ខេត្តកំពង់ស្ពឺ ៖ ត្រឹមតែរយៈពេលមួយសប្តាហ៍តែប៉ុណ្ណោះ ខេត្តកំពង់ស្ពឺទទួលបានភ្ញៀវទេសចរជាតិ និងអន្តរជាតិមកលេងកម្សាន្តប្រមាណ៤៩០០០នាក់ នៅតាមបណ្តារមណីយដ្ឋាន និងកន្លែងសហគមន៍ទេសចរណ៍នានានៅទូទាំងខេត្តកំពង់ស្ពឺ ។ នេះបើយោងតាមការឱ្យដឹងពីលោក រស់…
ខេត្តកំពង់ស្ពឺ ៖ ត្រឹមតែរយៈពេលមួយសប្តាហ៍តែប៉ុណ្ណោះ ខេត្តកំពង់ស្ពឺទទួលបានភ្ញៀវទេសចរជាតិ និងអន្តរជាតិមកលេងកម្សាន្តប្រមាណ៤៩០០០នាក់ នៅតាមបណ្តារមណីយដ្ឋាន និងកន្លែងសហគមន៍ទេសចរណ៍នានានៅទូទាំងខេត្តកំពង់ស្ពឺ ។
នេះបើយោងតាមការឱ្យដឹងពីលោក រស់ សុខ ប្រធានមន្ទីរទេសចរខេត្តកំពង់ស្ពឺ បានប្រាប់ឱ្យដឹងនៅថ្ងៃទី២០ ខែតុលា ឆ្នាំ២០២៥នេះថា ភ្ញៀវទេសចរជាតិ និងអន្តរជាតិ មកលេងកម្សាន្តតាមរមណីយដ្ឋានគីរីរម្យ ទឹកធ្លាក់ជ្រាវ សហគមន៍ទេសចរណ៍ ទឹកធ្លាក់ចំបក់។ល។ និងស្នាក់នៅក្នុងភូមិសាស្ត្រខេត្តកំពង់ស្ពឺ គិតចាប់ពីថ្ងៃទី១៣ ខែតុលា ដល់ថ្ងៃទី១៩ ខែតុលា ឆ្នាំ២០២៥ សរុបប្រមាណ៤៩,០០០នាក់ សម្រាប់ភ្ញៀវជាតិចំនួន៤៨,៧០០នាក់ និងភ្ញៀវទេសចរអន្តរជាតិចំនួន៣០០នាក់ផងដែរ ។
ចំពោះម្ហូបអារហារតាមរមណីយដ្ឋាន និងសហគមន៍ទេសចរនានាមានតម្លៃសមរម្យ និងមានអនាម័យខ្ពស់ ដោយឡែក សន្តិសុខ សុវត្ថិភាព មិនមានអ្វីគួរឱ្យកត់សម្គាល់នោះដែរ។ ភ្ញៀវទេសចរដែលមកលេងកម្សាន្តទទួលបានសុខសុវត្ថិភាព សប្បាយរីករាយគ្រប់ៗគ្នា៕
ចែករំលែកព័តមាននេះ