ខេត្តកំពង់ស្ពឺ៖ ក្រុមក្មេងស្ទាវចំនួន០២ក្រុម សរុបចំនួន១២នាក់ត្រូវបានកម្លាំងនគរបាលស្រុកបសេដ្ឋធ្វើការឃាត់ខ្លួនបាន ខណៈដែលក្រុមក្មេងស្ទាវបានចូលទៅផឹកស៊ីរាំឌីដង និងបោះពាក្យថាអន់ ក្លាយជាហិង្សាវាយកម្ទេសតុ កញ្ចក់ក្នុងក្លឹបកំសានយីហោ XX ONE បង្កឱ្យមានការភ្ញាក់ផ្អើលរត់ចែកជើងគ្នា។…
ខេត្តកំពង់ស្ពឺ៖ ក្រុមក្មេងស្ទាវចំនួន០២ក្រុម សរុបចំនួន១២នាក់ត្រូវបានកម្លាំងនគរបាលស្រុកបសេដ្ឋធ្វើការឃាត់ខ្លួនបាន ខណៈដែលក្រុមក្មេងស្ទាវបានចូលទៅផឹកស៊ីរាំឌីដង និងបោះពាក្យថាអន់ ក្លាយជាហិង្សាវាយកម្ទេសតុ កញ្ចក់ក្នុងក្លឹបកំសានយីហោ XX ONE បង្កឱ្យមានការភ្ញាក់ផ្អើលរត់ចែកជើងគ្នា។
ការឃាត់ក្រុមក្មេងស្ទាវធ្វើឡើង កាលពីយប់ថ្ងៃទី១៩ ខែកញ្ញា ឆ្នាំ២០២៥ នៅក្នុងក្លឹបកំសាន្តយីហោ XX ONE ស្ថិតនៅក្នុងភូមិបឹងស្តុក ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ។
លោកវរសេនីយ៍ឯក ចន សុភីត អធិការនគរបាលស្រុកបសេដ្ឋ បាននិយាយឱ្យដឹងថា នៅមុនពេលឃាត់ខ្លួនក្រុមក្មេងស្ទាវខាងលើ គឺដោយមានការដឹកនាំបញ្ជារបស់លោកឧត្តមសេនីយ៍ស្នងការនគរបាលខេត្តកំពង់ស្ពឺរួចមក។ លោកក៏ បានចុះទៅអន្ដរាគមន៍នៅទីតាំងក្លឹបកំសាន្តយីហោ XX ONE ដែលស្ថិតក្នុងភូមិបឹងស្តុក ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ ដោយធ្វេីការឃាត់ក្រុមបង្កហិង្សាក្មេងស្ទាវទំនេីងចំនួន០២ក្រុម សរុបចំនួន១២នាក់ យកមកកាន់អធិការដ្ឋាននគរបាលស្រុកដើម្បីសួរនាំ។
លោក ចន សុភិត អធិការនគរបាលស្រុកបសេដ្ឋបាននិយាយឱ្យដឹងថា ក្រុមក្មេងស្ទាវទំនើង ដែលឃាត់មាន《
ក្រុមខ្លារហ័សនាមថ្មី》 មានគ្នាចំនួន០៥នាក់ រួមមាន÷ ទី១~ឈ្មោះ ហេង ភារិន ភេទប្រុស អាយុ១៧ឆ្នាំ ទី២~ឈ្មោះ រ៉ែន ចានណាក់ ភេទប្រុស អាយុ១៦ឆ្នាំ ទី៣~ឈ្មោះ ហ៊ុន ម៉េងហុង ភេទប្រុស អាយុ១៧ឆ្នាំ ទី៤~ឈ្មោះ នាង សុខជា ភេទប្រុស អាយុ២៥ឆ្នាំ និងទី៥~ឈ្មោះ ផាន់ ផាន់ណុប ភេទប្រុស អាយុ១៧ឆ្នាំ ទាំង០៥នាក់ខាងលើមានទីលំនៅក្នុង ស្រុកបសេដ្ឋ ក្រោយឃាត់ដកហូតមធ្យោបាយមានម៉ូតូចំនួន០៣គ្រឿង,និង ទូរស័ព្ទចំនួន០៣គ្រឿង ។
