ស្ថិតិដែលក្រសួងទេសចរណ៍បានផ្សព្វផ្សាយកាលពីពេលថ្មីៗនេះបានឲ្យដឹងថា ពីខែមករាដល់ខែមិថុនា ឆ្នាំ២០២៥កន្លងទៅនេះ គឺកម្ពុជាបានទាក់ទាញភ្ញៀវទេសចរបរទេសសរុប ៣,៣៦ លាននាក់ ជាមួយនឹងកំណើនកើនឡើងប្រមាណជា៦,២ភាគរយ ។ ផ្អែកតាមស្ថិតិទីផ្សារទេសចរបរទេសធំៗគឺភាគច្រើនស្រុតចុះ ប៉ុន្តែទោះបីជាយ៉ាងណាក៏ដោយច្រកនៃក្តីរំពឹងសម្រាប់រុញកំណើនទេសចរណ៍នៅឆមាសក្រោយគឺចិន…
ស្ថិតិដែលក្រសួងទេសចរណ៍បានផ្សព្វផ្សាយកាលពីពេលថ្មីៗនេះបានឲ្យដឹងថា ពីខែមករាដល់ខែមិថុនា ឆ្នាំ២០២៥កន្លងទៅនេះ គឺកម្ពុជាបានទាក់ទាញភ្ញៀវទេសចរបរទេសសរុប ៣,៣៦ លាននាក់ ជាមួយនឹងកំណើនកើនឡើងប្រមាណជា៦,២ភាគរយ ។
ផ្អែកតាមស្ថិតិទីផ្សារទេសចរបរទេសធំៗគឺភាគច្រើនស្រុតចុះ ប៉ុន្តែទោះបីជាយ៉ាងណាក៏ដោយច្រកនៃក្តីរំពឹងសម្រាប់រុញកំណើនទេសចរណ៍នៅឆមាសក្រោយគឺចិន និងអឺរ៉ុបតែម្តង ។
ស្ថិតិនៅក្នុងអំឡុងពេលនេះ ភ្ញៀវទេសចរឡាវធ្លាក់ចុះ៣៧,៥ភាគរយ វៀតណាមធ្លាក់ចុះ ៣,២ភាគរយ កូរ៉េខាងត្បូងធ្លាក់៧,៤ភាគរយ ប៉ុន្តែចិនបានបន្តកើនឡើងដល់កម្រិត៥០,៧ ភាគរយ ហើយមកពីអឺរ៉ុប ក៏ដូចជាកើនឡើងដែរ ដូចជាអង់គ្លេសកើនឡើង២៥,៧ភាគរយ ហើយបារាំងជិត១៤ភាគរយដែរ។
អ្នកនៅក្នុងវិស័យឧស្សាហកម្មទេសចរណ៍ម្នាក់បានឲ្យដឹងថា សម្រាប់ទីផ្សារចិនកម្ពុជានឹងនៅតែបន្តទទួលបានកំណើនដ៏ប្រសើរបន្ថែមទៀត ដោយសារតែគោលនយោបាយរដ្ឋាភិបាលនិងរដ្ឋាភិបាល ហើយ វិស័យឯកជនក៏សកម្មដែរជាមួយនឹងទីផ្សារចិន ដោយពេលនេះច្រកនៃការតភ្ជាប់ជើងហោះហើរជាមួយនឹងចិន ក៏ទូលំទូលាយ ។
លោកបានបន្តទៀតថា ច្រកនេះមិនត្រឹមតែអាចធ្វើទីផ្សារទាក់ទាញភ្ញៀវទេសចរពីចិនទេ ពីអឺរ៉ុបខ្លះ ក៏អាចបានដែរ ពីព្រោះចិនក៏ជាកន្លែងតភ្ជាប់ជើងហោះហើរមួយទៅអឺរ៉ុបទូលំទូលាយដែរ ។ ដោយឡែកច្រកនៃការជំរុញដែរនោះគឺតាមរយៈច្រកហោះហើយនៅតំបន់មជ្ឈឹមបូព៌ា ហើយទីផ្សារនៅអាមេរិក គឺតាមរយៈច្រកនៃការតភ្ជាប់ជាមួយនឹងកូរ៉េខាងត្បូង ។
ចែករំលែកព័តមាននេះ