វេណេស៊ុយអេឡា-អាមេរិក ៖ ប្រធានាធិបតីអាមេរិក លោកដូណាល់ត្រាំអះអាង កាលពីថ្ងៃទី១៥ តុលា ពីការគ្រោងវាយប្រហារតាមជើងគោកប្រឆាំងវេណេស៊ុយអេឡា បន្ទាប់ពីការវាយប្រហារ៥លើកមកហើយ ប្រឆាំងនាវាដែលលោកថា ជារបស់ពួកអ្នករត់ពន្ធគ្រឿងញៀន…
វេណេស៊ុយអេឡា-អាមេរិក ៖ ប្រធានាធិបតីអាមេរិក លោកដូណាល់ត្រាំអះអាង កាលពីថ្ងៃទី១៥ តុលា ពីការគ្រោងវាយប្រហារតាមជើងគោកប្រឆាំងវេណេស៊ុយអេឡា បន្ទាប់ពីការវាយប្រហារ៥លើកមកហើយ ប្រឆាំងនាវាដែលលោកថា ជារបស់ពួកអ្នករត់ពន្ធគ្រឿងញៀន ក្នុងដែនទឹកតំបន់ការ៉ាអ៊ីប ។ ចំណែកប្រធានាធិបតីវេណេស៊ុយអេឡា លោកនីកូឡាស់ម៉ាឌូរ៉ូវិញ បានថ្កោលទោសរដ្ឋប្រហាររៀបចំឡើងដោយភ្នាក់ងារចារកម្មអាមេរិក CIA។
ក្រុងវ៉ាស៊ីនតោនបានចោទប្រកាន់ប្រធានាធិបតីវេណេស៊ុយអេឡា និងរដ្ឋាភិបាលរបស់លោកថា ជាមេខ្លោងនៃអង្គការរត់ពន្ធគ្រឿងញៀនដ៏ធំ ទៅកាន់សហរដ្ឋអាមេរិក ដែលក្នុងការ៉ាកាស់បដិសេធយ៉ាងម៉ឺងម៉ាត់ ហើយជាការឆ្លើយតបចំពោះការដាក់ពង្រាយកងនាវាចម្បាំងអាមេរិក នៅតំបន់ការ៉ាអ៊ីបដែលចាត់ទុកថា ជាការគំរាមកំហែងខាងយោធាមួយវេណេស៊ុយអេឡាបានធ្វើសមយុទ្ធយោធានានា និងកេណ្ឌប្រមូលទាហានបម្រុង។
រដ្ឋការលោកត្រាំរយៈពេលចុងក្រោយនេះ បានវាយប្រហារក្នុងសមុទ្រលើនាវា៥គ្រឿង ដែលខ្លួនចាត់ទុកថា ជានាវារបស់ពួករត់ពន្ធគ្រឿងញៀនក្នុងដែនទឹកអន្តរជាតិ បណ្ដាលឲ្យមនុស្សស្លាប់សរុប២៧នាក់ ក្រោយការដាក់ពង្រាយពីខែសីហាមកនូវនាវាចម្បាំង៨គ្រឿងនិងនាវាមុជទឹកនុយក្លេអ៊ែរ១គ្រឿង ក្នុងដែនទឹកនៃឆ្នេរសមុទ្រវេណេស៊ុយអេឡា ដែលជាផ្លូវការអាមេរិកថា ការដាក់ពង្រាយនោះស្ថិតក្នុងក្របខណ្ឌនៃប្រតិបត្តិការប្រឆាំងគ្រឿងញៀនមួយ ។
ពេលឆ្លើយតបសំនួររបស់អ្នកកាសែតម្នាក់សួរលោក ពីការវាយប្រហារវេណេស៊ុយអេឡាតាមជើងគោកលោកត្រាំថា ខ្ញុំមិននិយាយច្រើនថែមទៀតឡើយ ប៉ុន្តែចូរយើងក្រឡេកមើលនាពេលនេះខាងផ្នែកជើងគោកម្ដង ព្រោះយើងកំពុងត្រួតត្រាបានល្អហើយខាងជើងទឹក។ ទោះបីយ៉ាងណាលោកបដិសេធ មិនអះអាងលើព័ត៌មានរបស់កាសែតញូវយ៉កថែម ដែលតាមព័ត៌មានទាំងនោះថា លោកបានអនុញ្ញាតជាសម្ងាត់ឲ្យCIA ធ្វើប្រតិបត្តិការដោយសម្ងាត់នានា នៅវេណេស៊ុយអេឡា ប្រឆាំងរដ្ឋាភិបាលលោកម៉ាឌូរ៉ូ។ ពេលសួរលោកថាតើលោកអនុញ្ញាតឲ្យCIA សម្លាប់មេដឹកនាំវេណេស៊ុយអេឡា ដែរទេ លោកត្រាំឆ្លើយថានោះជារឿងគួរឲ្យអស់សំណើច ដែលមកសួរខ្ញុំបែបនេះ។
ចំណែកលោកម៉ាឌូរ៉ូវិញលើកឡើងកាលពីយប់ថ្ងៃទី១៥តុលាថា យើងបដិសេធសង្គ្រាមនៅតំបន់ការ៉ាអ៊ីប ។ យើងបដិសេធការដូររបបដែលយើងរំឭកដល់សង្គ្រាមជាច្រើនដែលអាមេរិករងបរាច័យដូចជា សង្គ្រាមនៅអាហ្វាហ្គានីស្ថាន អ៊ីរ៉ង់និងអ៊ីរ៉ាក់ ហើយយើងបដិសេធរដ្ឋប្រហារដែលរៀបចំធ្វើដោយCIA។
យើងសូមរំឭកពីរដ្ឋប្រហារទាំងឡាយ ដែលមានមនុស្សដល់៣០.០០០នាក់បាត់ខ្លួន បណ្ដាលមកពីCIA ក្នុងរដ្ឋប្រហារនៅប្រទេសអាហ្សង់ទីន ។ រដ្ឋប្រហាររបស់លោកពីណូជេយុវជនដល់៥០០០នាក់ត្រូវសម្លាប់និងបាត់ខ្លួន។ តើរដ្ឋប្រហាររបស់ CIAត្រូវបន្តដល់ពេលណាទៅ? អាមេរិកឡាទីនមិនចង់បានរដ្ឋប្រហារឡើយ ហើយបដិសេធរដ្ឋប្រហារ ។
មុននេះ ប្រធានាធិបតីវេណេស៊ុយអេឡាស្នើឲ្យបន្តកម្មវិធីសមយុទ្ធយោធា ក្នុងប្រទេស ពិសេសការដាក់ពង្រាយកងទ័ពនៅប៉េតានិងកាទីយ៉ា ជាសង្កាត់ធំ២នៃក្រុងការ៉ាកាស់។ លោកក៏បញ្ជាដែរឲ្យធ្វើសមយុទ្ធនៅតាមបណ្ដារដ្ឋជាប់ព្រំដែនជាមួយកូឡុំប៊ី៕
ចែករំលែកព័តមាននេះ