រាជធានីភ្នំពេញ ៖ ដើម្បីឆ្លើយតបនឹងតម្រូវការចាំបាច់ក្នុងការធានាសុវត្ថិភាពចរាចរណ៍ និងកាត់បន្ថយហានិភ័យគ្រោះថ្នាក់ដល់សិស្សានុសិស្ស រដ្ឋបាលរាជធានីភ្នំពេញ បានចេញសេចក្តីប្រកាសជាផ្លូវការមួយនៅលើបណ្តាញសង្គម ដោយដាក់ចេញនូវវិធានការតឹងរ៉ឹងថ្មីមួយទាក់ទងនឹង «សុវត្ថិភាពតំបន់សាលារៀន»។ ជាក់ស្តែង រដ្ឋបាលរាជធានីភ្នំពេញ…
រាជធានីភ្នំពេញ ៖ ដើម្បីឆ្លើយតបនឹងតម្រូវការចាំបាច់ក្នុងការធានាសុវត្ថិភាពចរាចរណ៍ និងកាត់បន្ថយហានិភ័យគ្រោះថ្នាក់ដល់សិស្សានុសិស្ស រដ្ឋបាលរាជធានីភ្នំពេញ បានចេញសេចក្តីប្រកាសជាផ្លូវការមួយនៅលើបណ្តាញសង្គម ដោយដាក់ចេញនូវវិធានការតឹងរ៉ឹងថ្មីមួយទាក់ទងនឹង «សុវត្ថិភាពតំបន់សាលារៀន»។
ជាក់ស្តែង រដ្ឋបាលរាជធានីភ្នំពេញ បានប្រកាសនៅលើបណ្តាញសង្គម នៅថ្ងៃទី២៧ ខែវិច្ឆិកា ឆ្នាំ២០២៥នេះថា ៖ សុវត្ថិភាពតំបន់សាលារៀន ត្រូវបានបង្កើតឡើង ដើម្បីការពារកុមារ ហើយឥឡូវនេះ ច្បាប់បានបញ្ជាក់យ៉ាងច្បាស់ថា ៖ ដែនកំណត់ល្បឿន៣០ គ.ម/ម៉ោង ត្រូវតែអនុវត្តតាម ។
រដ្ឋបាលរាជធានីភ្នំពេញ បានបញ្ជាក់បន្តថា ការបើកបរលឿនជាងនេះ មិនត្រឹមតែបង្កគ្រោះថ្នាក់ដល់អាយុជីវិតប៉ុណ្ណោះទេ ប៉ុន្តែថែមទាំងប្រឈមនឹងផ្លូវច្បាប់ទៀតផង ។
បន្ថែមពីនេះទៀត នគរបាលចរាចរណ៍ កំពុងអនុវត្តច្បាប់នេះ ដើម្បីរក្សាសុវត្ថិភាពដល់កូនៗរបស់យើង ។ ដូច្នេះសូមគោរពដែនកំណត់ល្បឿន គោរពច្បាប់ចរាចរណ៍ និងការពារអ្នកជំនាន់ក្រោយ។
ជាចុងក្រោយ សូមអំពាវនាវយ៉ាងទទូចដល់ប្រជាពលរដ្ឋ និងអ្នកប្រើប្រាស់ផ្លូវទាំងអស់ សូមចូលរួមគោរពច្បាប់ចរាចរណ៍ដោយស្មារតីទទួលខុសត្រូវខ្ពស់ ។ ការបន្ថយល្បឿន ត្រឹមតែបន្តិចនៅមុខសាលារៀន មិនត្រឹមតែជួយឱ្យលោកអ្នករួចផុតពីការផាកពិន័យប៉ុណ្ណោះទេ ប៉ុន្តែថែមទាំងជាការចូលរួមចំណែកដ៏ធំធេងក្នុងការ «ការពារអ្នកជំនាន់ក្រោយ» និងផ្តល់ស្នាមញញឹមដល់កុមារកម្ពុជាគ្រប់រូបផងដែរ៕
ចែករំលែកព័តមាននេះ