រាជធានីភ្នំពេញ៖ កម្មវិធី​ផ្តល់​ជូន​ដ៏​អស្ចារ្យ​ជា​ច្រើន គុណភាព​សេវាកម្ម​ប្រកប​ដោយ​ការ​យកចិត្តទុកដាក់​ខ្ពស់ និង​ដំណើរការ​ប្រតិបត្តិការ​កាន់តែ​មាន​ភាព​រលូន និង​រហ័ស​ទាន់ចិត្ត​ ។ ធនាគារ សា​ខម​ប៊ែ​ង ខេ​ម​បូ​ឌា កំពុង​បញ្ជាក់​ពី​ជំហរ​របស់​ខ្លួន​ជា​ធនាគារ​ឈានមុខ​គេ​មួយ ​ក្នុង​ទឹកដី​នៃ​ព្រះរាជាណាចក្រ​កម្ពុជា ដែល​ជា​គោលដៅ​ដែល​អាច​ជឿ​ទុកចិត្ត​ បាន​សម្រាប់​ប្រជាជន​កម្ពុជា និង​ប្រជាជន​វៀតណាម​នៅ​ក្រៅប្រទេស ​។

នៅ​ក្នុង​បរិបទ​នៃ​កិច្ច​សហប្រតិបត្តិការ​សេដ្ឋកិច្ច​ ដ៏​រស់​រវើក​កាន់តែ​ខ្លាំង​ឡើង​រវាង​កម្ពុជា វៀតណាម និង​ឡាវ លំហូរ​ពាណិជ្ជកម្ម និង​ការ​វិនិយោគ​រវាង​ប្រទេស​ទាំង​បី​ កំពុង​បើកឱកាស​អភិវឌ្ឍ​ជា​ច្រើន​សម្រាប់​សហគមន៍​អាជីវកម្ម​ក្នុង​តំបន់​ ។ រួម​ជាមួយនឹង​និន្នាការ​នោះ តម្រូវការ​សម្រាប់​ដំណោះស្រាយ​ហិរញ្ញវត្ថុ​ដែល​អាច​បត់បែន​បានរហ័ស និង​មាន​សុវត្ថិភាព​កាន់តែ​មាន​សារៈសំខាន់ ជា​ពិសេស​សម្រាប់​សហគ្រាស​ធុន​តូច និង​មធ្យម – “​កោសិកា​ថាមវន្ត​” នៃ​សេដ្ឋកិច្ច​ឥណ្ឌូចិន ​។

ដោយ​យល់​ឃើញ​ពី​និន្នាការ​នេះ ធនាគារ សា​ខម​ប៊ែ​ង ខេ​ម​បូ​ឌា ដែល​ជា​ធនាគារ​បុត្រ​សម្ព័ន្ធ​របស់​ធនាគារ Saigon Thuong Tin Commercial Joint Stock Bank (Sacombank) តែងតែ​ច្នៃប្រឌិត​ឥត​ឈប់​ឈរ​ ដើម្បី​អមដំណើរ​អតិថិជន ​ក្នុង​ដំណើរ​សមាហរណកម្ម​ ។ ដោយ​មាន​ភាព​លេចធ្លោ ជា​ធនាគារ​វៀតណាម​តែ​មួយ​គត់ ​ដែល​មាន​វត្ត​មាននៅ​ក្នុង​ប្រទេស​ទាំង​បី ​គឺ​កម្ពុជា វៀតណាម និង​ឡាវ ធនាគារ​ សា​ខម​ប៊ែ​ង ខេ​ម​បូ​ឌា មិន​ត្រឹមតែ​ផ្តល់​សេវាកម្ម​ហិរញ្ញវត្ថុ​ប៉ុណ្ណោះ​ទេ ប៉ុន្តែ​ថែម​ទាំង​ដើរតួ​នាទី​ ក្នុង​ការ​ផ្សា​រភ្ជាប់​តម្លៃ និង​លើកកម្ពស់​លំហូរ​សាច់ប្រាក់​ ក្នុង​តំបន់​ដែល​មាន​ប្រសិទ្ធភាព​ជាង​មុន ​។

