ខេត្តស្វាយរៀង ៖ មានក្រុមក្មេងទំនើង០២ក្រុម សរុប០៥នាក់ បើកឆាកប្រយុទ្ធគ្នា ដោយជិះម៉ូតូដេញវាយគ្នាតាមដងផ្លូវ ធ្វើឲ្យផ្អើលដល់អ្នកភូមិនិងអ្នកធ្វើដំណើរនៅក្នុងមូលដ្ឋានក្រុងស្វាយរៀង តែត្រូវបានសមត្ថកិច្ចនគរបាលក្រុងស្វាយរៀងចុះបង្ក្រាប និងចាប់ឃាត់ខ្លួន ។…
ខេត្តស្វាយរៀង ៖ មានក្រុមក្មេងទំនើង០២ក្រុម សរុប០៥នាក់ បើកឆាកប្រយុទ្ធគ្នា ដោយជិះម៉ូតូដេញវាយគ្នាតាមដងផ្លូវ ធ្វើឲ្យផ្អើលដល់អ្នកភូមិនិងអ្នកធ្វើដំណើរនៅក្នុងមូលដ្ឋានក្រុងស្វាយរៀង តែត្រូវបានសមត្ថកិច្ចនគរបាលក្រុងស្វាយរៀងចុះបង្ក្រាប និងចាប់ឃាត់ខ្លួន ។
យោងតាម សមត្ថកិច្ចនគរបាលក្រុងស្វាយរៀង បានអោយដឹងកាលពីរសៀលថ្ងៃទី១៧ ខែកក្កដា ឆ្នាំ២០២៥ ថា ហេតុការណ៏នេះបានកើតឡើងកាលពីថ្ងៃទី១៥ ខែកក្កដា ឆ្នាំ២០២៥ វេលាម៉ោង១០និង៣០នទីយប់ ស្ថិតក្នុងភូមិរោងបន្លែ សង្កាត់ស្វាយរៀង ក្រុងស្វាយរៀង ។
ប្រភពដដែលបញ្ជាក់ថា កម្លាំងអធិការដ្ឋាននគរបាលក្រុងស្វាយរៀង កាលពីថ្ងៃទី១៥ ខែកក្កដា ឆ្នាំ២០២៥ វេលាម៉ោង២២និង៣០នាទីយប់ បានទទួលព័ត៌មានតាមរយៈទូរសព្ទពីប្រជាពលរដ្ឋ ថា មានក្មេងទំនើង០២ក្រុម កំពុងធ្វើសកម្មភាពជិះម៉ូតូដេញវាយគ្នា បង្កការភ្ញាក់ផ្អើលក្រោយទទួលបានព័ត៌មានរួចមក និងអនុវត្តតាមបទបញ្ជាដ៏ម៉ឺងម៉ាត់របស់លោកឧត្ដមសេនីយ៍ទោ ពេជ្រ វីរៈ ស្នងការនគរបាលបាលខេត្តស្វាយរៀង កម្លាំងអធិការដ្ឋាននគរបាលក្រុងស្វាយរៀង ដឹកនាំដោយលោកវរសេនីយ៍ឯក កែន វិទ្ធី អធិការនគរបាលក្រុងស្វាយរៀង បានធ្វើការស៊ើប អង្កេតស្រាវជ្រាវ និងត្រួតពិនិត្យកន្លែងកើតហេតុរួចហើយ សមត្ថកិច្ចឈានដល់ឃាត់ខ្លួនជនសង្ស័យចំនួន០២នាក់ និងបន្តស្រាវជ្រាវរហូតឈាន ទៅឃាត់ខ្លួនជនសង្ស័យ០៣នាក់ បន្ថែមទៀត យកមកសាកសួរ ។
បច្ចុប្បន្ន ក្មេងទំនើង ទាំង០៥នាក់ នៃក្រុមក្មេងទំនើងទាំង០២ក្រុម ត្រូវបានសមត្ថកិច្ចនគរបាលក្រុង កំពុងកសាងសំណុំរឿងចាត់ការតាមនីតិវិធីច្បាប់ ៕
ចែករំលែកព័តមាននេះ