ខេត្តបន្ទាយមានជ័យ ៖ អាជ្ញាធរបិទទ្វារឃ្លាំង២កន្លែង ក្រោយរកឃើញ ដោយដកហូតសាច់បង្កក២៨០ក្រាមគ្មានច្បាប់ ត្រូវបានប្រមូលយកមកដុតចោល ស្ថិតក្នុងក្រុងប៉ោយប៉ែត ។ លោក ហ៊ុយ…
ខេត្តបន្ទាយមានជ័យ ៖ អាជ្ញាធរបិទទ្វារឃ្លាំង២កន្លែង ក្រោយរកឃើញ ដោយដកហូតសាច់បង្កក២៨០ក្រាមគ្មានច្បាប់ ត្រូវបានប្រមូលយកមកដុតចោល ស្ថិតក្នុងក្រុងប៉ោយប៉ែត ។
លោក ហ៊ុយ ទូច ប្រធានការិយាល័យផលិតកម្ម និងបសុព្យាបាលខេត្តបន្ទាយមានជ័យប្រាប់ថាមន្ត្រីជំនាញបានស្រាវជ្រាវ និងកំណត់មុខសញ្ញា ហើយមន្ត្រីចម្រុះចុះពិនិត្យឃ្លាំង២កន្លែង ដោយរកឃើញសាច់បង្កក ត្រូវបានរឹបអូសមានទម្ងន់២៨០គីឡូក្រាមរួមមាន៖ ទាមូល មាន់មូល ចុងស្លាបមាន់ គល់ស្លាបមាន់ ភ្លៅមាន់ ស្លាបកណ្តាលមាន់ និងប្រហិតសាច់ជ្រូក កាលថ្ងៃទី២៦ ខែវិច្ឆិកា ឆ្នាំ២០២៥ ស្ថិតនៅភូមិប៉ាលិលេយ្យមួយ និងភូមិប៉ាលិលេយ្យពីរ ក្រុងប៉ោយប៉ែត ។
លោកបានបញ្ជាក់ថា សាច់បង្កក់៦ប្រភេទ ទម្ងន់២៨០គីឡូក្រាម ជាសាច់ចម្រុះគ្មានច្បាប់ត្រឹមត្រូវនិងគ្មានគុណភាពស្តង់ដាតាមលក្ខណៈបច្ចេកទេស ហើយមានក្លិនស្អុយទើបអាជ្ញាធរសុំគោលការណ៍ដកហូតយកទៅដុតកម្ទេចចោល និងកាយកប់តាមបច្ចេកទេស ។
លោក ឃ្លោក នួយ អភិបាលរងខេត្តបន្ទាយមានជ័យបានបញ្ជាក់ថា ក្រោយសាកសួរម្ចាស់ឃ្លាំង
ស្តប់សាច់បង្កក២កន្លែងបានប្រាប់ថា ទំនិញនេះគាត់ទិញមកពីរាជធានីភ្នំពេញគ្មានច្បាប់ឡើយហើយយកដាក់ឃ្លាំងស្តុកលក់ និងចែកចាយតាមខេត្តជាប់ជាយដែន ត្រូវបានកម្លាំងជំនាញរឹបអូសយកទៅដុតចោលហើយបិទទ្វារឃ្លាំងទាំង២កន្លែង ព្រោះគ្មានច្បាប់ ហើយយកសំណាកទៅប៉ាស្ទ័រដើម្បីរកសារធាតុគីមី និងស្រាវជ្រាវរកបន្តទៀត ។
ចែករំលែកព័តមាននេះ