បំពាក់ឋានន្តរសក្តិ ជូនដល់នាយទាហានរង នៃបញ្ជាការដ្ឋានកាំភ្លើងធំ
រាជធានីភ្នំពេញ ៖ ឧត្តមសេនីយ៍ឯក ពៅ សុខា មេបញ្ជាការរង កងទ័ពជើងគោក មេបញ្ជាការបញ្ជាការដ្ឋានកាំភ្លើងធំ កាលពីថ្ងៃទី២៦ ខែវិច្ឆិកា…
រាជធានីភ្នំពេញ ៖ ឧត្តមសេនីយ៍ឯក ពៅ សុខា មេបញ្ជាការរង កងទ័ពជើងគោក មេបញ្ជាការបញ្ជាការដ្ឋានកាំភ្លើងធំ កាលពីថ្ងៃទី២៦ ខែវិច្ឆិកា ឆ្នាំ២០២៥ អញ្ជើញជាអធិបតីក្នុងពិធីឋានន្តរសក្តិជូនដល់នាយទាហានរង របស់បញ្ជាការដ្ឋានកាំភ្លើងធំ ។
ឧត្តមសេនីយ៍ឯក ពៅ សុខា ថ្លែងការកោតសរសើរជាខ្លាំងដល់ការខិតខំប្រឹងប្រែងរបស់នាយទាហាន នាយទាហានរង និងពលទាហានទាំងអស់ ដែលកន្លងមកសម្រេចភារកិច្ចបានយ៉ាងល្អប្រសើរ និងបានកសាងស្នាដៃជាច្រើនជូនដល់អង្គភាព ជាពិសេសការខិតខំការពារអធិបតេយ្យភាព បូរណភាពទឹកដី និងប្រជាជន ពីការឈ្លានពានរបស់សត្រូវ ។
ឧត្តមសេនីយ៍ឯក ពៅ សុខា ប្រសាសន៍ផ្តាំផ្ញើរដល់នាយទាហាន នាយទាហានរង និងពលទហាន ដែលទើបតែទទួលបានឋានន្តរសក្តិ នាពេលនេះ ត្រូវខិតខំប្រឹងប្រែងយកចិត្តទុកដាក់បន្ថែមទៀត បន្តពង្រឹងសមត្ថភាព បង្កើនចំណេះដឹងបន្ថែម ព្យាយាមអនុវត្តការងារឲ្យបានម៉ឺងម៉ាត់ ហ្មត់ចត់ ដើម្បីធ្វើឲ្យអង្គភាពមានការអភិវឌ្ឍន៍រីកចម្រើន បន្តដឹកនាំសហការសាមគ្គីផ្ទៃក្នុងប្រកបដោយប្រសិទ្ធភាពខ្ពស់ និងសម្រេចបាននូវសា្នដៃល្អៗជូនអង្គភាព។ ត្រូវស្មោះត្រង់ចំពោះជាតិ សាសនា ព្រះមហាក្សត្រ និងស្មោះត្រង់ការពាររាជរដ្ឋាភិបាលស្របច្បាប់ ដែលប្រសូត្រចេញពីការបោះឆ្នោតដ៏ត្រឹមត្រូវយុត្តិធម៌ ដែលមានសម្តេចមហាបវរធិបតី ហ៊ុន ម៉ាណែត ជាប្រមុខដឹកនាំដ៏ឈ្លាសវៃ ៕
ចែករំលែកព័តមាននេះ