ខេត្តបាត់ដំបង៖ «សាច់អួន» ប្រមាណ២២៥០ម៉ែត្រ ដែលពួកជនល្មើសប្រើប្រាស់ជាឧបករណ៏នេសាទសុខចបាប់ ត្រូវបានកម្លាំងកម្លាំងចម្រុះ ក្នុងស្រុកចំនួន០២ ចុះរុះរើ និង កាប់កំទេចចោល ជាបន្តបន្ទាប់ត្រិមរយៈពេល០២ថ្ងៃ។…
ខេត្តបាត់ដំបង៖ «សាច់អួន» ប្រមាណ២២៥០ម៉ែត្រ ដែលពួកជនល្មើសប្រើប្រាស់ជាឧបករណ៏នេសាទសុខចបាប់ ត្រូវបានកម្លាំងកម្លាំងចម្រុះ ក្នុងស្រុកចំនួន០២ ចុះរុះរើ និង កាប់កំទេចចោល ជាបន្តបន្ទាប់ត្រិមរយៈពេល០២ថ្ងៃ។ សេចក្ដីរាយការណ៏ បានឲ្យដឹងថា នៅថ្ងៃទី ០៣ តុលា កម្លាំងកងរាជអាវុធហត្ថ សហការជាមួយកម្លាំងយោធាក្នុងដែនដី និង មន្ត្រីជលផលផង បានចុះបង្ក្រាបបទល្មើសនេសាទនេះ នៅក្នុងទឹកដី ឃុំជ្រោយស្ដៅ និង ឃុំតាម៉ឺន ស្រុកថ្មគោល ដែលមានភូមិសាស្ត្រ ជាប់តំបន់បឹងទន្លេសាប។ កម្លាំងសមត្ថកិច្ច បានរកឃើញបទល្មើសនេសាទ ដែលជនល្មើសប្រើប្រាស«សាច់អូន» ក្រឡាញឹកដាក់ពង្រាយស្ទាក់ចាប់ត្រីរាប់រយម៉ែត្រ ហើយត្រូវកាប់កំទេចចោលតែម្ដង។
ដោយឡែក នៅថ្ងៃទី ០៤ តុលា កម្លាំងចម្រុះ គណៈបញ្ជាការកងឯកភាពស្រុកសង្កែ បានចុះបង្ក្រាប និង កាប់បំផ្លាញចោល នូវឧបករណីនេសាទខុសច្បាប់ដូចគ្នាដែរជាច្រើនទីតាំង ភូមិសាស្ត្រ ឃុំកំពង់ព្រះ ជាប់បឹងទន្លេសាប។ កម្លាំងចម្រុះនេះ បានរកឃើញបទល្មើសនេសាទ យ៉ាងតិច០៤ទីតាំង។ ជនល្មើស បានពង្រាយ«សាច់អួន» ក្រឡាញឹកខុសច្បាប់ ដែលមួយកន្លែងៗ ប្រវែងរាប់រយម៉ែត្រដូចគ្នា។
នៅក្នុងរបាយការណ៏ សម្ថកិច្ច បានបញ្ជាក់ថា កិច្ចប្រតិបត្តិការរបស់សមត្ថកិច្ច ក្នុងការចុះបង្ក្រាបបទល្មើសរយៈពេល០២ថ្ងៃ ក្នុងស្រុកទាំង០២ខាងលើនេះផលទ្ធផលសមត្ថកិច្ច កាប់កំទេចចោលនូវឧបករណ៏នេសាទខុសច្បាប់ ១សាច់អួនប្រវែងប្រមាណ២២៥០ម៉ែត្រ ២បង្គោលឈើប្រមាណជិត៥០០ដើម ៣ឡុកចាប់ត្រចំនួន០៧កន្លែង និង ប្រលែងកូនត្រីរាប់សិបគីឡូចូលក្នុងបឹងទន្លេសាបវិញ តែសមត្ថកិច្ចរកមុខម្ចាស់បទល្មើសមិនឃើញទេ។ ប៉ុន្តែយ៉ាងណា កម្លាំងសមត្ថកិច្ច ជាពិសេសកម្លាំងយោធភូមិភាគទី៥ បាននិងកំពុងប្រឹងប្រែងយ៉ាងខ្លាំង ក្នុងកិច្ចប្រតិបត្តិការបង្ក្រាបបទល្មើសនេសាទសព្វថ្ងៃនេះ។
ស្រុកចំនួន០៤ នៅក្នុងខេត្តបាត់ដំបង ដែលមានភូមិសាស្ត្រ ជាប់បឹងទន្លេសាប គឺ ស្រុកមោងឬស្សី ស្រុកសង្កែ ស្រុកឯកភ្នំ និង ស្រុកថ្មគោល។ ស្រុកទាំង០៤នេះ ពោរពេញទៅដោយបទល្មើសនេសាទ ច្រើនស្អេកស្កះ បង្ក្រាបមិនថមថយឡើយ បើទោះជាកម្លាំងសមត្ថកិថ្ច ចុះបង្ក្រាបស្ទើររាល់ថ្ងៃក្ដី។ ប៉ុន្តែគេមិនធ្លាប់ឃើញមានជនល្មើសនេសាទណាម្នាក់ ត្រូវបានគេចាប់ខ្លួនបញ្ជូនទៅតុលាការឡើង៕
ចែករំលែកព័តមាននេះ