅពិនិត្យហើយ មានវិធានការហើយ។ បច្ចុប្បន្ន ប្រជាពលរដ្ឋកំពុងទន្ទឹងរង់ចាំដំណោះស្រាយប្រកបដោយប្រសិទ្ធភាពពីសំណាក់អាជ្ញាធរមាន សមត្ថកិច្ច ដើម្បីអាចទទួលបានដីស្រែដែលស្អាត និងបរិស្ថានរស់នៅប្រកបដោយផាសុកភាពឡើងវិញ ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