ខេត្តបន្ទាយមានជ័យ ៖ រយៈពេល២ថ្ងៃនេះពលរដ្ឋដែលជម្លៀសពីព្រំដែនតំបន់ប្រឈមមានប្រមាណជិត៧០គ្រួសារ បានមកកាន់កន្លែងសុវត្ថិភាព នៅបរិវេណវត្តរលំជ្រៃ ស្រុកថ្មពួក ខេត្តបន្ទាយមានជ័យ កាលពីថ្ងៃទី២៦ ខែកក្តដា ឆ្នាំ២០២៥…
ខេត្តបន្ទាយមានជ័យ ៖ រយៈពេល២ថ្ងៃនេះពលរដ្ឋដែលជម្លៀសពីព្រំដែនតំបន់ប្រឈមមានប្រមាណជិត៧០គ្រួសារ បានមកកាន់កន្លែងសុវត្ថិភាព នៅបរិវេណវត្តរលំជ្រៃ ស្រុកថ្មពួក ខេត្តបន្ទាយមានជ័យ កាលពីថ្ងៃទី២៦ ខែកក្តដា ឆ្នាំ២០២៥ ។
លោក អែម សុខា អភិបាលស្រុកថ្មពួកបានឱ្យដឹងថា មានពលរដ្ឋដែលរស់នៅតាមបន្ទាត់ព្រំដែនកម្ពុជា.ថៃនៅភូមិគោករមៀត និងឃុំបន្ទាយឆ្មា ស្រុកថ្មពួក ខេត្តបន្ទាយមានជ័យ និងមានប្រជាពលរដ្ឋមកពីស្រុកបន្ទាយអំពិល ខេត្តឧត្តរមានជ័យ បានជម្លៀសមកកាន់កន្លែងសុវត្ថិភាពនៅវត្តរលំជ្រៃ មានចំនួន៧០គ្រួសារ នឹងនៅមានមកជាបន្តបន្ទាប់ទៀត។
លោកបានបញ្ជាក់ថា ពលរដ្ឋជម្លៀសពីព្រំដែនមកកាន់កន្លែងសុវត្ថិភាពមានរយៈពេល២ថ្ងៃមកហើយដែលអាជ្ញាធរឃុំ/ស្រុកបានយកចិត្តទុកដាក់ជួយគ្រឿងបរិភោគ ជូនជនភៀសខ្លួនពីតាមបន្ទាត់ព្រំដែនកម្ពុជា.ថៃមករកកន្លែងសុវត្ថិភាពនិងផ្គត់ផ្គង់ម្ហូបអាហារនិងមើលថែសុខភាពពីសំណាក់ក្រុមគ្រូពេទ្យ។
លោក អែម សុខា បានបញ្ជាក់ថា៖ពលរដ្ឋដែលភៀសខ្លួនចេញតំបន់ប្រឈមនៅតែបន្តមករហូតក្រោយអាជ្ញាធរស្រុក/ខេត្តបានណែនាំអោយមករកន្លែងសុវត្ថិភាព ព្រោះស្ថានភាពតាមបន្ទាត់ព្រំដែននៅតែមានភាពតានតឹងហើយភូមិសាស្គ្រជួរភ្នំដងរ៉ែកស្រុកបន្ទាយអំពិលនៅតែបន្តការផ្ទុះអាវុធរវាងទ័ពរាជរដ្ឋាភិបាលបានតបតជាមួយទាហានសៀមដែលមានបំណងឈ្លានពានទឹកដីកម្ពុជា ៕
ចែករំលែកព័តមាននេះ