ខេត្តបន្ទាយមានជ័យ ៖ ដំឡូងមីសើមឆ្នាំនេះបានថោក ឈ្មួញទិញ១តោនតំលៃ១៥ម៉ឺនរៀល បើប្រៀបធៀបឆ្នាំមុន១តោនតំលៃ៤០ម៉ឺនរៀល រហូតដល់ថ្ងៃទី១៥ ខែសីហា ឆ្នាំ២០២៥ នៅស្រុកស្វាយចេក ខេត្តបន្ទាយមានជ័យ…
ខេត្តបន្ទាយមានជ័យ ៖ ដំឡូងមីសើមឆ្នាំនេះបានថោក ឈ្មួញទិញ១តោនតំលៃ១៥ម៉ឺនរៀល បើប្រៀបធៀបឆ្នាំមុន១តោនតំលៃ៤០ម៉ឺនរៀល រហូតដល់ថ្ងៃទី១៥ ខែសីហា ឆ្នាំ២០២៥ នៅស្រុកស្វាយចេក ខេត្តបន្ទាយមានជ័យ ។
ប្រជាកសិករបានប្រាប់ថា ដំឡូងមីស្រស់ឆ្នាំនេះ ឈ្មួញទិញថោក១តោនលក់បានតំលៃ១៥ម៉ឺនរៀល បើប្រៀបធៀបឆ្នាំមុន១តោនលក់បានតំលៃ៤០ម៉ឺនរៀល ខុសតំលៃប្រមាណ២៥ម៉ឺនរៀល ដែលធ្វើអោយប្រជាកសិករជួបការលំបាក ដោយយកទៅទូទាត់ថ្លៃដាំនិងជីថ្នាំមិនរួចខ្លួនឡើយ។
ប្រជាកសិករបានទទូចសុំអោយអាជ្ញាធរខេត្ត/ស្រុក និងមន្ទីរ ក្រសួងជំនាញជួយអន្តរាគមន៍រក
ទីផ្សារដំឡូងមីជូនប្រជាកសិករផង ព្រោះឈ្មួញទិញថោកដឹកមកដល់ទីលានសម្ងួតក្នុង១តោនឈ្មួញទិញតំលៃបានត្រឹមតែ១៥ម៉ឺនរៀល ពិតជាតំលៃថោកជាងឆ្នាំមុនជិត៧០ភាគរយដែលធ្វើអោយប្រជាកសិករជួបការលំបាកខ្លាំង។
លោក ប៉ាង វណ្ណាសេដ្ឋ ប្រធានមន្ទីកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ បានប្រាប់ថា នៅខេត្តបន្ទាយមានជ័យឆ្នាំនេះ ប្រជាកសិករដាំដំឡូងមីមានផ្ទៃទីជាង៧ម៉ឺនហិកតា រហូតដល់ពេលនេះទើបប្រមូលផលបានតិចតួចនៅអំឡុងខែតុលា និងខែវិច្ឆិកា ឆ្នាំ២០២៥ ប្រជាកសិករដល់រដូវប្រមូលផល ៕
ចែករំលែកព័តមាននេះ