ខេត្តស្វាយរៀង ៖ លោកចៅក្រមនៃសាលាដំបូងខេត្តស្វាយរៀង បានចេញដីកាឃុំខ្លួន ជនសង្ស័យ០៣នាក់ ក្នុងពន្ធនាគារ ខេត្តស្វាយរៀង បណ្ដោះអាសន្នពាក់ព័ន្ធ ការផ្តល់ទីតាំង និងអ្នកភ្នាល់ល្បែ.ងជល់មាន់នៅស្រុកស្វាយជ្រំ…
ខេត្តស្វាយរៀង ៖ លោកចៅក្រមនៃសាលាដំបូងខេត្តស្វាយរៀង បានចេញដីកាឃុំខ្លួន ជនសង្ស័យ០៣នាក់ ក្នុងពន្ធនាគារ ខេត្តស្វាយរៀង បណ្ដោះអាសន្នពាក់ព័ន្ធ ការផ្តល់ទីតាំង និងអ្នកភ្នាល់ល្បែ.ងជល់មាន់នៅស្រុកស្វាយជ្រំ នេះបើតាមការអោយដឹងពីលោកវរសេនីយ៍ឯក សោម សុភ័ណ្ឌ អធិការនគរបាលស្រុក នារសៀលថ្ងៃទី២០ ខែកក្កដា ឆ្នាំ២០២៥នេះ ។
លោកបន្តថា កាលពីថ្ងៃទី១៧ ខែកក្កដា ឆ្នាំ២០២៥ ប៉ុស្តិ៍នគរបាលរដ្ឋបាលក្រោលគោ បានទទួលព័ត៌មានពីប្រជាពលរដ្ឋថា នៅចំណុចភូមិបន្លាស្អិត ឃុំក្រោលគោ ស្រុកស្វាយជ្រំ មានមនុស្ស០១ក្រុមកំពុងលេងល្បែ.ងជល់មាន់ដោយខុសច្បាប់ ។
ក្រោយពីទទួលបានព័ត៌មានរួចមក រូបលោកបានដឹកនាំកម្លាំងជំនាញស្រុកសហការជាមួយកម្លាំងប៉ុស្តិ៍នគរបាលរដ្ឋបាលក្រោលគោបានចុះដល់ទីតាំងបញ្ជល់មាន់ធ្វើការបង្ក្រាប និងបានចាប់ឃាត់ខ្លួនមនុស្សចំនួន០៣នាក់ ប្រុស (ម្ចាស់ផ្តល់ទីតាំង០១នាក់ និងអ្នកភ្នា.ល់ល្បែ.ង ជល់មាន់០២នាក់) ព្រមទាំងបានដកហូតមាន់ជល់០២ក្បាល, ជញ្ជីង ០១គ្រឿង និងសម្ភារមួយចំនួន ។
នៅចំពោះមុខសមត្ថកិច្ច ជនសង្ស័យទាំង០៣នាក់ បានឆ្លើយសារភាពថា ខ្លួន និងបក្សពួកពិតជាបានប្រព្រឹត្តសកម្មភាពខាងលើពិតប្រាកដមែន ។
បច្ចុប្បន្ន ជនសង្ស័យទាំង០៣នាក់ខាងលើ បានកសាងសំណុំរឿង បញ្ជូនទៅការិយាល័យនគរបាលព្រហ្មទណ្ឌកម្រិតស្រាល ដើម្បីចាត់ការបន្ត និងត្រូវបានលោកចៅក្រមនៃសាលាដំបូងខេត្តស្វាយរៀង ចេញដីកាឃុំខ្លួនបណ្ដោះអាសន្ន ក្នុងពន្ធនាគារខេត្តរួចហើយ ៕
ចែករំលែកព័តមាននេះ