នៅទីបំផុត ពិធីការរិនីនាង ហេង ផាន់ណា បានស្វែងរកដៃគូជីវិតបានហើយ និងត្រៀមបញ្ចប់ភាពនៅលីវក្នុងពេលឆាប់ៗនេះ បន្ទាប់ពីនាងរៀបចំពិធីភ្ជាប់ពាក្យយ៉ាងស្ងៀមស្ងាត់ៗមួយដោយមិនមានការអញ្ជើញអ្នកសិល្បៈច្រើនចូលរួមនោះឡើយ ។ ពិធីភ្ជាប់ពាក្យរបស់តារាស្រីរូបនេះ បានធ្វើឡើងនៅថ្ងៃទី១៩…
នៅទីបំផុត ពិធីការរិនីនាង ហេង ផាន់ណា បានស្វែងរកដៃគូជីវិតបានហើយ និងត្រៀមបញ្ចប់ភាពនៅលីវក្នុងពេលឆាប់ៗនេះ បន្ទាប់ពីនាងរៀបចំពិធីភ្ជាប់ពាក្យយ៉ាងស្ងៀមស្ងាត់ៗមួយដោយមិនមានការអញ្ជើញអ្នកសិល្បៈច្រើនចូលរួមនោះឡើយ ។
ពិធីភ្ជាប់ពាក្យរបស់តារាស្រីរូបនេះ បានធ្វើឡើងនៅថ្ងៃទី១៩ ខែកញ្ញា ឆ្នាំ២០២៥ ដោយរូបភាពនៃពិធីនេះ ត្រូវបានផ្សព្វផ្សាយលើបណ្តាញសង្គមដោយមិត្តិភក្តិដែលជាអ្នកសិល្បៈជិតស្និតជាមួយរូបនាង ។
តាមរយៈទិដ្ឋភាពនោះ គេឃើញមានការចូលរួមពីសំណាក់អ្នកសិល្បៈមួយចំនួនដែលជាមិត្តភក្តិជិតស្និទ្ធិ និងជាអ្នករួមការងារជាមួយគ្នាតែប៉ុណ្ណោះ ដោយគេមិនបានឃើញមានអ្នកសិល្បៈច្រើនចូលរួមឡើយ ពោលទំនងជានាងរង់ចាំហៅពេលថ្ងៃចូលរោងការតែម្តង ។
យ៉ាងណា គេនៅមិនទាន់ដឹងទេថា គូដណ្តឹងរបស់ ហេង ផាន់ណា នាពេលនេះ ជាអ្នករកស៊ីឬក៏ជាអ្នកធ្វើការនោះឡើយ ប៉ុន្តែបុរសរូបនោះ គឺមានឈ្មោះថា កែ កុសល ដែលមានរូបរាងសង្ហាមិនចាញ់អ្នកសិល្បៈនោះឡើយ ។
បើតាមការបង្ហោះលើបណ្តាញសង្គមពី អ្នកនាង ហ៊ិន ច័ន្ទនីរ័ត្ន ដែលបានចូលរួមក្នុងពិធីភ្ជាប់ពាក្យរបស់ហេង ផាន់ណា នាពេលនេះ គឺនាងបានសម្តែងការអបអរសាទរយ៉ាងខ្លាំង និងស្រែកពាក្យលេងសើចខ្លីថា មិត្តភក្តិម្នាក់ទៀតបានលក់ចេញហើយ ។
ទោះជាយ៉ាងណា គេនៅមិនទាន់ដឹងទេថា ក្រោយពីរៀបចំពិធីភ្ជាប់ពាក្យហើយនាពេលនេះ ហេង ផាន់ណា និងគូដណ្តឹងរបស់ខ្លួននឹងរៀបចំពិធីមង្គលការជាផ្លូវការនៅពេលណានៅឡើយទេ ខណៈពេលដែលមហាជន ជាពិសេស បណ្តាអ្នកគាំទ្រចង់ឃើញនាងរៀបការឆាប់ៗ ដោយសារបច្ចុប្បន្នវ័យរបស់នាងក៏កាន់តែច្រើនហើយដែរ ។
ជាការកត់សម្គាល់ ចាប់តាំងពីចូលប្រឡូកក្នុងវិស័យសិល្បៈអស់ជាច្រើនឆ្នាំមកនេះហើយក៏ដោយ ប៉ុន្តែហេង ផាន់ណា ហាក់មិនដែលលិចលឺពីទំនាក់ទំនងស្នេហាជាមួយបុរសរូបណាម្នាក់ឡើយ ខណៈពេលដែលមានការសាកសួរចំណុចនេះពីបណ្តាសារព័ត៌មាននោះ នាងក៏មិនដែលឆ្លើយតបនោះដែរ ។
ជាការពិតណាស់ ពិធីការិនីខាងលើ ហាក់ដូចជាលាក់បាំងយ៉ាងជិតបំផុតទៅលើជីវិតឯកជនរបស់នាង ជាពិសេស ទៅលើរឿងស្នេហា ដោយពុំមាននរណាដឹងរូបនាងកំពុងទំនាក់ទំនងស្នេហាជាមួយបុរសណាមួយឡើយ ។
យ៉ាងណា បើទោះបីជាមិនបើកចំហរឿងគូស្នេហ៍ ប៉ុន្តែមួយរយៈពេលចុងក្រោយនេះ ហេង ផាន់ណា ត្រូវបានមហាជនស្ងើចសរសើរពីរូបសម្រស់របស់នាង បន្ទាប់ពីគេបានឃើញនាងបានបង្ហោះរូបថតលើគណនីបណ្តាញសង្គមផ្ទាល់ខ្លួនរបស់នាង ដោយបញ្ចេញភាពសិចស៊ី ៕
ចែករំលែកព័តមាននេះ