រាជធានីភ្នំពេញ ៖ អ្នកនាង ទូច ស្រីល័ក្ខ បានរំលឹកអនុស្សាវរីយ៍កាលពីជាង១០ឆ្នាំមុន គ្រាដែលតារាសម្តែងលោក អ៊ុន សិទ្ធា ដែលមានចិត្តក្លាហានហ៊ានសុំស្រឡាញ់នាងកាលពីរៀននៅសាលាជាមួយគ្នា…
រាជធានីភ្នំពេញ ៖ អ្នកនាង ទូច ស្រីល័ក្ខ បានរំលឹកអនុស្សាវរីយ៍កាលពីជាង១០ឆ្នាំមុន គ្រាដែលតារាសម្តែងលោក អ៊ុន សិទ្ធា ដែលមានចិត្តក្លាហានហ៊ានសុំស្រឡាញ់នាងកាលពីរៀននៅសាលាជាមួយគ្នា ។ អ្នកនាងទូច ស្រីល័ក្ខ ក៏ដូចជាអ្នកសិល្បៈជាច្រើនទៀត បានសម្តែងក្តីអាឡោះអាល័យ សោកស្តាយ និងរំលឹកអនុស្សាវរីយ៍នានាជាមួយលោក អ៊ុន សិទ្ធា បន្ទាប់ពីតារាសម្តែងរូបនេះ បានទទួលមរណភាពដោយសារជំងឺ ។
មិនខុសពីអ្នកសិល្បៈឯទៀត អ្នកនាង ទូច ស្រីល័ក្ខ ក៏បានដាច់ចិត្តទម្លាយអាថ៍កំបាំងមួយដែលបានលាក់បាំងជាច្រើនឆ្នាំ ជាមួយលោក អ៊ុន សុទ្ធា នោះ គឺតារារូបនេះធ្លាប់សុំស្រឡាញ់នាងកាលពីនៅរៀនសាលាជាមួយគ្នា ។ តាមរយៈសំណេរបង្ហោះលើបណ្តាញសង្គម អ្នកនាង ទូច ស្រីល័ក្ខ បានលើកឡើងថា រំលឹកអនុស្សាវរីយ៍ដែលលាក់ទុកក្នុងចិត្តតាំងពី២០០៣ ។
អ្នកនាងថា បុរសដំបូងដែលក្លាហានហ៊ានសុំស្រលាញ់ខ្ញុំតាំងពីពួកយើងនៅរៀនវិទ្យាល័យសាលាជាមួយគ្នាគឺថា ម៉ោងចេញលេងម្តងណា គឺគាត់តែងតែឈរចាំមុខបន្ទប់រៀនលួចតាមពីក្រោយរហូតតាមការពារជានិច្ច ទឹកត្រជាក់មានជារៀងរាល់ថ្ងៃ ម៉ោងលីបគឺថាឃើញមុខឈរមុខបន្ទប់ថ្នាក់រៀនរហូត ។ នាងបញ្ជាក់ថា ពាក្យដែលចងចាំជានិច្ច មីខ្មៅទៅណាអាខ្មៅតាមស្រលាញ់អាទាល់តែបាន តែមិនបានរហូតខ្ញុំមានប្តីមានកូនគាត់នៅតែផ្តល់ការបារម្ភនឹងតេសួរឆាតបារម្ភរហូតសល់តែសារចុងក្រោយ គឺបងតែងតែបារម្ភពីមីខ្មៅអូនរហូតហាមអូនគិតខ្លី កុំបាក់ទឹកចិត្ត មានការអីអូនតេមកបង ចុងបញ្ចប់អ្នកទៅ គឺជាបងបែបនេះ ។
ចុងបញ្ចប់ ការណាត់ជួបបង គឺជាការមិនបានណាត់ គឺជាការជួបបងគ្មានថ្ងៃត្រឡប់មកវិញជារៀងរហូត ខ្ញុំស្តាយបងណាស់ គ្រប់រូបភាព គឺស្ថិតនៅក្នុងខួរក្បាលជានិច្ចទទួលយកមិនទាន់បានទេ ការសប្បាយភាពរីករាយស្នាមញញឹមនៅមិនទាន់មានទេសំរាប់ខ្ញុំ My best friend and best brother alway inside my heart អ៊ុន សិទ្ធា ។
