ខេត្តត្បូងឃ្មុំ ៖ នៅខេត្តត្បូងឃ្មុំមានមន្ទីរពេទ្យមួយឈ្មោះ KV ជាមណ្ឌលព្យាបាលបន្សាបគ្រឿងញៀន មានទីតាំងនៅឃុំជីរោទិ៍ទី២ ស្រុកត្បូងឃ្មុំ ខេត្តត្បូងឃ្មុំ ជាមន្ទីរពេទ្យក្រោមកិច្ចសហការជាមួយខេត្តកំពង់ចាម និងខេត្តត្បូងឃ្មុំ…
ខេត្តត្បូងឃ្មុំ ៖ នៅខេត្តត្បូងឃ្មុំមានមន្ទីរពេទ្យមួយឈ្មោះ KV ជាមណ្ឌលព្យាបាលបន្សាបគ្រឿងញៀន មានទីតាំងនៅឃុំជីរោទិ៍ទី២ ស្រុកត្បូងឃ្មុំ ខេត្តត្បូងឃ្មុំ ជាមន្ទីរពេទ្យក្រោមកិច្ចសហការជាមួយខេត្តកំពង់ចាម និងខេត្តត្បូងឃ្មុំ មិនមែនឯកជនសុទ្ធទេ ។
រឿងដែលមហាជនចាប់អារម្មណ៍ខ្លាំងជាងគេ គឺតម្លៃព្យាបាលត្រូវបានកំណត់បង្ហាញជាស្រេច កុំឱ្យប្រកែក ឬចោទប្រកាន់ដោយប្រការណាមួយ ។ ត្រូវបង់ម្តង៦ខែ ព្រោះមិនមែនព្យាបាល១ខែជាទេ យ៉ាងតិច៦ខែទើបចេញបាន ។ បើអ្នកណាចេញមុន៦ខែ ត្រូវតែពិន័យឱ្យបង់ប្រាក់ឱ្យរដ្ឋបាលមន្ទីរពេទ្យ មិនតិចទេ ម្ចាស់ថ្លៃអើយ…។
មហាជនច្រើនណាស់បានប្រាប់កោះសន្តិភាព រិះគន់ខ្លាំងៗនូវតម្លៃព្យាបាល ដែលកោះសន្តិភាពសូមដកស្រង់តែតម្លៃមកផ្សាយតែប៉ុណ្ណោះ ឯលទ្ធភាពនិងសកម្មភាពគ្រប់គ្រង ព្យាបាលយ៉ាងណានោះ យើងផ្សាយនៅពេលក្រោយទៀត ទៅតាមសម្តីអ្នកដែលកំពុងព្យាបាល ។
តម្លៃនៃការចូលទៅស្នាក់នៅព្យាបាលមាន៣ប្រភេទដាច់ពីគ្នា ។
ប្រភេទទី១៖ អ្នកមានជីវភាពក្រីក្រ ពេលចូលទៅព្យាបាលត្រូវបង់ឱ្យរដ្ឋបាល២០ម៉ឺនរៀល ។ បន្ទាប់មកត្រូវបង់ប្រចាំខែ ៧០ម៉ឺនរៀល ក្នុង១ខែ ។ ត្រូវបង់សម្រាប់៦ខែតម្លៃ៤លាន២សែនរៀល ។
ប្រភេទទី២ ៖ សម្រាប់បន្ទប់ VIP មានម៉ាស៊ីនត្រជាក់ ពេលចូលភ្លាមត្រូវបង់សម្រាប់រដ្ឋបាល៤០ម៉ឺនរៀល ។ បន្ទាប់មកត្រូវបង់ប្រចាំខែ ក្នុងមួយខែ ៥០០ដុល្លារ ។ បង់៦ខែ តម្លៃ៣ពាន់ដុល្លារ ។
ប្រភេទទី៣ ៖ សម្រាប់បន្ទប់មានកង្ហារ ពេលចូលភ្លាមត្រូវបង់ឱ្យរដ្ឋបាល៤០ម៉ឺនរៀល និងបង់ប្រចាំខែ២៥០ដុល្លារ និងត្រូវបង់រយៈពេល៦ខែ សរុប ១.៥០០ដុល្លារ ។
មន្ទីរពេទ្យ បានកំណត់ច្បាស់ថា ចំពោះជនដែលចូលមកព្យាបាល ហើយមានការសុំចេញមុនរយៈពេល៦ខែ ត្រូវតែបង់ឱ្យរដ្ឋបាលចំនួន៤៥០ដុល្លារ ។
ដូច្នេះ ជនញៀនថ្នាំណាដែលត្រូវចូលទៅព្យាបាលនៅមន្ទីរពេទ្យពាក់កណ្តាលរដ្ឋ KV នេះមិនអាចនៅព្យាបាល១ខែ ឬ២ខែ ចេញបានទេ ត្រូវតែបង់កំណត់៦ខែ ទើបអាចមានសិទ្ធិចេញបាន ។ នេះជារយៈពេលនៃការព្យាបាលជា ឬមិនជា មិនដឹងទេ…តែបើសុំចេញមុនកំណត់ ត្រូវតែបង់ឱ្យរដ្ឋបាល៤៥០ដុល្លារ ជាកំហិត ។ បើមានលុយចាំមកព្យាបាល…បើគ្មានលុយ ឬមិនមានលទ្ធភាពព្យាបាលទេ…ដេកឈឺ ទ្រាំញៀនតទៅទៀតទៅ…ហេ ! ហេ ! ។
ព័ត៌មានបន្ថែមនឹងមានផ្សាយនៅលើកាសែតកោះសន្តិភាព ៕
ចែករំលែកព័តមាននេះ