ការញ៉ាំអាហារពេលព្រឹកមានសារៈសំខាន់ខ្លាំងណាស់ ព្រោះវាជួយផ្ដល់ថាមពលដល់រាងកាយ និងខួរក្បាល ដើម្បីបំពេញការងារបានពេញមួយថ្ងៃ។ ដើម្បីទទួលបានសុខភាពល្អ រាងស្អាត និងមិនឡើងគីឡូ អាហារពេលព្រឹករបស់អ្នកគួរមានធាតុផ្សំសំខាន់ៗទាំង ៣ គឺ៖…
ការញ៉ាំអាហារពេលព្រឹកមានសារៈសំខាន់ខ្លាំងណាស់ ព្រោះវាជួយផ្ដល់ថាមពលដល់រាងកាយ និងខួរក្បាល ដើម្បីបំពេញការងារបានពេញមួយថ្ងៃ។ ដើម្បីទទួលបានសុខភាពល្អ រាងស្អាត និងមិនឡើងគីឡូ អាហារពេលព្រឹករបស់អ្នកគួរមានធាតុផ្សំសំខាន់ៗទាំង ៣ គឺ៖ ប្រូតេអ៊ីន ជាតិសរសៃ និងខ្លាញ់ល្អ។
១. ប្រូតេអ៊ីន (Protein)
ប្រូតេអ៊ីនជួយឱ្យអ្នកមានអារម្មណ៍ឆ្អែតបានយូរ ដែលកាត់បន្ថយការឃ្លានអាហារញ៉ាំលេងនៅពេលថ្ងៃ។ ប្រូតេអ៊ីនក៏ជួយថែរក្សាសាច់ដុំឱ្យរឹងមាំផងដែរ។
-ជម្រើសល្អៗ ៖ ស៊ុត (អាចឆ្អិន ឬចៀនជាមួយប្រេងអូលីវតិចតួច), យ៉ាអួររ (Greek yogurt) ដែលមានជាតិស្ករតិច, ទឹកដោះគោជូរ, ឬសាច់មាន់គ្មានស្បែក។
២. ជាតិសរសៃ (Fiber)
ជាតិសរសៃជួយដល់ប្រព័ន្ធរំលាយអាហារដំណើរការល្អ និងជួយគ្រប់គ្រងកម្រិតជាតិស្ករក្នុងឈាម។ អាហារដែលមានជាតិសរសៃខ្ពស់ធ្វើឱ្យអ្នកឆ្អែតបានយូរ។
-ជម្រើសល្អៗ៖ គ្រាប់ធញ្ញជាតិ (Oats), នំប៉័ងគ្រាប់ធញ្ញជាតិទាំងមូល (whole-grain bread), ផ្លែឈើ (ផ្លែប៊ឺរី, ផ្លែប៉ោម, ចេក) និងបន្លែ។
៣. ខ្លាញ់ល្អ (Healthy Fats)
ខ្លាញ់ល្អជួយដល់សុខភាពខួរក្បាល និងបេះដូង ហើយក៏ជួយឱ្យអ្នកមានអារម្មណ៍ឆ្អែតបានយូរផងដែរ។
-ជម្រើសល្អៗ៖ ផ្លែបឺរ, គ្រាប់ធញ្ញជាតិ (អាល់ម៉ុន, គ្រាប់ស្វាយចន្ទី) និងប្រេងអូលីវ។
ឧទាហរណ៍នៃមុខម្ហូបពេលព្រឹកដែលមានសុខភាពល្អ
-ពងមាន់ចៀនជាមួយបន្លែ៖ ពងមាន់ផ្ដល់ប្រូតេអ៊ីន ឯបន្លែដូចជា ស្ពៃពួយឡេង ឬប៉េងប៉ោះ ផ្ដល់ជាតិសរសៃ។
-យ៉ាអួររ (Greek Yogurt) ជាមួយផ្លែឈើ និងគ្រាប់ធញ្ញជាតិ៖ យ៉ាអួររផ្ដល់ប្រូតេអ៊ីន ឯផ្លែឈើ និងគ្រាប់ធញ្ញជាតិផ្ដល់ជាតិសរសៃ និងខ្លាញ់ល្អ។
-បបរអង្ករសម្រូបជាមួយសាច់មាន់៖ អង្ករសម្រូបសម្បូរជាតិសរសៃ ហើយសាច់មាន់ផ្ដល់ប្រូតេអ៊ីន។
ដូច្នេះ ចូរចាប់ផ្ដើមថ្ងៃថ្មីរបស់អ្នកជាមួយអាហារពេលព្រឹកដែលមានតុល្យភាព ដើម្បីទទួលបានសុខភាពល្អ និងរូបរាងស្រឡូនដែលអ្នកប្រាថ្នា ៕
ចែករំលែកព័តមាននេះ