ADផ្ទាំងផ្សព្វផ្សាយពាណិជ្ជកម្ម

Picture

បេក្ខ​ជន​ទី​បី​របស់​ភឿថៃ​ប្រកាស​ត្រៀម​ខ្លួន​បណ្ដើរ​ៗ​ដើម្បី​ឡើង​កាន់​អំណាច

1 ខែ មុន

ទី​ក្រុង​បាងកក​៖ បេក្ខ​ជន​នាយក​រដ្ឋ​មន្ត្រី​លំដាប់​ទី​បី​របស់​គណ​បក្ស​ភឿ​ថៃ លោក​ឆៃ​កាសឺម នីតិ​សិរី (Chaikasem Nitisiri) ថ្លែង​ថា​សម្រាប់​ពេល​នេះ​កុំ​ទាន់​អាល​​និយាយ​​ពី​ការ​តែង​តាំង​ ឬ​បញ្ជូន​ឈ្មោះ​របស់​លោក​ជា​បេក្ខ​ជន​នាយក​រដ្ឋ​មន្ត្រី​ទៅ​ឱ្យ​សភា​បោះ​ឆ្នោត​ផ្ដល់​សេចក្ដី​ទុក​ចិត្ត​។ ជា​លក្ខណៈ​ដែល​គេ​ហៅ​ថា​មិន​ទាន់​មាន​គ្រឿង​ផ្សំ​គ្រប់​គ្រាន់​​នៅ​ក្នុង​ដៃ​ផង​ប្រញាប់​តែ​និយាយ​ពី​ការ​​​ត្រូវ​ធ្វើ​ម្ហូប​អ្វី​បាត់​ទៅ​ហើយ​​។ ទោះ​ជា​យ៉ាង​ណា​ក្ដី…

ទី​ក្រុង​បាងកក​៖ បេក្ខ​ជន​នាយក​រដ្ឋ​មន្ត្រី​លំដាប់​ទី​បី​របស់​គណ​បក្ស​ភឿ​ថៃ លោក​ឆៃ​កាសឺម នីតិ​សិរី (Chaikasem Nitisiri) ថ្លែង​ថា​សម្រាប់​ពេល​នេះ​កុំ​ទាន់​អាល​​និយាយ​​ពី​ការ​តែង​តាំង​ ឬ​បញ្ជូន​ឈ្មោះ​របស់​លោក​ជា​បេក្ខ​ជន​នាយក​រដ្ឋ​មន្ត្រី​ទៅ​ឱ្យ​សភា​បោះ​ឆ្នោត​ផ្ដល់​សេចក្ដី​ទុក​ចិត្ត​។ ជា​លក្ខណៈ​ដែល​គេ​ហៅ​ថា​មិន​ទាន់​មាន​គ្រឿង​ផ្សំ​គ្រប់​គ្រាន់​​នៅ​ក្នុង​ដៃ​ផង​ប្រញាប់​តែ​និយាយ​ពី​ការ​​​ត្រូវ​ធ្វើ​ម្ហូប​អ្វី​បាត់​ទៅ​ហើយ​​។

ទោះ​ជា​យ៉ាង​ណា​ក្ដី លោក​ឆៃ​កាសឹម​ប្រកាស​ថា​លោក​ក៏​ចាប់​ផ្ដើម​ត្រៀម​ខ្លួន​ជា​បណ្ដើរ​ៗ​ផង​ដែរ​ដើម្បី​ទទួល​យក​ការ​តែង​តាំង​នេះ​បើ​សិន​​​នយោ​បាយ​ថៃ​​វិវត្ត​ទៅ​ដល់​ដំណាក់​កាល​នោះ​។ ការ​ថ្លែង​ដូច្នេះ​ដើម្បី​ឆ្លើយ​តប​ទៅ​នឹង​សំណួរ​របស់​អ្នក​សារ​ព័ត៌​មាន​ពាក់​ព័ន្ធ​នឹង​សារ​នយោបាយ​របស់​លោក​ថាក់​ស៊ីន​។ ​លោក​ថាក់​ស៊ីន​ថា​លោក​មិន​បណ្ដោយ​ឱ្យ​ជាប់​គាំង​នយោបាយ​ទេ​ និង​ថា​មាន​ជម្រើស​ច្រើន​ណាស់​នៅ​ក្នុង​ដៃ​បើ​សិន​តុលាការ​ធម្ម​នុញ្ញ​សម្រេច​ដក​តំណែង​កូន​ស្រី​ពៅ​របស់​លោក​ជា​ស្ថា​ពរ​។

