រាជធានីភ្នំពេញ ៖ ក្រសួងធនធានទឹកនិងឧតុនិយមបានឲ្យដឹងថា កម្ពុជាបានរងឥទ្ធិពលព្យុះទី១៣ឈ្មោះកាជិគី ធ្វើឲ្យមានភ្លៀងធ្លាក់យ៉ាងគំហុក ហើយមានខ្យល់បោកបក់ខ្លាំងជាមួយបាតុភូតផ្គរ រន្ទះ និងខ្យល់កន្ត្រាក់ ។ យោងតាមការអង្កេតពិនិត្យ…
រាជធានីភ្នំពេញ ៖ ក្រសួងធនធានទឹកនិងឧតុនិយមបានឲ្យដឹងថា កម្ពុជាបានរងឥទ្ធិពលព្យុះទី១៣ឈ្មោះកាជិគី ធ្វើឲ្យមានភ្លៀងធ្លាក់យ៉ាងគំហុក ហើយមានខ្យល់បោកបក់ខ្លាំងជាមួយបាតុភូតផ្គរ រន្ទះ និងខ្យល់កន្ត្រាក់ ។
យោងតាមការអង្កេតពិនិត្យ និងវិភាគលើស្ថានភាពធាតុអាកាស និងអាកាសធាតុនៅក្នុងតំបន់ និងព្រះរាជាណាចក្រកម្ពុជា ក្រសួងធនធានទឹកនិងឧតុនិយម សូមជម្រាបជូនដំណឹងដល់សា ធារ ណជនឱ្យបានជ្រាបថា ការវិវត្តនៃព្យុះទី១៣ដែលមានឈ្មោះថា កាជិគី (Kajiki)T2513 ក្នុងឆ្នាំ២០២៥ មានឥទ្ធិពលខ្លាំងលើរបបខ្យល់មូសុងនិរតី និងបោកបក់លើសមុទ្រអានដាមម៉ែន ឈូងសមុទ្រថៃ អាងទន្លេមេគង្គ សមុទ្រចិនខាងត្បូង និងលើព្រះរាជាណាចក្រកម្ពុជា ។
ក្រសួងធនធានទឹកនិងឧតុនិយមបានបញ្ជាក់ថា ព្យុះទី១២ ឈ្មោះថា លីងលីង(Lingling) ដែលបានកើតមានឡើងនៅប្រទេសជប៉ុនបានបញ្ចប់កាលពីថ្ងៃទី២១-២២ ខែសីហា ឆ្នាំ២០២៥
រួចមកហើយ ចំណែកគន្លងផ្លូវដើររបស់ព្យុះទី១៣ឈ្មោះ កាជិគី នេះវិញ ពុំមានឥទ្ធិពលខ្លាំង
មកលើព្រះរាជាណាចក្រកម្ពុជានោះទេ ។
ប៉ុន្តែស្ថានភាពបែបនេះនឹងធ្វើឱ្យ ចាប់ពីថ្ងៃទី២៥ ដល់ថ្ងៃទី២៨ខែសីហា ឆ្នាំ២០២៥ ធាតុអា
កាសនៅក្នុងព្រះរាជាណាចក្រកម្ពុជា មានដូចជា ខេត្តមណ្ឌលគិរី ខេត្តរតនគិរី ខេត្តស្ទឹងត្រែង ខេត្ត
ក្រចេះ ខេត្តព្រះវិហារ ខេត្តឧត្តរមានជ័យ ខេត្តសៀមរាប ខេត្តបន្ទាយមានជ័យ ជួរភ្នំដងរែក និងតំបន់ជួរភ្នំក្រវាញ បរិមាណទឹកភ្លៀងនឹងកើនឡើងយ៉ាងគំហុក ហើយមានខ្យល់បោកបក់ខ្លាំងជាមួយបាតុភូតផ្គរ រន្ទះ និងខ្យល់កន្ត្រាក់ ។
ចំណែកតំបន់មាត់សមុទ្រ និងឆ្នេរសមុទ្រ ដូចជា ខេត្តកោះកុង ខេត្តព្រះសីហនុ ខេត្តកំពត និងខេត្តកែប នឹងមានរលកសមុទ្រខ្លាំងៗ ដែលមានកម្ពស់មធ្យមអប្បបរមា ០,៥០ម៉ែត្រ និងកម្ពស់មធ្យមអតិបរមា ២,៥០ម៉ែត្រ ។
យោងលើការព្យាករដូចបានជម្រាបជូនខាងលើ សូមសាធារណជនមេត្តាប្រុងប្រយ័ត្នខ្ពស់ ជាពិសេសបងប្អូនដែលធ្វើដំណើរតាមផ្លូវគោក និងផ្លូវទឹក ។ ក្រសួងធនធានទឹកនិងឧតុនិយម នឹងបន្តធ្វើការតាមដាន និងវិភាគអំពីស្ថានភាពធាតុអាកាស ដើម្បីជម្រាបជូនជាបន្តបន្ទាប់ ក្នុងករណីមានការប្រែប្រួល ៕
ចែករំលែកព័តមាននេះ