ខេត្តកោះកុង ៖ គិតមកទល់ម៉ោងនេះ ថ្ងៃទី២៩ ខែកញ្ញា ឆ្នាំ ២០២៥ ភូមិសាស្ត្រខេត្តកោះកុង ប្រព្រឹត្តទៅល្អប្រសើរជាធម្មតា ល្អប្រសើរត្រង់ថាមិនសកម្មភាពព្រួយបារម្ភ…
ខេត្តកោះកុង ៖ គិតមកទល់ម៉ោងនេះ ថ្ងៃទី២៩ ខែកញ្ញា ឆ្នាំ ២០២៥ ភូមិសាស្ត្រខេត្តកោះកុង ប្រព្រឹត្តទៅល្អប្រសើរជាធម្មតា ល្អប្រសើរត្រង់ថាមិនសកម្មភាពព្រួយបារម្ភ ឬរត់ភៀសសឹកទៅណានោះទេ ដោយប្រជាពលរដ្ឋនៅតែរស់នៅ ហើយធ្វើការប្រកបអាជីវកម្មរបស់រៀងៗខ្លួន។ នេះបើយោងតាមផេកមន្ទីរព័ត៌មានខេត្តកោះកុង បានផ្សាយនាព្រឹកថ្ងៃទី២៩ ខែកញ្ញានេះ ។
មន្ទីរព័ត៌មានខេត្តកោះកុង បានបញ្ជាក់ថា ក្រុមមន្ត្រីនៅច្រកទ្វារព្រំដែនអន្តរជាតិចាំយាម បានឱ្យដឹងថា ពួកគាត់បន្តសម្របសម្រួលកត់ត្រាស្ថិតិ ការពិនិត្យសុខភាពពលករខ្មែរ ចូលប្រទេសកំណើតជាធម្មតា និងក្តោបក្តាប់ព័ត៌មាន ចំពោះស្ថានការណ៍ផ្សេងៗនៅតាមព្រំដែន ។
អត្រាចំនួនពលករវិលត្រឡប់មកតាមច្រកព្រំដែនចាំយាម ក្នុង១ថ្ងៃមានតែ២ ឬ៣នាក់ប៉ុណ្ណោះមិនមានច្រើនដូចពេលមុនៗឡើយ ។
មន្ត្រីនៅច្រកទ្វារព្រំដែនចាំយាម បានបន្តថា ពលរដ្ឋ និងអាជីវករ បន្តធ្វើការរកស៊ីធ្វើអាជីវកម្មទៅតាមលទ្ធភាពរបស់ពួកគេ មានស្រាប់ មិនបានរត់ភៀសសឹកទៅណានោះទេ ៕
ចែករំលែកព័តមាននេះ