ផ្លែល្ពៅ ជាបន្លែម្យ៉ាងដែលសម្បូរទៅដោយសារធាតុចិញ្ចឹមសំខាន់ៗជាច្រើន ដែលផ្តល់អត្ថប្រយោជន៍ល្អសម្រាប់សុខភាព។ ការទទួលទានល្ពៅជាប្រចាំអាចជួយទ្រទ្រង់រាងកាយបានយ៉ាងល្អ។ ខាងក្រោមនេះជាអត្ថប្រយោជន៍សំខាន់ៗរបស់ផ្លែល្ពៅ៖ ១. ជួយដល់សុខភាពភ្នែក ល្ពៅសម្បូរទៅដោយ Beta-carotene ដែលជាសារធាតុប្រឆាំងអុកស៊ីតកម្ម។…
ផ្លែល្ពៅ ជាបន្លែម្យ៉ាងដែលសម្បូរទៅដោយសារធាតុចិញ្ចឹមសំខាន់ៗជាច្រើន ដែលផ្តល់អត្ថប្រយោជន៍ល្អសម្រាប់សុខភាព។ ការទទួលទានល្ពៅជាប្រចាំអាចជួយទ្រទ្រង់រាងកាយបានយ៉ាងល្អ។ ខាងក្រោមនេះជាអត្ថប្រយោជន៍សំខាន់ៗរបស់ផ្លែល្ពៅ៖
១. ជួយដល់សុខភាពភ្នែក ល្ពៅសម្បូរទៅដោយ Beta-carotene ដែលជាសារធាតុប្រឆាំងអុកស៊ីតកម្ម។ នៅពេលចូលទៅក្នុងខ្លួន Beta-carotene នឹងប្រែទៅជា វីតាមីន A ដែលមានសារៈសំខាន់ខ្លាំងណាស់សម្រាប់សុខភាពភ្នែក។ វាអាចជួយការពារភ្នែកពីជំងឺឡើងបាយ និងបញ្ហាខ្សោយភ្នែកពេលចាស់ជរា។
២. ពង្រឹងប្រព័ន្ធភាពស៊ាំ ផ្លែល្ពៅផ្ទុកនូវវីតាមីនជាច្រើនដូចជា វីតាមីន A និង C ដែលជាសារធាតុសំខាន់ជួយពង្រឹងប្រព័ន្ធភាពស៊ាំរបស់រាងកាយ។ វីតាមីន C ជួយបង្កើនការផលិតកោសិកាឈាមស ហើយវីតាមីន A ជួយប្រឆាំងនឹងការឆ្លងមេរោគ ។
៣. ជួយដល់សុខភាពបេះដូង ល្ពៅមានផ្ទុក ប៉ូតាស្យូម ជាតិសរសៃ និងវីតាមីន C ដែលជាសារធាតុជួយដល់បេះដូង។ ប៉ូតាស្យូមជួយគ្រប់គ្រងសម្ពាធឈាម និងកាត់បន្ថយហានិភ័យនៃជំងឺសរសៃឈាមបេះដូង។
៤. ល្អសម្រាប់សុខភាពស្បែក សារធាតុ Beta-carotene ក្នុងល្ពៅក៏ជួយការពារស្បែកពីការបំផ្លាញដោយកាំរស្មីយូវី (UV) របស់ព្រះអាទិត្យផងដែរ។ វីតាមីន C ក៏ជួយជំរុញការផលិត collagen ដែលធ្វើឲ្យស្បែកមានសភាពរឹងមាំ និងភ្លឺថ្លា។
៥. ជំនួយដល់ការសម្រកទម្ងន់ ល្ពៅមានកាឡូរីទាប និងជាតិសរសៃខ្ពស់ ដែលអាចជួយឲ្យយើងឆ្អែតបានយូរ ដូច្នេះវាជួយកាត់បន្ថយការឃ្លានអាហារ ហើយល្អសម្រាប់អ្នកដែលចង់សម្រកទម្ងន់។
៦. ផ្ដល់ថាមពល ផ្លែល្ពៅក៏ជាប្រភពនៃកាបូអ៊ីដ្រាតដ៏ល្អ ដែលអាចផ្ដល់ថាមពលដល់រាងកាយសម្រាប់ការធ្វើសកម្មភាពប្រចាំថ្ងៃ។ អ្នកអាចចម្អិនល្ពៅបានច្រើនរបៀប ដូចជា ធ្វើជាសម្លរ ឆា នំ ឬដាំទឹកពិសា ដើម្បីទទួលបានអត្ថប្រយោជន៍សុខភាពពេញលេញ ៕
ចែករំលែកព័តមាននេះ