បន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនជនសង្ស័យម្នាក់ដែលជាឪពុកចុង បានយកដែកឆាបចុងស្រួចចា.ក់ទៅលើកូនដើម បណ្តាលឱ្យធ្លា.យពោះ២កន្លែង របួសធ្ងន់ ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី២១ ខែកក្កដា ឆ្នាំ២០២៥…
បន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនជនសង្ស័យម្នាក់ដែលជាឪពុកចុង បានយកដែកឆាបចុងស្រួចចា.ក់ទៅលើកូនដើម បណ្តាលឱ្យធ្លា.យពោះ២កន្លែង របួសធ្ងន់ ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី២១ ខែកក្កដា ឆ្នាំ២០២៥ ។
លោកអនុសេនីយ៍ឯក ង៉ាម គឹមឆាត មេបញ្ជាការកងរាជអាវុធហត្ថស្រុកថ្មពួកបានប្រាប់ថា ៖ ជនសង្ស័យដែលឃាត់ខ្លួនមានឈ្មោះ ថា សាវីត ភេទប្រុស អាយុ២៥ឆ្នាំ(ត្រូវជាឪពុកចុង) រស់នៅភូមិព្រៃវែង ឃុំគំរូ ស្រុកថ្មពួក ។
លោកបានបញ្ជាក់ថា ៖ ក្រោយទទួលបណ្តឹងពីម្តាយជនរងគ្រោះ បានប្តឹងឈ្មោះថា សាវីត (ត្រូវជាប្តី)បានធ្វើសកម្មភាពយកដែកឆាបចុងស្រួចចា.ក់ទៅលើជនរងគ្រោះ ឈ្មោះ សំប៊ូត វ៉ាន់ឌី ភេទប្រុស អាយុ១៦ឆ្នាំ (ត្រូវជាកូនប្តីមុន) បណ្តាលឱ្យរបួសចំពោះខាងឆ្វេង ចំនួន២កន្លែង របួសធ្ងន់ត្រូវសង្គ្រោះទៅកាន់មន្ទីរពេទ្យបង្អែកស្រុកថ្មពួក ដែលកើតហេតុ កាលពីថ្ងៃទី១៩ ខែកក្កដា ឆ្នាំ២០២៥ នៅចំណុចភូមិព្រៃវែង ឃុំគំរូ ស្រុកថ្មពួក ។
លោកអនុសេនីយ៍ឯក ង៉ាម គឹមឆាត បានបញ្ជាក់ថា ៖ ក្រោយទទួលបណ្តឹងកម្លាំងមូលដ្ឋានកងរាជអាវុធហត្ថស្រុកថ្មពួក បានចុះអន្តរាគមន៍ឃាត់ខ្លួនភ្លាមៗនាំយកសាកសួរតាមចម្លើយសារភាពថា មូលហេតុដែលយកដែកឆាបចុងស្រួចចា.ក់ទៅលើកូនប្រុសប្តីមុន ព្រោះបានឈ្លោះប្រកែកគ្នាជាមួយប្រពន្ធ មានក្មួយប្រុសខាងប្រពន្ធម្នាក់ឈ្មោះ យ៉ា បានយកកាំបិ.តកា.ប់ខ្លួនឱ្យរបួស នៅពេលប្រតាយប្រតប់គ្នាស្រាប់តែកូនប្រុសប្តីមុនមកជួយម្តាយហើយក៏ខឹងបានយកដែកឆាបចុងស្រួចចា.ក់ចំពោះ២កន្លែង របួសធ្ងន់ កូនប្រុសប្តីមុន ហើយត្រូវសមត្ថកិច្ចចាប់ខ្លួន ៕
ចែករំលែកព័តមាននេះ