ខេត្តស្វាយរៀង ៖ លោក ណុប ចំរើន អភិបាលក្រុងស្វាយរៀង បានដឹកនាំកម្លាំង ក្រុមការងារចុះពិនិត្យទីតាំងដែលលោកគង់សុភី ប្រធានក្រុមហ៊ុន«គង់សុភីឯ.ក»បានដឹកអាចម៌ដីចាក់លប់ដីចំណីព្រែកអូស្មាច់យកជាកម្មសិទ្ធិដោយខុសច្បាប់ ត្រូវរដ្ឋបាលក្រុងស្វាយរៀង…
ខេត្តស្វាយរៀង ៖ លោក ណុប ចំរើន អភិបាលក្រុងស្វាយរៀង បានដឹកនាំកម្លាំង ក្រុមការងារចុះពិនិត្យទីតាំងដែលលោកគង់សុភី ប្រធានក្រុមហ៊ុន«គង់សុភីឯ.ក»បានដឹកអាចម៌ដីចាក់លប់ដីចំណីព្រែកអូស្មាច់យកជាកម្មសិទ្ធិដោយខុសច្បាប់ ត្រូវរដ្ឋបាលក្រុងស្វាយរៀង ឲ្យលោកគង់សុភី យកគ្រឿងចក្រមកកាយយកអាចម៌ដីចេញវិញជាបន្ទាន់ចាប់ពីម៉ោង៥និង០០នាទីល្ងាវថ្ងៃទី០៥សីហា២០២៥នេះតទៅជាកំហិត។
បើតាមមន្ត្រីភូមិបាលក្រុងស្វាយរៀងបានប្រាប់អ្នកសារព័ត៌មានយើងថា លោក គង់ សុភី ប្រធានក្រុមហ៊ុនម៉ៅការសំរាមក្រុងស្វាយរៀង បានយកគ្រឿងចក្រដឹកអាចម៌ដីមកចាក់លប់ចំណីព្រែកអូស្មាច់ ដែលជាព្រែកធម្មជាតិ រំលោភយកទៅធ្វើជាកម្មសិទ្ធិដោយខុសច្បាប់។ប្រភពបន្តថា បើតាមការពិនិត្យជាក់ស្តែង ឃើញថា ឈ្មោះគង់សុភី បានដឹកអាចម៌ដីចាក់ លើដីទំហំទទឹង៥៥ម៉ែត្របណ្តោយ១០០ម៉ែត្រ នៅចំណុចព្រែកអូស្មាច់ ស្ថិតក្នុងភូមិធ្មល់សង្កាត់ចេកក្រុងស្វាយរៀង។
ដោយពិនិត្យឃើញថា ដីកម្មសិទ្ធិរបស់ឈ្មោះគង់សុភី ក្នុងបណ្ណ័គឺទទឹង១៩ម៉ត្រ បណ្តោយ៧៥ម៉ែត្រ ក៏ប៉ុន្តែចាក់ដីរំលោភយកដីចំណីព្រែកគឺចែកជា២ គឺទី១ទទឹង១៩ម៉ែត្រគុណ២៥ម៉ែត្រ ទី២ ចាក់អាចម៌ដីរំលោភយកដីចំណីព្រែកទំហំទទឹង៣៦ម៉ែត្របណ្តោយ១០០ម៉ែត្រទើបរដ្ឋបាលក្រុងស្វាយរៀងបានធ្វើការ ដោះស្រាយនិងចាត់វិធានការបន្ទាន់ឲ្យឈ្មោះគង់សុភី យកគ្រឿងចក្រមកកាយយកអាចម៌ដីចេញវិញ។
បន្ទាប់មករដ្ឋបាលក្រុងស្វាយរៀងបានវេញលិខិតបំភ្លឺជូនមហាជនស្តីពីការចាត់វិធានការទៅលេីការចាក់បំពេញអាចម៌ដីរំលោភលើដីចំណីព្រែក ស្ថិតនៅភូមិធ្មល់ សង្កាត់ចេក ក្រុងស្វាយរៀង ដោយម្ចាស់ដីត្រូវធ្វើការកាយដីចេញវិញជាបន្ទាន់ចាប់ពីម៉ោង៥:០០នាទីនាថ្ងៃទី០៥ ខែសីហា ឆ្នាំ២០២៥នេះតទៅ ជាកំហិត ។
តាមធម្មតាកាលណាចាក់ដីពេញហើយ ស្រាប់តែឱ្យកាយចេញវិញ ច្បាស់ជាសង្ឃឹមមេឃ សង្ឃឹមផ្កាយយ៉ាងពិតប្រាកដ ។ មានកាយចេញវិញឯណា បទបញ្ជាអាចនឹងក្លាយជាក្រដាសអនាម័យ…ឬសាបដូចទឹកទន្លេ…ហេ! ហេ! ។
ព័ត៌មានបន្តនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