បន្ថែម​ពីលើ​ផលិតផល​ហិរញ្ញវត្ថុ និង​ការ​ផ្តល់​ជូន​ដ៏​ពេញ​និយម ​ដូច​ជា គណនី​ទូទាត់ ការ​ផ្តល់​ប្រាក់​កម្ចី និង​ហិរញ្ញប្បទាន​ពាណិជ្ជកម្ម ធនាគារ សា​ខម​ប៊ែ​ង ខេ​ម​បូ​ឌា ថ្មី​ៗ​នេះ​បាន​ដាក់​ឱ្យ​ដំណើរការ​កម្មវិធី​ប្រូ​ម៉ូ​សិន​ដ៏​ធំ​មួយ ដោយ​កាត់​បន្ថយថ្លៃ​សេវា​រហូត​ដល់ 30% សម្រាប់​សេវា​ផ្ទេរ​ប្រាក់ និង​ទទួល​ប្រាក់ ​នៅ​ក្នុង​ប្រទេស​ទាំង​បី​នៅ​ឥណ្ឌូចិន​ ។ ពេលវេលា​ដំណើរការ​ត្រូវ​បាន​កាត់​បន្ថយ និង​លឿន​ជាង​មុន 35%​ ។ នេះ​មិន​ត្រឹមតែ​ជា​ជំហាន​ទៅ​មុខ​ ក្នុង​បច្ចេកវិទ្យា និង​ប្រតិបត្តិការ​ប៉ុណ្ណោះ​ទេ ប៉ុន្តែ​វា​ក៏​ជា​ភស្តុ​តាង​ នៃ​កិច្ច​ខិតខំ​ប្រឹងប្រែង​របស់​ធនាគារ ​ក្នុង​ការ​នាំ​មក​នូវ​បទ​ពិសោធន៍​ប្រតិបត្តិការ​ដែល​លឿន​ជាង​មុន មាន​សុវត្ថិភាព​ជាង​មុន និង​ល្អ​ប្រសើរ​ជាង​មុន​ដល់​អតិថិជន ​។

លោក ជើត ហ៊ា​ម ដែល​ជានា​យក​ក្រុមហ៊ុន​នាំ​ចូល​-​នាំ​ចេញ​អង្ករ​មួយ​ នៅ​រាជធានី​ភ្នំពេញ ដែល​ធ្វើ​ពាណិជ្ជកម្ម​ ជា​ប្រចាំ​ជាមួយ​ដៃគូ​នៅ​វៀតណាម បាន​ចែករំលែក​ថា​៖ “​ពី​មុន រាល់ពេល​ទទួល​ប្រាក់​ពី​ដៃគូ​ច្រើន​ តែ​ចំណាយពេល​ច្រើន ហើយ​ថ្លៃដើម​ក៏​ខ្ពស់​ដែរ ​។ ចាប់តាំងពី​ប្រើប្រាស់​សេវាកម្ម​របស់​ធនាគារ សា​ខម​ប៊ែ​ង ខេ​ម​បូ​ឌា មក យើង​បាន​សន្សំ​ប្រាក់​បាន​ច្រើន ជា​ពិសេស​ឥឡូវនេះ​ ដែល​ធនាគារ​មាន​ប្រូ​ម៉ូ​សិន បាន​ជួយ​សន្សំ​ប្រាក់​បន្ថែម​ទៀត ដើម្បី​វិនិយោគ​លើ​ការ​ដឹក​ជញ្ជូន និង​ឃ្លាំង​ស្តុក ​។ លើស​ពី​នេះ ការ​ទទួល​បានការ​ជូនដំណឹង ​នៅ​ថ្ងៃ​ដដែល​ជួយ​ឱ្យ​លំហូរ​សាច់ប្រាក់​របស់​ក្រុមហ៊ុន​ចរាចរ​លឿន​ជាង​មុន និង​បង្កើន​ប្រសិទ្ធភាព​ប្រតិបត្តិការ​ជា​ខ្លាំង​”​ ។

បន្ថែម​ពីលើ​ប្រូ​ម៉ូ​សិន​ដ៏​ទាក់ទាញ ធនាគារ សា​ខម​ប៊ែ​ង ក៏​ប្តេជ្ញា​ចិត្ត​ក្នុង​ការ​អមដំណើរ​អតិថិជន ​ក្នុង​រយៈពេល​វែង ចាប់ពី​ជំហាន​ដំបូង​រហូត​ ដល់​ការ​ពង្រីក​ទៅ​កាន់​ទីផ្សារ​ឥណ្ឌូចិន ​ជាមួយនឹង​ផលិតផល​ហិរញ្ញវត្ថុ​ ដែល​ត្រូវ​បាន​រចនា​ឡើងជា​ពិសេស សម្រាប់​អតិថិជន​គ្រប់​ៗ​ផ្នែក​ ។ ដោយហេតុ​នេះ ចំនួន​អតិថិជន​របស់​ធនាគារ សា​ខម​ប៊ែ​ង ខេ​ម​បូ​ឌា បាន​កើន​ឡើងជា​លំដាប់ ដោយ​ចំណូល​ផ្ទេរ​ប្រាក់​អន្តរជាតិ (OTT) សម្រេច​បាន 171 លាន​ដុល្លារ​អា​មេ​រិ​ក គិត​ត្រឹម​ខែតុលា ឆ្នាំ2025 ដែល​កើនឡើង 28% ធៀប​នឹង​រយៈពេល​ដូច​គ្នា ខណៈ​ដែល​ចំណូល​ទទួល​ប្រាក់​អន្តរជាតិ (ITT) បាន​កត់ត្រា​កំណើន​ខ្លាំង ដោយ​សម្រេច​បាន​ដល់​ជិត 2.4 ពាន់​លាន​ដុល្លារ​អា​មេ​រិ​ក ដែល​កើនឡើង 31%​ ។

