កម្ពុជា និងថៃ យល់ព្រមបទឈប់បា.ញ់ចាប់ពីម៉ោង ១២យប់នេះតទៅ
កូឡាឡាំពួរ ៖ នារសៀលថ្ងៃទី២៨ កក្កដា ២០២៥នេះ នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម (Anwar…
កូឡាឡាំពួរ ៖ នារសៀលថ្ងៃទី២៨ កក្កដា ២០២៥នេះ នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម (Anwar Ibrahim) មានប្រសាសន៍ថា នាយករដ្ឋមន្ត្រីកម្ពុជា ហ៊ុន ម៉ាណែត និងមេដឹកនាំស្តីទីថៃ លោក Phumtham Wechayachai បាន “បង្ហាញជំហរ និងឆន្ទៈក្នុងការបញ្ឈប់ការបាញ់ប្រហារជាបន្ទាន់” ។
មេដឹកនាំម៉ាឡេស៊ី លោក អាន់វ៉ា អ៊ីប្រាហ៊ីម បានចាប់ផ្តើមនិយាយថា ជាការចាប់ផ្តើម រូបលោកបានសម្តែងនូវការដឹងគុណ យ៉ាងជ្រាលជ្រៅ ចំពោះមេដឹកនាំ នៃប្រទេសថៃ និងកម្ពុជា ។
លោក អាន់វ៉ា បាននិយាយបន្តថា ប្រទេសថៃ និងកម្ពុជា នឹងមាន “បទឈប់បាញ់ជាបន្ទាន់ និងគ្មានលក្ខខណ្ឌ” ដែលមានសុពលភាពចាប់ពីពាក់កណ្តាលអធ្រាត្រ(ម៉ោងក្នុងស្រុក)ថ្ងៃទី២៨ កក្កដា ២០២៥នេះតទៅ ។
លោកថ្លែងថា ៖ «នេះជាជំហានដំបូងដ៏សំខាន់មួយសម្រាប់ការបន្ថយការកើនឡើង និងការស្ដារសន្តិភាព និងសន្តិសុខឡើងវិញ» ៕
ចែករំលែកព័តមាននេះ