ដើម្បីធានាឱ្យបាននូវការការពារសម្បត្តិមច្ឆាជាតិ ឧត្ដមសេនីយ៍ទោ សេង ធារិន នៅថ្ងៃទី២៤ ខែវិច្ឆិកា ឆ្នាំ២០២៥ បានដាក់បទបញ្ជា «ក្តៅ» មួយដល់កងកម្លាំងដែលឈរជើងនៅតំបន់បឹងទន្លេសាប…
ដើម្បីធានាឱ្យបាននូវការការពារសម្បត្តិមច្ឆាជាតិ ឧត្ដមសេនីយ៍ទោ សេង ធារិន នៅថ្ងៃទី២៤ ខែវិច្ឆិកា ឆ្នាំ២០២៥ បានដាក់បទបញ្ជា «ក្តៅ» មួយដល់កងកម្លាំងដែលឈរជើងនៅតំបន់បឹងទន្លេសាប ។
ជាក់ស្តែងគណៈបញ្ជាការបង្ក្រាបបទល្មើសនេសាទខុសច្បាប់បឹងទន្លេសាប បានប្រកាសនាថ្ងៃទី២៤ ខែវិច្ឆិកានេះ នៅថ្ងៃទី២៤ ខែវិច្ឆិកា ឆ្នាំ២០២៥ ឧត្ដមសេនីយ៍ទោ សេង ធារិន ប្រធានគណបញ្ជាការ ឯកភាពបង្ក្រាបបទល្មើសនេសាទបឹងទន្លេសាប បានដាក់បទបញ្ជាយ៉ាងម៉ើងម៉ាត់ដល់កងកម្លាំងដែលកំពុងឈរជើងការពារ ទប់ស្កាត់បទល្មើសនេសាទ លើផ្ទៃបឹងទន្លេសាប បន្តបង្ក្រាបបទល្មើសគ្រប់ប្រភេទ អោយបានដាច់ខាត ដើម្បីធានារក្សាបាននូវធនធានមច្ឆាជាតិ ប្រកបដោយនិរន្តរភាព ។
សូមរំលឹកថា ៖ ការដាក់បទបញ្ជា និងវិធានការតឹងរ៉ឹង ក្នុងបេសកកម្មការពារសម្បត្តិរដ្ឋនេះ ឯកឧត្តមប្រធានគណបញ្ជាការ បានសង្កត់ធ្ងន់ថា កងកម្លាំងទាំងអស់ ត្រូវតែអនុវត្តច្បាប់ឱ្យបានដាច់ខាត ដោយមិនត្រូវមានការយោគយល់ ឬការលើកលែងណាមួយចំពោះជនល្មើសឡើយ ។
គ្រប់គោលដៅឈរជើង ត្រូវបង្កើនការល្បាតទាំងយប់ទាំងថ្ងៃ ដើម្បីទប់ស្កាត់រាល់សកម្មភាពនេសាទខុសច្បាប់ដូចជា ការប្រើប្រាស់ឧបករណ៍នេសាទដែលច្បាប់ហាមឃាត់ (អួនអូស ឆក់ត្រជាក់ ឆក់ក្តៅ និងរបាំងសាច់អួនក្រឡា ល្អិតជាដើម) ដែលជាដើមហេតុធ្វើឱ្យវិនាសហិនហោចពូជត្រី ៕
ចែករំលែកព័តមាននេះ