ជាមួយនឹង​បណ្តាញ​ប្រតិបត្តិការ 54០​ទីតាំង ដែល​គ្របដណ្តប់​លើ​ប្រទេស​ចំនួន​បី និង​ប្រព័ន្ធ​បច្ចេកវិទ្យា​ធនាគារ​ទំនើប ធនាគារ សា​ខម​ប៊ែ​ង ខេ​ម​បូ​ឌា ជួយ​អតិថិជន​ឱ្យ​ទទួល​បាន​សេវាកម្ម​បាន​យ៉ាង​ងាយស្រួល គ្រប់គ្រង​លំហូរ​សាច់ប្រាក់​ឆ្លង​ដែន​បាន​យ៉ាង​ឆាប់រហ័ស ប្រកបដោយ​តម្លាភាព និង​សុវត្ថិភាព​ ។ ជាមួយនឹង​ការ​តម្រង់​ទិស​ នៃ​ការ​ប្រែក្លាយ​បញ្ហា​ប្រឈម​ទៅ​ជា​ឱកាស ធនាគារ​នាំ​មក​ជូន ​អតិថិជន​នូវ​ដំណោះស្រាយ​ហិរញ្ញវត្ថុ​ដ៏​សម្បូរ​បែប ដែល​ជួយ​កាត់​បន្ថយ​ការ​ចំណាយ បង្កើន​ប្រសិទ្ធភាព និង​បង្កើន​ភាព​ប្រកួតប្រជែង​ ។

“​ក្រៅពី​អត្ថប្រយោជន៍​នៃ​កម្មវិធី​ប្រូ​ម៉ូ​សិន ឬ​ផលិតផល និង​សេវាកម្ម​នាំ​មក អ្វី​ដែល​យើង​ចង់បាន គឺ​ដើម្បី​អាច​ផ្សព្វផ្សាយ​ពាណិជ្ជសញ្ញា​ធនាគារ ​ទៅ​កាន់​ប្រទេស​ក្នុង​តំបន់​ឥណ្ឌូចិន​ ។ ក្នុង​ពេល​ជាមួយ​គ្នា​នេះ វត្តមាន​ជាង ​១៦​ឆ្នាំ ​របស់​ធនាគារ សា​ខម​ប៊ែ​ង ខេ​ម​បូ​ឌា ក្នុង​ព្រះរាជាណាចក្រ​កម្ពុជា ធនាគារ​បាន​ផ្តល់​ទំនុកចិត្ត​ យ៉ាង​រឹង​មាំ​សម្រាប់​ប្រជាជន​កម្ពុជា ក៏​ដូច​ជា​ប្រជាជន​វៀតណាម​ ដែល​បាន និង​កំពុង​បន្ត​ធ្វើ​អាជីវកម្ម​ជាមួយ​ប្រជាជន​កម្ពុជា​” – លោក Phung Thai Phung ជា​សមាជិក​ក្រុមប្រឹក្សាភិបាល និង​ជា​អគ្គនាយក​ធនាគារ សា​ខម​ប៊ែ​ង ខេ​ម​បូ​ឌា បាន​ចែករំលែក ​។

អំពី​ធនាគារ សា​ខម​ប៊ែ​ង ខេ​ម​បូ​ឌា​៖
-​ ​ការិយាល័យ​កណ្តាល​៖ អគារ​លេខ​៦០ មហាវិថី​ព្រះ​នរោត្តម សង្កាត់​ជ័យជម្នះ ខណ្ឌដូនពេញ រាជធានី​ភ្នំពេញ​។
-​ ​អតិថិជន​អាច​ទូរ​សព្ទ​មក​ខ្សែ​ទូរ​សព្ទ​ទាន់​ហេតុការណ៍​សម្រាប់​ព័ត៌មាន​បន្ថែម​៖ 023 223 423 / 0978 223 423​។
-​ ​បណ្តាញ​ផ្សព្វផ្សាយ​ផ្លូវការ​៖
•​ ​Website: www.sacombank.com.kh
•​ ​Email: ask-sc@sacombank.com
•​ ​Fanpage: www.facebook.com/SacombankCambodia
•​ ​TikTok: tiktok.com/@sacombankcambodia
•​ ​Telegram: t.me/sacombankcambodia ៕ អត្ថបទសហការ