ខេត្តកំពង់ស្ពឺ៖ ​ក្រសួងធនធានទឹក ត្រៀមទប់ស្កាត់និងបង្ការទឹកជំនន់ ឱ្យទាន់ពេលវេលា ក្នុងភូមិសាស្ដ្រខេត្តកំពង់ស្ពឺ និងខេត្តតាកែវ។

យោងតាមការចុះផ្សាយរបស់ក្រសួងធនធានទឹក និងឧតុនិយម​ បានឱ្យដឹងថានៅថ្ងៃទី៨ ខែកញ្ញា ឆ្នាំ២០២៥នេះ ឯកឧត្តម ចាន់ ស៊ីណាត រដ្ឋលេខាធិការ និងជានាយកគម្រោង ក្នុងនាមតំណាងដ៏ខ្ពង់ខ្ពស់របស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញចុះពិនិត្យការងារគ្រប់គ្រងទឹក ប្រព័ន្ធរំដោះទឹក និងស្ថានភាពទឹក ក្នុងភូមិសាស្ត្រខេត្តកំពង់ស្ពឺ និងខេត្តតាកែវ។

បើតាមក្រសួង បានបញ្ជាក់ថា បេសកកម្មចុះពិនិត្យការងារនាឱកាសនេះ មានវត្តមានចូលរួមពីមន្ត្រីអង្គភាពគ្រប់គ្រងនិងអនុវត្តគម្រោង ព្រមទាំងទីប្រឹក្សាជាតិជាច្រើនរូប ក្នុងគោលបំណងតាមដានឱ្យបានហ្មត់ចត់នូវស្ថានភាពទឹក ជាពិសេសទឹកជំនន់ក្នុងរដូវវស្សា ដើម្បីរៀបចំផែនការទប់ស្កាត់ និងបង្ការឱ្យបានទាន់ពេលវេលា៕