ខេត្តកំពង់ចាម ៖ អាចចាត់ទុកជាអំពើសាហាវឃោរឃៅដោយបុរសម្នាក់បែកថ្នាំ និងញៀនសុរាពេលផឹកស្រវឹងបានឈ្លោះប្រកែកជាមួយប្រពន្ធរហូតឈានដល់ប្រើអំពើហិង្សា ដោយយកកាំបិតចិតបន្លែមកអារ.កប្រពន្ធនិងកូនតូចអាយុ៩ខែស្លាប់ក្នុងថ្លុកឈាមយ៉ាងអាណោចអាធ័ម ។ ហេតុការណ៍នេះ បានកើតឡើងនៅវេលាម៉ោង៣និង២០នាទីរសៀលថ្ងៃទី៧ តុលា ឆ្នាំ…
ខេត្តកំពង់ចាម ៖ អាចចាត់ទុកជាអំពើសាហាវឃោរឃៅដោយបុរសម្នាក់បែកថ្នាំ និងញៀនសុរាពេលផឹកស្រវឹងបានឈ្លោះប្រកែកជាមួយប្រពន្ធរហូតឈានដល់ប្រើអំពើហិង្សា ដោយយកកាំបិតចិតបន្លែមកអារ.កប្រពន្ធនិងកូនតូចអាយុ៩ខែស្លាប់ក្នុងថ្លុកឈាមយ៉ាងអាណោចអាធ័ម ។
ហេតុការណ៍នេះ បានកើតឡើងនៅវេលាម៉ោង៣និង២០នាទីរសៀលថ្ងៃទី៧ តុលា ឆ្នាំ ២០២៥ នៅឃុំមានជ័យ ស្រុកស្រីសន្ធរ ។ ក្រោយពីមានករណីឃាតកម្មនេះ កើតឡើង ត្រូវបានកម្លាំងសមត្ថកិច្ចមូលដ្ឋានចុះអន្តរាគមន៍ជាបន្ទាន់ចាប់បុរសបែកថ្នាំ និងនាំក្មួយស្រីអាយុ៣ឆ្នាំទៅសង្គ្រោះនៅមន្ទីរពេទ្យ។
លោកវរសេនីយ៍ឯក ប៉ាក ជាតិ អធិការនគរបាលស្រុកស្រីសន្ធរប្រាប់ឲ្យដឹងថា កម្លាំងប៉ុស្តិ៍មានជ័យបានទទួលព័ត៌មានពីឈ្មោះអ៊ឹម អឿន ភេទប្រុស នៅភូមិមាន់ដប់លើ ឃុំមានជ័យ ស្រុកស្រីសន្ធរ ទូរស័ព្ទមកប្រាប់ថា នៅផ្ទះម៉ីង សុផល អាយុ៥៩ឆ្នាំ ឃុំមានជ័យ ស្រុកស្រីសន្ធរ មានកើតករណីឃាតកម្មដោយប្ដីសម្លាប់ប្រពន្ធនិងកូនស្រីតូចម្នាក់ នៅត្រង់ចំណុចមុខផ្ទះរបស់ខ្លួនបាន បង្កឲ្យមានការភ្ញាក់ផ្អើលដល់អ្នកភូមិផងរបងជាមួយ។
អធិការនគរបាលស្រុកស្រីសន្ធរបន្តថា ចំពោះហេតុការណ៍គឺដំណើររឿងដូចខាងក្រោម៖នៅថ្ងៃទី០៧ ខែតុលា ឆ្នាំ២០២៥ មានឈ្មោះសឿន ហេងលាភ ភេទប្រុស អាយុ២៥ឆ្នាំ មានប្រពន្ធឈ្មោះស្រង់ អ៊ីហ្វុង អាយុ២៥ឆ្នាំ រស់នៅខាងប្រពន្ធភូមិទ្រាំងក្រោម ឃុំតាអែក ស្រុកខ្សាច់កណ្ដាល ខេត្តកណ្ដាល