កូនអើយខំរៀន (បទកាកគតិ)


-កូនអើយខំរៀន ចំណេះរបៀន ជាស្ពានចំលង
ចោរលួចមិនបាន ដូចទ្រព្យធនផង កូនប្រាថ្នាប៉ង
ឱ្យបានសំរេច ។
-ម៉ែឪកូនផ្តាំ កូនត្រូវចងចាំ ចាំហើយកុំភ្លេច
ម៉ែឪកូនប្រាប់ ត្រាប់កុំកែគេច ពេលបានសំរេច
នោះហើយជាកេរ ។
-កូនអើយខំរៀន ស្តាប់ការទូន្មាន គ្រូប្រៀនស្តីជេរ
ចង់ឱ្យកូនចេះ ចំណេះសព្វមេ កូនកុំគេចកែ
ព្យាយាមរាល់ថ្ងៃ ។
-ម៉ែឪកូនផ្តាំ បើកូនចងចាំ ត្រាប់គ្រប់សេចក្តី
សង្ឃឹមថ្ងៃមុខ កូនមានតំលៃ បានផលកំរៃ
ព្រោះកូនចេះដឹង ។
-កូនអើយខំរៀន ម៉ែឪទូន្មាន ខ្លីៗប៉ុណ្ណឹង
ចង់ឱ្យកូនខ្ពស់ សមយសកូនប្រឹង ម៉ែឪសូន្យឈឹង
ក៏បិទភ្នែកជិត ។
-ម៉ែឪកូនផ្តាំ ប្រុសស្រីចងចាំ ចាំហើយរិះគិត
កុំដើរផ្លូវខុស យកពាលជាមិត្ត ទំរាំចេះគិត
ហួសពេលហើយកូន ៕
និពន្ធដោយលោកវរសេនីយ៌ឯក ហេង សម្បត្តិ

កំណាព្យ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