លោកអធិការនគរបាលស្រុកបសេដ្ឋបានបន្តថា ចំណែកមួយក្រុមទៀតជា《ក្រុមនាគរហ័សនាមថ្មី》 មានគ្នាចំនួន៧នាក់ រួមមាន÷ ទី១~ឈ្មោះ ជា ពៅ ភេទប្រុស អាយុ ១៦ឆ្នាំ ទី២~ឈ្មោះ ហេង សំណាង ភេទប្រុស អាយុ ១៧ឆ្នាំ ទី៣~ឈ្មោះ ឡុង សៅណេត ភេទប្រុស អាយុ ២៣ឆ្នាំ ទី៤~ឈ្មោះ ម៉ៃ បុត្រ ភេទប្រុស អាយុ២២ឆ្នាំ ទី៥~ឈ្មោះ ជា វិសាល ភេទប្រុស អាយុ១៩ឆ្នាំ ទី៦~ឈ្មោះ អ៊ុង សុីវឡុង ភេទប្រុស អាយុ ១៦ឆ្នាំ និងទី៧~ឈ្មោះ ធុន កាន់ ភេទប្រុស អាយុ២៣ឆ្នាំ ក្រោយឃាត់ខ្លួននគរបាលដកហូតមធ្យោបាយរួមមាន ម៉ូតូចំនួន០៤គ្រឿង-និងទូរស័ព្ទដៃចំនួន០២គ្រឿងផងដែរ ។ ក្រោយពីធ្វើការឃាត់ខ្លួនយកមកសួរនាំនៅអធិការដ្ឋាននគរបាលស្រុកបសេដ្ឋ ក្រុមក្មេងស្ទាវទំនេីងទាំង០២ក្រុមបានឆ្លេីយថា។
មូលហេតុដែលឈានទៅដល់ការបង្កហិង្សាវាយគ្នានៅក្នុងក្លឹបយីហោ XX ONE មកពីក្រុមក្មេងស្ទាវម្ខាងទៀត《ក្រុមខ្លា រហ័នាមថ្មី》បានបោះពាក្យសម្ដីឌឺដងនិងរាំវៀតទីផឹកសុីដោយមាក់ងាយផ្ដល់សញ្ញាឱ្យមកក្រុមខ្លួនថា អន់..!! ពេលនោះកំលាំងរបស់គេស្ទុះចេញពីក្នុងខ្លួនហក់ទៅលេីអាកាសសារទម្លាក់ខ្លួនចុះមកលេបក្រុមខ្លា ក្រុមនាគមិនធម្មតាឡេីយ នៅចំពោះមុខសត្រូវបានបង្ហាញភាពអស្ចារ្យវាយតុកញ្ចក់បែកបាក់កៅអី រីឯ《ក្រុមខ្លា》ក៏មិនបង្អង់យូរប្រេីក្រញាំដៃវាយបំបាក់កៅអីនិងសម្ភារៈមួយចំនួនទៀតនៅក្នុងក្លឹបធ្វេីឱ្យDJ និងភ្ញៀវ រត់ជាន់ជេីងគ្នា អ្នកខ្លះលូនចូលក្រោមតុ អ្នកខ្លះពួននៅសារឡុង និងខ្លះទៀតឡេីងជញ្ជាំង។ ល។ បង្កឱ្យមានការភ្ញាក់ផ្អើលយ៉ាងខ្លាំង ម្ចាស់ក្លឹបកំសាន្តបានរាយការណ៍ជូនសមត្ថកិច្ចអន្តរាគមន៍ឃាត់តែម្តង។
បច្ចុប្បន្នក្រុមក្មេងស្ទាវទំនើងត្រូវបានសមត្ថកិច្ចនគរបាល អធិការដ្ឋាននគរបាលស្រុកបសេដ្ឋ ធ្វើការសាកសួរនិងកសាងសំណុំរឿងបញ្ជូនទៅការិយាល័យព្រហ្មទណ្ឌ នៃស្នងការដ្ឋាននគរបាលខេត្ដកំពង់ស្ពឺ ដេីម្បីចាត់ការបន្តតាមផ្លូវច្បាប់៕
ចែករំលែកព័តមាននេះ