គួរបញ្ជាក់ថា តារាសម្តែងលោក អ៊ុន សុទ្ធា បានទទួលមរណភាពកាលពីថ្ងៃទី១៩ ខែវិច្ឆិកា ឆ្នាំ២០២៥ ដោយសារជំងឺ ។ ដំណឹងមរណភាពរបស់លោក អ៊ុន សិទ្ធា បានធ្វើអោយមហាជន សម្តែងការភ្ញាក់ផ្អើល និងតក់ស្លុតយ៉ាងខ្លាំង ក្នុងពេលដែលគេមិនបានដឹងថា លោក អ៊ុន សុទ្ធា ផ្ទុកនូវជំងឺរាំរ៉ៃរហូតទទួលមរណភាពនាពេលនេះ ។
នៅមុនពេលទទួលមរណភាព លោក អ៊ុន សិទ្ធា ធ្លាប់បានបង្ហោះសំណេរបង្ហាញពីទុក្ខលំបាករបស់ខ្លួនថា ឈប់រែកទៀតហើយ យូរៗទៅកាន់តែធ្ងន់ រែកទៀតដើម្បីអ្នកណា ឯងខ្លួនមួយសោះហ្នឹង រកអីដែលជាសេចក្តីសុខដាក់ខ្លួនឯងម្តងមើល តើវាធ្ងន់ជាងអំរែកចាស់ទេ បើរែកសំរាប់ខ្លួនឯង ខ្ញុំគិតថាមិនធ្ងន់ ហើយសប្បាយកាយទៀត ខ្ញុំយល់ចឹងមែនទេបងប្អូន បើបងៗខ្ញុំគេមានគ្រួសារអស់ហើយហ្នឹង។ ចាប់ពីពេលនេះទៅ ខ្ញុំរែកតែអំរែកខ្ញុំទេ ហាមបងប្អូនកូនក្មួយណាមកសុំផ្ញើ ។
ប្អូន ពូតារែកអំរែកគ្រួសារនេះជាង២០ឆ្នាំមកហើយ យូរៗទៅវាទៅ ធ្ងន់ផ្លូវចិត្តខ្ញុំខ្លាំងទៅៗ ទៅជាសម្ពាធផ្លូវអារម្មណ៍ ចង់គិតផ្តេសផ្តាសម្តងៗដែរ តែទង្វើបែបនេះខ្ញុំស្អប់ណាស់ នឹង ហាមខ្លួនឯងគ្រប់ពេល ធ្វើបែបនេះមិនមែនជាដំណោះស្រាយទេ វាជាអំពើឆោតល្ងង់ និងគេចវែសពីការពិតខ្លួនឯងទៅវិញទេ ។ ពីមុនមកយើងឆ្លងកាត់បានគ្រប់ឧបសគ្គបានទាំងអស់ ទាំងគ្មានការជួយពីនរណាម្នាក់យើងអាចជំនះបាន ហើយនេះគ្រាន់តែរឿងសម្ពាធផ្លូវអារម្មណ៍ដែលអូសទាញយើងពេលទំនេរសោះ មកទន់ជ្រាយអី ស៊ូៗបន្តទៀត អ៊ុន សិទ្ធា ញញឹមអោយច្រើនក្តីសង្ឃឹមនឹងមកយើងដោយស្នាមញញឹមនេះឯង ។
អរគុណខ្លាំងបំផុតពីបងៗរបស់ខ្ញុំ នឹងពុកម៉ែបងប្អូនដែលតែងតែផ្ញើសារលើកកំលាំងចិត្ត ដល់ខ្ញុំទាំងក្នុងខមិន និងក្នុងប្រអប់សារ បើខ្ញុំឆ្លើយតបយឺត សូមកុំប្រកាន់ ព្រោះសារច្រើនតបមិនទាន់ ។ កុំភ្លេចញញឹមអោយបានច្រើនណា គោរពស្រឡាញ់អ្នកទាំងអស់គ្នា៕
ចែករំលែកព័តមាននេះ