ក្រសួងធនធានទឹកប្រកាសថា «ព្យុះមិនទាន់អស់ទេ»
- ភ្នំពេញ
រាជធានីភ្នំពេញ ៖ ក្រសួងធនធានទឹក និងឧតុនិយម បានប្រកាសនៅរសៀលថ្ងៃទី២៦ ខែវិច្ឆិកា ឆ្នាំ២០២៥ នេះថា ព្យុះមិនទាន់អស់ទេ កម្ពុជាអាចនឹងប្រឈមមុខនឹងព្យុះមួយថ្មីទៀត…
រាជធានីភ្នំពេញ ៖ ក្រសួងធនធានទឹក និងឧតុនិយម បានប្រកាសនៅរសៀលថ្ងៃទី២៦ ខែវិច្ឆិកា ឆ្នាំ២០២៥ នេះថា ព្យុះមិនទាន់អស់ទេ កម្ពុជាអាចនឹងប្រឈមមុខនឹងព្យុះមួយថ្មីទៀត គឺព្យុះទី២៧ ឈ្មោះកូតូ ។
ក្រសួងបានប្រកាសថា កម្ពុជាគឺស្ថិតនៅលើគន្លងផ្លូវរបស់ព្យុះនេះហើយរងឥទ្ធិពលកម្រិតប្រមាណជា៣០ភាគរយ ។ ប្រភពដដែលបានអះអាងថា ក្រោមឥទ្ធិពលនៃព្យុះនេះ ចាប់ពីថ្ងៃទី២៧ ខែវិច្ឆិកា ដល់ថ្ងៃទី៥ ខែធ្នូ តំបន់វាលទំនាប អាចមានភ្លៀងធ្លាក់ និងខ្យល់កន្ត្រាក់ប្រមាណជា១៥ភាគរយ ។
តំបន់ខ្ពង់រាបអាចប្រឈមនឹងបាតុភូតនេះប្រមាណជា២០ភាគរយ ហើយតំបន់មាត់សមុទ្រអាចរង១០ភាគរយ ខណៈដែលរលកសមុទ្រអាចមានកំពស់ពីកន្លះម៉ែត្រទៅ២ម៉ែត្រកន្លះ។
ចែករំលែកព័តមាននេះ