ខេត្តកំពង់ស្ពឺ៖ ផ្ទះលក់អីវ៉ាន់មួយខ្នងសង់អំពីឈើ ប្រកក្បឿង ទំហំ៦ម៉ែត្រគុណនិង៨ម៉ែត្រត្រូវបានអគ្គីភ័យឆាបឆេះអស់បង្កឱ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ចជួយអន្តរាគមន៍ដែរប៉ុន្តែភ្លើងឆេះខ្លាំងលឿនពេក ព្រោះតែទុស្សេឆ្លងចរន្តភ្លើង។ ហេតុការណ៍ទុស្សេឆ្លងចរន្តភ្លើងបណ្តាលឱ្យឆេះផ្ទះលក់អីវ៉ាន់ បានកើតឡើងកាលពីវេលាម៉ោង៩និង២០នាទីព្រឹកថ្ងៃទី១៩ ខែតុលា ឆ្នាំ២០២៥…
ខេត្តកំពង់ស្ពឺ៖ ផ្ទះលក់អីវ៉ាន់មួយខ្នងសង់អំពីឈើ ប្រកក្បឿង ទំហំ៦ម៉ែត្រគុណនិង៨ម៉ែត្រត្រូវបានអគ្គីភ័យឆាបឆេះអស់បង្កឱ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ចជួយអន្តរាគមន៍ដែរប៉ុន្តែភ្លើងឆេះខ្លាំងលឿនពេក ព្រោះតែទុស្សេឆ្លងចរន្តភ្លើង។
ហេតុការណ៍ទុស្សេឆ្លងចរន្តភ្លើងបណ្តាលឱ្យឆេះផ្ទះលក់អីវ៉ាន់ បានកើតឡើងកាលពីវេលាម៉ោង៩និង២០នាទីព្រឹកថ្ងៃទី១៩ ខែតុលា ឆ្នាំ២០២៥ នៅចំណុចភូមិចាន់ពីង ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។
នគរបាលស្រុកឱរ៉ាល់បាននិយាយឱ្យដឹងថា មានករណីគ្រោះអគ្គីភ័យមួយបានកើតឡើង( ភ្លើងឆេះផ្ទះ)អស់០១ខ្នងដែលមានទំហំ ៦ម៉ែត្រគុណនិង៨ម៉ែត្រ ធ្វើអំពីឈើ ជញ្ជាំងក្តា ដំបូលប្រក់ក្បឿង ដែលជាកម្មសិទ្ធិរបស់ឈ្មោះ ឆីល សៅលី ភេទស្រី អាយុ៣១ឆ្នាំ ត្រូវជាប្រពន្ធ មុខរបរលក់អីវ៉ាន់ និង ឈ្មោះសឿ ប្រុស ភេទប្រុស អាយុ៣៩ឆ្នាំ ត្រូវជាប្តី មុខរបរលក់អីវ៉ាន់ ទាំង០២នាក់រស់នៅភូមិឃុំកើតហេតុខាងលើ។
នគរបាលស្រុកឱរ៉ាល់បានបន្តថា ករណីភ្លើងឆេះផ្ទះលក់អីវ៉ាន់ខាងលើនេះ បណ្តាលឱ្យឆេះខូចខាតទាំងស្រុងដូចខាងក្រោម÷
-ផ្ទះ ០១ ខ្នងទំហំ ៦ម៉ែត្រ គុណ៨ម៉ែត្រ ឆេះខូចខាតទាំងស្រុង
-សៀវភៅស្នាក់នៅ ០១ក្បាល
-សំបុត្រកំណើត ០៤សន្លឹក
-អត្តសញ្ញាណប័ណ្ណចំនួន ០២
-លុយដុល្លារចំនួន ២០០០ ដុល្លារ
-មាសទម្ងន់៥ជី
-ធុងបាសចំនួន ០២
-ជញ្ជីងចំនួន ០១
-ស្រូវ៥០០គីឡូក្រាម
-ទូកញ្ចក់ចំនួន០២
-គ្រែឈើចំនួន០២ និងសម្ភារៈលក់ចាប់ហួយមួយចំនួន ។ មូលហេតុដែលបណ្តាលឱ្យឆេះផ្ទះនេះមកពីទុស្សេឆ្លងចរន្តអគ្គីសនី។
នគរបាលស្រុកឱរ៉ាល់បានបញ្ជាកយថា នៅក្នុងកិច្ចប្រតិបត្តិការ÷ គឺកម្លាំងអធិការដ្ឋាននគរបាលស្រុកឱរ៉ាល់ សហការជាមួយប៉ុស្តិ៍នគរបាលរដ្ឋបាលឃុំត្រពាំងជោ និង បងប្អូនប្រជាពលរដ្ឋក្នុងភូមិ ជួយអន្តរាគមន៍ពន្លត់បានរលត់ទាំងស្រុង ដោយប្រើរថយន្តពន្លត់អគ្គីភ័យចំនួន០១គ្រឿង អស់ទឹកចំនួន ០៣ រថយន្ត។ ចំពោះករណីខាងលើនេះមិនមានបង្កគ្រោះថ្នាក់ដល់មនុស្ស និងសត្វ ឬរាលដាលដល់ផ្ទះអ្នកជិតខាងឡើយ៕
ចែករំលែកព័តមាននេះ