បានចេញពីផ្ទះមកយកក្មួយស្រីឈ្មោះឃី សេរីកាន់យ៉ា អាយុ៣ឆ្នាំ នៅភូមិត្រាំងលើ ឃុំតាអែក ដឹកម៉ូតូទាំងប្រពន្ធសំដៅមកភូមិមាន់ដប់លើ ឃុំមានជ័យ ស្រុកស្រីសន្ធរ ខេត្តកំពង់ចាម លុះរហូតដល់ម៉ោងប្រហែល៣រសៀលជាងឈ្មោះសឿន ហេងលាភ ជាប្ដីរៀងស្រវឹងស្រា មានប្រវត្តិធ្លាប់ប្រើប្រាស់គ្រឿងញៀនបែកថ្នាំ បានរករឿងឈ្លោះជាមួយប្រពន្ធ ហើយក៏បានយកកូនកាំបិតចុងស្រួចប្រភេទកាំបិតចិតបន្លែ អារ.កប្រពន្ធឈ្មោះស្រុង អ៊ីហ្វុង បណ្ដាលឱ្យស្លាប់ និងកូនស្រីឈ្មោះលាភ លីនដាអាយុ៩ខែ បណ្ដាលឱ្យស្លាប់នៅនឹងមុខផ្ទះ ។ ហើយនឹងអារ.កក្មួយស្រីម្នាក់ទៀតឈ្មោះឃី សេរីកាន់យ៉ា អាយុ៣ឆ្នាំ ឲ្យរបួសធ្ងន់ ។ ត្រូវបានក្រុមគ្រួសារបញ្ជូនមកមន្ទីរពេទ្យបង្អែកស្រុកស្រីសន្ធរ និងបញ្ជូនទៅព្យាបាលនៅមន្ទីរពេទ្យភ្នំពេញ ។
បន្ទាប់ពីទទួលបានព័ត៌មាននោះភ្លាម កម្លាំងប៉ុស្តិ៍ក៏រដ្ឋបាលមានជ័យ និងកម្លាំងប្រជាការពារបានចុះទៅដល់កន្លែងកើតហេតុ រួចរាយការណ៍ជូនរូបលោក និងបានសុំគោលការណ៍ពីលោកឧត្តមសេនីយ៍ស្នងការនគរបាលខេត្តបានបញ្ជាអោយផ្នែកជំនាញព្រហ្មទណ្ឌជាមួយកម្លាំងនគរបាលព្រហ្មទណ្ឌខេត្តកំពង់ចាម និងបច្ចេកទេសវិទ្យាសាស្ត្រចុះមក រួចក៏ឃាត់ជនសង្ស័យបាននៅកន្លែងកើតហេតុបញ្ជូនមកអធិការដ្ឋាន ដើម្បីធ្វើការសាកសួរតែជនសង្ស័យមិននិយាយស្ដីអ្វីទាំងអស់។
ទោះបីយ៉ាងណាក៏ដោយ នឹងធ្វើការស៊ើបអង្កេតចងក្រងសំណុំរឿងតាមនីតិវិធី ហើយឃាត់ខ្លួនជនសង្ស័យខាងលើ តាមបញ្ជារបស់ឯកឧត្តមវង្ស ប៊ុនវិសុទ្ធ ព្រះរាជអាជ្ញានៃអយ្យការអមសាលាដំបូងខេត្តកំពង់ចាម ដើម្បីអនុវត្តតាមនីតិវិធី ។
សូមបញ្ជាក់ថា គិតរហូតមកដល់វេលាម៉ោង៧ព្រឹកថ្ងៃទី៨ តុលា នេះ បុរសជាឃាតកររូបនៅតែមិនព្រមឆ្លើយសារភាពពីទោសកំហុសរបស់ខ្លួនឡើយ ។
ព័ត៌មានបន្ថែមនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