រាជធានីភ្នំពេញ ៖ គ្រប់មុខទំនិញ ដែលមានដើមកំណើតពីអាមេរិក ដែលបានដឹកជញ្ចូនត្រង់ចេញពីសហរដ្ឋអាមេរិក ចាប់ពីថ្ងៃទី៨ ខែសីហា ឆ្នាំ២០២៥ មកព្រះរាជាណាចក្រកម្ពុជា ការអនុវត្តអត្រាពន្ឋគយ…
រាជធានីភ្នំពេញ ៖ គ្រប់មុខទំនិញ ដែលមានដើមកំណើតពីអាមេរិក ដែលបានដឹកជញ្ចូនត្រង់ចេញពីសហរដ្ឋអាមេរិក ចាប់ពីថ្ងៃទី៨ ខែសីហា ឆ្នាំ២០២៥ មកព្រះរាជាណាចក្រកម្ពុជា ការអនុវត្តអត្រាពន្ឋគយ សូន្យភាគរយ (0%) ។ ដោយឡែកទំនិញ ដែលប្រើប្រាស់រួច មិនស្ថិតនៅអត្រាពន្ឋគយ សូន្យភាគរយទេ នេះបើយោងតាមប្រសាសន៏ ឯកឧត្តមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា បញ្ចាក់ថ្ងៃនេះ ក្នុងកិច្ចប្រជុំផ្សព្វផ្សាយ ស្តីពីការអនុវត្តពន្ឋគយលើទំនិញនាំចូលពីសហរដ្ឋអាមេរិក ។
ឯកឧត្តមបណ្ឌិត គុណ ញឹម បញ្ចាក់ថា រថយន្តថ្មី ដែលបានផលិតនៅសហរដ្ឋអាមេរិក នាំចូលមកម្ពុជា អត្រាពន្ឋគយ អនុវត្តអត្រាពន្ឋគយ 0%។ ចំណែករថយន្ដដែលប្រើប្រាស់រួច មានគីឡូចាប់ពី ៥,០០០គីឡូម៉ែត្រ មិនអាចស្នើសុំយកពន្ឋគយអត្រាសូន្យភាគរយ (0%) បានទេ ។ ចំពោះរថយន្ត ដែលបានប្រើប្រាស់រួច អត្រាពន្ឋគយ អាចផ្តល់អត្រាពន្ឋសូន្យភាគរយ ត្រូវមានលក្ខខណ្ឌមួយចំនួនដូចជា ៖
-ជារថយន្តដែលប្រើប្រាស់ក្រោម ៥០០០គីឡូម៉ែត្រ
-ឆ្នាំផលិតត្រឹមឆ្នាំ២០២៤ រឺ ឆ្នាំ២០២៥
-ជារថយន្តមិនមានការបុកប៉ះ ឬមានប្រវត្តិធ្លាប់ជួសជុល រួចនាំចូលមកព្រះរាជាណាចក្រកម្ពុជា ដែលអ្នកនាំចូលត្រូវសម្អាងដើមកំណើតទំនិញ តាមទម្រង់ និងនិតីវិធីដែលកំនត់ដោយអគ្គនាយកនៃអគ្គនាយកដ្ឋានគយ និងរដ្ឋាករកម្ពុជា សម្រេចអត្រាអនុគ្រោះ ៕
ចែករំលែកព័តមាននេះ