រាជធានីភ្នំពេញ ៖ សម្តេចតេជោហ៊ុន សែនប្រធានព្រឹទ្ធសភាបានលើកឡើងថាកន្លងមក នេះ ថៃបានប្រមាថមកលើកម្ពុជាដោយថានឹងវាយយកប្រសាទនេះ ប្រាសាទនោះរបស់កម្ពុជា ដោយថ្នូរនឹងអ្វីមួយ តែសូមប្រាប់វិញថាបើក្បាលប៉ានដែកសូមចូលមកយកមក។ ថ្លែងក្នុងពិធីបើក…
រាជធានីភ្នំពេញ ៖ សម្តេចតេជោហ៊ុន សែនប្រធានព្រឹទ្ធសភាបានលើកឡើងថាកន្លងមក នេះ ថៃបានប្រមាថមកលើកម្ពុជាដោយថានឹងវាយយកប្រសាទនេះ ប្រាសាទនោះរបស់កម្ពុជា ដោយថ្នូរនឹងអ្វីមួយ តែសូមប្រាប់វិញថាបើក្បាលប៉ានដែកសូមចូលមកយកមក។
ថ្លែងក្នុងពិធីបើក «អនុសំវច្ឆរមហាសន្និបាតមន្ត្រីសង្ឃទូទាំងប្រទេស លើកទី៣៣ ឆ្នាំ២០២៥» នៅវិទ្យាស្ថាន ជាតិអប់រំនាព្រឹកថ្ងៃទី១៨ ខែវិច្ឆិកាឆ្នាំ២០២៥សម្តេចតេជោនហ៊ុន សែនប្រ ធានព្រឹទ្ធសភាបានគូសបញ្ជាក់យ៉ាងដូច្នេះថា៖« ខ្លះគេ(ថៃ)គេប្រមាថវៃយើងតែបីថ្ងៃ ខ្លះគេ ប្រមាថវៃយើងយក៤ខេត្តដើម្បីដោះដូរ ជាមួយប្រាសាទនេះប្រាសាទនោះ ប៉ុន្តែយើងគិត ក្នុងចិត្តថាបើឯងក្បាលប៉ានដែកចូលមក(យើងនិយាយក្នុងចិត្ត) នៅទីនេះសុទ្ធតែទាហ៊ាន ហើយមិនមែនជាទាហា៊នសម្រាប់បាញ់ទេ ប៉ុន្តែជាទាហ៊ានសម្រាបវាយសម្រុកទៅមុខ»។
សម្តេចតេជោបានបន្តថាពាក្យប្រមាថមួយចំនួនសូមទុកឲ្យអ្នកឯងប្រមាថចុះ យើងមិនអួតអាង អ្វីទាំងអស់ ក៏ប៉ុន្តែយើងមានសិទ្ធិការពារខ្លួនរបស់យើង។ ឧទាហរណ៍៖ បញ្ហានៅព្រៃចន្ទ នៅខេត្តបន្ទាយមានជ័យគេចង់ឲ្យយើងផ្ទុះអាវុធភ្លាម! ប៉ុន្តែយើងផ្ទុះអាវុធភ្លាមតើ លទ្ធផលវា ចេញមកយ៉ាងដូច្នេះ? ថៃបានញុះឲ្យយើងផ្ទុះអាវុធដោយអស់ពីរឿងមួយ គេយករឿងមួយ សូម្បីតែចំពាមកៅស៊ូ ក៏គេបាញ់មកលើទាហានយើងស្ទើរាល់យប់ ប៉ុន្តែភាគីកម្ពុជាមិនធ្វើការតបវិញនោះទេ ព្រោះថាគិតថាបញ្ហាបានដើរកិច្ចព្រមព្រៀងបទឈប់បាញ់ រហូតដល់សេចក្តីថ្លែងការណ៍សន្តិភាពរវាងកម្ពុជា -ថៃ ដោយមានទាំងសហរដ្ឋអាមេរិក ចិន និងម៉ាឡេស៊ី និងមិត្តិ ភក្តលើពិភពលោកបានដឹងឮ ទាំងអស់ហើយ។
ផ្ទុយទៅវិញបើមានតបទៅវិញ នឹងមានបញ្ហា ដែលគេហៅថាជម្លោះពាក្យសំដី ដូច្នេះពាក្យថា«ស្ងាត់តែមិនស្ងៀម» ប៉ុន្តែខ្ញុំទទួលស្គាល់ មិនបានបំពាក់អាវការពារដល់បងប្អូនកងទ័ពរបស់យើង តែពេលនេះបានបំពាក់រួចហើយ។
សម្តេចបានលើកឡើងថា សម្តេចទទួលស្គាល់ថា យើងមានការភ្លេចភ្លាំង ដែលយើងមិន បានបំពាក់អាវក្រោះឱ្យកងទ័ព ប៉ុន្តែឥឡូវនេះវាលើសពីការគ្រប់គ្រាន់ទៅហើយ នេះក៏ជាវិស័ យ ការពារជាតិមួយដែរ ដែលយើងបានធ្វើដោយស្ងាត់ស្ងៀម ហើយបន្តិចទៀតយើងនឹងមា នម៉ាកមួយឈ្មោះថា DSS ផលិតសម្រាប់បំពាក់ឱ្យកងទ័ពហើយអាចនាំចេញថែមទៀត។ ចំពោះការលើកឡើងរបស់សាធារណមតិពីករណីដែលទាហានថៃបានបាញ់ប្រហារមកលើអ្នកភូមិព្រៃចាន់ ដែលបានបណ្តាលឱ្យស្លាប់ម្នាក់ និងរបួស៣នាក់កាលពីពេលថ្មីៗកន្លងទៅនេះ ដែលថាហេតុអ្វី យើងនៅស្ងៀមនោះ សម្តេចប្រធានព្រឹទ្ធសភាបានមានប្រសាសន៍ថា សម្តេចសូមសួរត្រឡប់ទៅវិញថាបើសិនជាយើងផ្ទុះអាវុធនៅពេលនោះ តើមានមនុស្សស្លាប់ ត្រឹមតែម្នាក់ និរបួស៣នាក់នោះទេ គឺវាទៅលើសពីនោះ ដោយខាងថៃក៏ត្រូវស្លាប់ អាចច្រើន ឯយើងក៏ត្រូវស្លាប់មកដល់ស៊ីសុផុននោះ។
និយាយគ្នាឱ្យច្បាស់កន្លែងហ្នឹង យើងមិនមែន ខ្លាចវ៉ៃទេ ប៉ុន្តែវ៉ៃទៅវាបានផលមកវិញយ៉ាងម៉េច? វាបំផ្លាញកិច្ចព្រមព្រៀងឈប់បាញ់ បំផ្លាញសេចក្តីថ្លែងការណ៍សន្តិភាព តើវាគួរដែរទេ? ពួកអ្នកឯងនិយាយបានតែនៅខាងក្រៅទេ ប៉ុន្តែសូមសួរថាពួកអ្នកឯងបានថ្កោលទោសអ្នកដែលបានបាញ់ប្រជាជនកម្ពុជាស្លាប់ និងរបួស ហើយឬនៅ ដែលយើងត្រូវតែបញ្ជាក់ពីចំណុចនេះឱ្យបានច្បាស់៕
ចែករំលែកព័តមាននេះ