​នៅ​ក្នុង​បទ​សម្ភាស​ជា​មួយ​អ្នក​សារ​ព័ត៌​មាន​ថ្មី​ៗ​នេះ លោក​ថាក់​ស៊ីន​​​បញ្ជាក់​​​ថា​មាន​សេណារីយោ​២​ដែល​អាច​កើត​មាន​។ ទី​១​ តែង​តាំង​លោក​ឆៃ​កាសឺម​ជា​បេក្ខ​ជន​នាយក​រដ្ឋ​មន្ត្រី​ និង​ទី២​ ​រំលាយ​សភា​ចោល​ដើម្បី​រៀប​ចំ​ការ​បោះ​ឆ្នោត​​ជ្រើស​តាំង​អ្នក​តំណាង​រាស្ត្រ​ឡើង​វិញ​។ ការ​ព្រមាន​ពី​ការ​រំលាយ​សភា​ក៏​ធ្វើ​ឱ្យ​គណ​បក្ស​នៅ​ក្នុង​រដ្ឋាភិបាល​ចម្រុះ​ ​ពិសេស​ ក្រុម​អ្នក​តំណាង​រាស្ត្រ​ដែល​​កំពុង​អង្គុយ​កៅ​អី​សភា​នៅ​មិន​ស្រណុក​ចិត្ត​ប៉ុន្មាន​ឡើយ​។ បើ​សភា​រលាយ តួនាទី​របស់​​ពួក​គេ​នៅ​សភា និង​នៅ​ក្នុង​រដ្ឋាភិបាល​ក៏​ត្រូវ​អស់​។​

លោក​​ឆៃ​កាសឺម​​ថ្លែង​​ថា​លោក​​​​មិន​ទាន់​​​ពិគ្រោះ​រឿង​នេះ​ជា​មួយ​លោក​ថាក់​ស៊ីន​នៅ​ឡើយ​ទេ (តែង​តាំង​ជា​បេក្ខ​ជន​នាយក​រដ្ឋ​មន្ត្រី)។ ម៉្យាង​ទៀត​ លោក​យល់​ថា​សម្រាប់​ដំណាក់​កាល​នេះ​គួរ​កុំ​ទាន់​និយាយ​ដល់​បញ្ហា​ហ្នឹង​​ព្រោះ​កូន​ស្រី​លោក​ថាក់​ស៊ីន​មិន​ទាន់​ដឹង​ថា​តើ​តុលាការ​សម្រេច​យ៉ាង​ណា​នៅ​ឡើយ​ផង​។ ទោះ​បី​លោក​ធ្លាប់​មាន​ជំងឺ​ដាច់​សរ​សៃ​ឈាម​ខួរ​ក្បាល​​​កាល​ពី​មុន​ពេល​បោះ​ឆ្នោត​បន្តិច ប៉ុន្តែ​លោក​ឆៃ​កាសឺម​អះ​អាង​ថា​លោក​មាន​​​សុខ​ភាព​ល្អ​គ្រប់​គ្រាន់​ដើម្បី​កាន់​តំណែង​ជា​នាយក​រដ្ឋ​មន្ត្រី​៕​

អត្ថបទសរសេរ ដោយ

កែសម្រួលដោយ