ខេត្តស្វាយរៀង ៖ នៅថ្ងៃទី១៩ ខែសីហា ឆ្នាំ២០២៥ ឯកឧត្តម អ៊ុក វុទ្ធី អនុរដ្ឋលេខាធិការ ក្នុងនាមតំណាងដ៏ខ្ពង់ខ្ពស់ឯកឧត្តម…
ខេត្តស្វាយរៀង ៖ នៅថ្ងៃទី១៩ ខែសីហា ឆ្នាំ២០២៥ ឯកឧត្តម អ៊ុក វុទ្ធី អនុរដ្ឋលេខាធិការ ក្នុងនាមតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញចុះពិនិត្យទីតាំងអាងទឹកអូរស្មាច់ ដែលមានការចាក់អាចម៍ដីចូលដីចំណីអាងទឹក ស្ថិតក្នុងភូមិសាស្ត្រភូមិធ្មល់ សង្កាត់ចេក ក្រុងស្វាយរៀង ខេត្តស្វាយរៀងបានដកហូតយកមកធ្វើជាសម្បត្តិរដ្ឋ សម្រាប់ដាក់ឲ្យប្រើប្រាស់ប្រយោជន៍ជាសាធារណៈ ។
សូមជម្រាបថា ការចុះពិនិត្យទីតាំងនាពេលនេះ មានវត្តមានចូលរួមពីលោក សរ សុដានី អភិបាលរងនៃគណៈអភិបាលខេត្តស្វាយរៀង ក្រុមការងារនៃមន្ទីរធនធានទឹក និងឧតុនិយមខេត្តស្វាយរៀង រដ្ឋបាលក្រុងស្វាយរៀង និងរដ្ឋបាលសង្កាត់ចេក ជាច្រើនរូប។
ឯកឧត្តមអនុរដ្ឋលេខាធិការបានបញ្ជាក់ឱ្យដឹងថា ក្រុមការងារបានចុះអនុវត្តវិធានការលើការចាក់ដីចូលដីចំណីអាងទឹកអូរស្មាច់ ដោយបានបោះបង្គោលព្រំសម្គាល់ដីចំណីអាងទឹក និងរឹបអូសដីដែលបានចាក់ចូលដីចំណីអាងទឹកទំហំ២៥៥៦ម៉ែត្រការ៉េ ទុកជាសម្បត្តិរបស់រដ្ឋ ហើយរដ្ឋបាលខេត្តនឹងលើកសំណើទៅក្រសួងធនធានទឹក និងឧតុនិយមរៀបចំសម្រាប់បម្រើប្រយោជន៍សាធារណៈ។ ហើយចំណាត់ការនេះ ធ្វើឲ្យមហាជនគាំទ្រនិងអបអរសាទរយ៉ាងខ្លាំង៕
ចែករំលែកព័តមាននេះ