កម្មវិធីប្រឡងបវរកញ្ញា Miss Universe បានបិទបញ្ចប់ហើយ នៅព្រឹកថ្ងៃទី២១ ខែវិច្ឆិកា ឆ្នាំ២០២៥ ដោយនៅក្នុងនោះម្ចាស់ម្កុដបានទៅលើទៅបេក្ខភាពបវរកញ្ញាមកពីប្រទេសម៉ិចស៊ិកកូ ។ យ៉ាងណាបើទោះបីជា…
កម្មវិធីប្រឡងបវរកញ្ញា Miss Universe បានបិទបញ្ចប់ហើយ នៅព្រឹកថ្ងៃទី២១ ខែវិច្ឆិកា ឆ្នាំ២០២៥ ដោយនៅក្នុងនោះម្ចាស់ម្កុដបានទៅលើទៅបេក្ខភាពបវរកញ្ញាមកពីប្រទេសម៉ិចស៊ិកកូ ។
យ៉ាងណាបើទោះបីជា ហ្វីយ៉ាតា បវរកញ្ញាតំណាងកម្ពុជាមិនបានគ្រងម្កុដ និងបានឆ្លងទៅវគ្គTop ជ្រៅក៏ដោយ ប៉ុន្តែសម្រាប់ការចូលរួមប្រកួតរបស់នាងនាពេលនេះ ពិតជាធ្វើអោយទស្សនិក ជាពិសេស អ្នកគាំទ្ររបស់នាងមានមោទនភាពយ៉ាងខ្លាំង ។
ហ្វីយ៉ាតា បានបង្ហាញសកម្មភាពនៅក្នុងការប្រកួតវគ្គនីមួយៗបានយ៉ាងល្អ ជាពិសេសនោះ ការបង្ហាញឈុតតំណាងជាតិយ៉ាងស្រស់ស្អាត និងទាក់ទាញពីមហាជន ។ ការចូលរួមរបស់ហ្វីយ៉ាតា នាពេលនេះ បើទោះបីមិនបានឈ្នះ ប៉ុន្តែនាងបានបង្ហាញទង់ជាតិកម្ពុជានៅលើឆាកអន្តរជាតិដ៏ធំមួយនេះជាមួយនឹងមោទនភាព ។
ហ្វីយ៉ាតា ក៏បានបង្ហាញភាពក្លាហាននៅក្នុងការចូលរួមប្រកួតក្នុងកម្មវិធីមួយនេះនៅលើទឹកដីថៃ ដោយមិនបារម្ភពីសុវត្ថិភាព ក្នុងពេលដែលប្រទេសកម្ពុជាកំពុងមានជម្លោះជាមួយថៃ ។ យ៉ាងណាក្រោយចប់ការប្រកួត ហ្វីយ៉ាតាបានសម្តែងការសុំទោសដល់ទស្សនិកជន ដែលនាងមិនអាចឈ្នះ ហើយនាងក៏បានអរគុណដល់អ្នកគាំទ្រកម្ពុជាទាំងអស់ផងដែរ ។
ជាការកត់សម្គាល់ មុនចេញទៅប្រកួត ថៃ នារីសុជា ឬ ហ្វី យ៉ាតា បានបញ្ជាក់ថា នាងមិនបារម្ភពីការជួបបញ្ហាប្រឈម ឬមិនជួបនោះឡើយ ពោលនាងបានតាំងចិត្តនឹងនាំយកទង់ជាតិកម្ពុជាបង្ហាញលើឆាកអន្តរជាតិ ដោយមិនអាចខកខានបាននោះឡើយ ។
តាមរយៈកិច្ចសម្ភាសន៍ក្នុងកម្មវិធីរបស់ស្ថានីយទូរទស្សន៍ក្នុងស្រុក អ្នកនាង ហ្វីយ៉ាតា បានរៀបរាប់ថា ៖ «ចាប់តាំងពីចូលមកប្រកួតយើងដឹងហើយថា កម្មវិធីនឹងប្រព្រឹត្តនៅប្រទេសណា ហើយខ្ញុំតែងតែប្រាប់ខ្លួនឯងថា បើសិនជាខ្ញុំឈ្នះម្កុដ ឆាកអន្តរជាតិទាំងមូលអត់អាចខ្វះទង់ជាតិរបស់ប្រទេសកម្ពុជាយើងបានទេ ហើយពាក្យនឹងគឺនៅក្នុងខួរក្បាលខ្ញុំវិលទៅវិលមករហូត។
ហើយពេលនេះ ខ្ញុំអាចឈ្នះបានមកុដតំណាងឱ្យប្រទេសកម្ពុជាហើយ ហេតុអីបានខ្ញុំអត់អាចយកទង់ជាតិខ្មែរយើងទៅលើឆាកនឹងបាន អ៊ីចឹងខ្ញុំគិតថា ទោះបីជាមានឧបសគ្គធំនៅខាងមុខ ឬក៏មិនមាន ឬណាយ៉ាងណាក៏ដោយ តែការប្ដេជ្ញាចិត្តរបស់ខ្ញុំដែលត្រូវយកទង់ជាតិកម្ពុជាទៅលើឆាកអន្តរជាតិត្រូវតែបន្ត។
ម្យ៉ាងទៀត ខ្ញុំក៏ទទួលបានដំណឹងពី ND ផ្ទាល់ ដែលបានពិភាក្សាជាមួយខាងកម្មវិធីអន្តរជាតិ ហើយខាងកម្មវិធី MU ក៏ផ្ដាំទៅ ND កម្ពុជាវិញថា គេមិនចង់ឱ្យបាត់បង់បេក្ខភាពពីប្រទេសណាមួយទេ គឺគេចង់ស្វាគមន៍យើង ឱ្យយើងទៅប្រកួតទាំងអស់គ្នា» ៕
ចែករំលែកព័តមាននេះ