ផលវិបាកនៃគ្រឿងញៀន (បទពាក្យប្រាំបី)


-អាភៀនកញ្ឆាគ្រឿងញៀននាំឱ្យ ស្មារតីខ្សោយខ្សត់មិនដឹងរាក់ជ្រៅ
ចាកឆ្ងាយពុទ្ធិភ្លេចទាំងលំនៅ គ្មានត្រឹមត្រូវទេប្រព្រឹត្តផ្តេសផ្តាស ។
-បាត់បង់អ្នកធ្លាប់នៅជិតជាប់ខ្លួន គេលាក់ពួនគេចពីអ្នកញៀនណាស់
មិត្តមិនចង់ក្បែរខ្លួនខុសស្រលះ គេមិនចូលចិត្តច្បាស់ដោយគ្មានមិត្ត ។
-សូម្បីកិត្តិយសគ្រួសារក៏ស្អុយ ខាតអស់លុយប្រាក់ដោយការប្រព្រឹត្តិ
គ្រួសារបណ្តេញទៅទីងងឹត នៅទីទុច្ចរិតមិត្តអាក្រក់ ។
-ត្រូវសង្គមជាតិស្អប់ខ្ពើមខ្លាំងណាស់ ចេះមិនច្បាស់ក្រៅពីខ្សោយស្លេកស្លក់
ក្មេងបាតសង្គមសាងរឿងកខ្វក់ កើតហេតុល្អក់នាំហេតុដោយថ្នាំញៀន ។
-រឿងមិនដែលធ្វើក៏ធ្វើអស់ហើយ មិនចង់ឡើយដោយសារតែអាភៀន
ក្លាយជាចោរលួចប្លន់ដោយសារគ្មាន លុយសម្រាប់ថ្នាំញៀនគេរងគ្រោះ ។
-ធ្វើឱ្យជីវិតបាត់បង់រស្មី យុវវ័យល្អបែរប្រែមានឈ្មោះ
ជាជនញៀនថ្នាំហៅមិនពីរោះ ខ្លួនអាប់យសអាប់អន់ទាំងជាតិខ្មែរ ។
-ពិសេសបង្ករឿងនាំឈឺក្បាល រាជរដ្ឋាភិបាលខ្លាំងណាស់ដែរ
ណាគិតចំរើនណាគិតកែប្រែ ទោះក្រុងស្រែត្រូវកំចាត់ឱ្យអស់ ។
-សំខាន់បំផុតក្លាយជាធនធាន គ្មានសូត្ររៀនគ្មានផលប្រយោជន៍សោះ
មិនបានរួមអភិវឌ្ឍជាតិដោយស្មោះ ជាតិក្រៀមក្រោះរស់នាំធ្ងន់លោកា ។
-យុវជនរាល់គ្នាគេចពីគ្រឿងញៀន ត្រូវឱ្យខ្លួនឯងមានថ្ងៃថ្លៃថ្លា
ជួយសង្គមជាតិរុងរឿងអស្ចារ្យ ឱ្យគេបានឃើញថាខ្មែរឧត្តម ៕
​ និពន្ធដោយលោក ទិល ចាន់លីន

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

កំណាព្យ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