ខេត្តបន្ទាយមានជ័យ ៖ ក្រោយស្ថានភាពព្រំដែនមានភាពតានតឹង ភាគីទាហានឈុតខ្មៅថៃបានបិទច្រកទ្វារព្រំដែនខ្លងលឹក កាលពីវេលាម៉ោង៨ព្រឹកថ្ងៃទី២៤ ខែកក្កដា ឆ្នាំ២០២៥ ឈមច្រកអន្តរជាតិប៉ោយប៉ែត។ នៅពេលដែលភាគីថៃបិទច្រកទ្វារព្រំដែនខ្លងលឹកប្រទេសថៃដែលឈមច្រកទ្វារព្រំដែនអន្តរជាតិប៉ោយប៉ែត មានពលរដ្ឋថៃរាប់ពាន់នាក់ដែលបម្រុងចាកចេញពីប្រទេសកម្ពុជា…
ខេត្តបន្ទាយមានជ័យ ៖ ក្រោយស្ថានភាពព្រំដែនមានភាពតានតឹង ភាគីទាហានឈុតខ្មៅថៃបានបិទច្រកទ្វារព្រំដែនខ្លងលឹក កាលពីវេលាម៉ោង៨ព្រឹកថ្ងៃទី២៤ ខែកក្កដា ឆ្នាំ២០២៥ ឈមច្រកអន្តរជាតិប៉ោយប៉ែត។
នៅពេលដែលភាគីថៃបិទច្រកទ្វារព្រំដែនខ្លងលឹកប្រទេសថៃដែលឈមច្រកទ្វារព្រំដែនអន្តរជាតិប៉ោយប៉ែត មានពលរដ្ឋថៃរាប់ពាន់នាក់ដែលបម្រុងចាកចេញពីប្រទេសកម្ពុជា ត្រូវបានកកស្ទះនៅក្នុងទឹកដីកម្ពុជា ខណៈពេលពលរដ្ឋកម្ពុជាជាប់គាំក្នុងទឹកដីថៃដូចគ្នា។
រហូតដល់ថ្ងៃត្រង់ សិស្សរាប់រយរនាក់ដែលមកសិក្សានៅក្រុងប៉ោយប៉ែ បានវិលត្រឡប់ទៅរកឪពុកម្តាយវិញនៅផ្សាររ៉ូក្លឿប្រទេសថៃ ដែលបានចាកចេញលើកទី១បានប្រមាណជាង១០០នាក់ និងចាកចេញលើកទី២ ត្រូវភាគីថៃមិនអោយចាកចេញ ត្រូវបានអាជ្ញាធរខេត្ត/ក្រុងប៉ោយប៉ែតអោយត្រឡប់ទៅសាលារៀនវិញ ហើយអាជ្ញាធរក្រុងប៉ោយប៉ែតរាប់ទទួលជូនអាហារ រហូតដល់រសៀលភាគីកម្ពុជា.ថៃបានសម្របសម្រួលចាក់ចេញទៅរកឪពុកម្តាយក្នុងទឹកដីថៃ។
ក្រោយភាគីថៃបានបិតច្រកទ្វារព្រំដែនដោយឯកតោភាគីនៅច្រកខ្លងលឹក ប្រទេសថៃកម្ពុជាក៍មិនទាន់បានបើកច្រកទ្វារព្រំដែនអន្តរជាតិប៉ោយប៉ែតដូចគ្នា តែបើកសម្រាប់ទទួលពលករកម្ពុជាត្រឡប់ពីថៃចូលមកកម្ពុជានិងអោយពលរដ្ឋចាក់ចេញពីកម្ពុជាទៅថៃ តែត្រូវភាគីថៃច្រកទ្វារព្រំដែនថៃ-កម្ពុជា៕
ចែករំលែកព័តមាននេះ