ខេត្តបន្ទាយមានជ័យ ៖ ពលរដ្ឋដែលរស់នៅតាមបន្ទាត់ព្រំដែនដែលប្រឈម ត្រូវបានភៀសខ្លួនរកកកន្លែងសុវត្ថិភាព១៩កន្លែង ដែលមានពលរដ្ឋជាង៥ពាន់គ្រួសារ គិតត្រឹមថ្ងៃទី២៧ ខែកក្កដា ឆ្នាំ២០២៥ នៅខេត្តបន្ទាយមានជ័យ ។…
ខេត្តបន្ទាយមានជ័យ ៖ ពលរដ្ឋដែលរស់នៅតាមបន្ទាត់ព្រំដែនដែលប្រឈម ត្រូវបានភៀសខ្លួនរកកកន្លែងសុវត្ថិភាព១៩កន្លែង ដែលមានពលរដ្ឋជាង៥ពាន់គ្រួសារ គិតត្រឹមថ្ងៃទី២៧ ខែកក្កដា ឆ្នាំ២០២៥ នៅខេត្តបន្ទាយមានជ័យ ។
យោងតាមរបាយការណ៍រដ្ឋបាលខេត្តបន្ទាយមានជ័យ មានពលរដ្ឋដែលរស់នៅតាមបន្ទាត់ព្រំដែនបានភៀសខ្លួនរកកន្លែងសុវត្ថិភាពមានចំនួន១៩កន្លែង មានពលរដ្ឋចំនួន៥.៣៩០គ្រួសារ ស្មើមនុស្សរាយ២១.៧៩០នាក់ (ស្រី១១.០៧៤នាក់) ។
ក្រោយពលរដ្ឋដែលបានភៀសខ្លួនចេញ តំបន់ប្រឈមមុខមកនៅស្នាក់តំបន់សុវត្ថិភាពភាគច្រើន នៅតាមវត្តអារាម និងសាលារៀន ដែលនៅចម្ងាយពីព្រំដែនប្រមាណ៣០ទៅ៥០គីឡូម៉ែត្រ ដើម្បីការពារសុវត្ថិភាពដែលត្រូវបានអាជ្ញាធរស្រុក/ក្រុងនិងខេត្តរៀបចំការអោយស្នាក់នៅ ។
ចំពោះពលរដ្ឋដែលជម្លៀសពីតំបន់សមភូមិក្តៅមកដាក់កន្លែងសុវត្ថិភាព ត្រូវបានអាជ្ញាធរខេត្តនិងស្រុក/ក្រុងបានយកចិត្តទុកដាក់ទាំងការហូបចុក និងសុខភាពនិងសុវត្ថិភាពជាចម្បង ហើយការភៀសខ្លួនរបស់ពលរដ្ឋជាប់ជាយដែនត្រូវបានអាជ្ញាធរមូលដ្ឋាន បានណែនាំអោយចាក់ចេញជាសុវត្ថិភាពហើយការចាក់ចេញភាគច្រើនប្រពន្ធនិងកូនចៅចំណែកបុរស់ត្រូវចាំផ្ទៈដោយអាជ្ញាធរអោយជីកលានដ្ឋានការពារ។
ជាក់ស្តែង រហូតពេលនេះខេត្តបន្ទាយមានជ័យក្នុងចំណោម៩ស្រុក/ក្រុងមាន៥ស្រុក/ក្រុងដែលជាប់ព្រំដែនប្រទេសថៃដែលមានផ្ទៃដីប្រវែង១៥៣គីឡូម៉ែត្រមានស្រុកថ្មពួក ស្រុកស្វាយចេក ស្រុកអូរជ្រៅ ក្រុងប៉ោយប៉ែត ស្រុកម៉ាឡៃ រហូតដល់ពេលនេះមិនទាន់មានការផ្ទុះអាវុធនៅឡើយទេតែភាគីខាងទាហ៊ានសៀមបង្កភាពតានតឹងទើបភៀសខ្លួនរកកន្លែងសុវត្ថិភាព៕
ចែករំលែកព័តមាននេះ