រាជធានីភ្នំពេញ ៖ បុរសម្នាក់ ដែលបាត់ពីផ្ទះមិនដឹងមូលហេតុ ហើយប្រពន្ធបានមកដាក់បណ្ដឹងនៅប៉ុស្តិ៍នគរបាលរដ្ឋបាលទឹកថ្លា ដើម្បីឲ្យជួយស្វែងរកនោះ ការពិត គឺត្រូវបានកម្លាំងប៉ុស្តិ៍នគរបាលរដ្ឋបាលវាលស្បូវ នៃអធិការដ្ឋាននគរបាលខណ្ឌច្បារអំពៅ ឃាត់ខ្លួនពាក់ព័ន្ធករណីវាយប្លន់យកទូរសព្ទជនរងគ្រោះ…
រាជធានីភ្នំពេញ ៖ បុរសម្នាក់ ដែលបាត់ពីផ្ទះមិនដឹងមូលហេតុ ហើយប្រពន្ធបានមកដាក់បណ្ដឹងនៅប៉ុស្តិ៍នគរបាលរដ្ឋបាលទឹកថ្លា ដើម្បីឲ្យជួយស្វែងរកនោះ ការពិត គឺត្រូវបានកម្លាំងប៉ុស្តិ៍នគរបាលរដ្ឋបាលវាលស្បូវ នៃអធិការដ្ឋាននគរបាលខណ្ឌច្បារអំពៅ ឃាត់ខ្លួនពាក់ព័ន្ធករណីវាយប្លន់យកទូរសព្ទជនរងគ្រោះ ។
ជនសង្ស័យឈ្មោះ ណូ នេត ភេទប្រុស ជនជាតិខ្មែរ មុខរបរ មិនពិតប្រាកដ ស្នាក់នៅភូមិបុរី១០០ខ្នង សង្កាត់ទឹកថ្លា ខណ្ឌសែនសុខ ប្រព្រឹត្តបទល្មើស កាលពីវេលាម៉ោង១១និង៣០នាទីថ្ងៃទី០៧ ខែកក្កដា ឆ្នាំ២០២៥ នៅមុខច្រកចូលលំនៅដ្ឋានវាលស្បូវ ផ្លូវបេតុង ភូមិវាលស្បូវ សង្កាត់វាលស្បូវ ខណ្ឌច្បារអំពៅ ។
កម្លាំងប៉ុស្តិ៍នគរបាលរដ្ឋបាលវាលស្បូវ បានស្រាវជ្រាវឃាត់ខ្លួនជនសង្ស័យខាងលើ នៅចំណុចភូមិវាលស្បូវ សង្កាត់វាលស្បូវ ខណ្ឌច្បារអំពៅ ។
សូមជម្រាបដែរថា ក្រុមគ្រួសារបានមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលទឹកថ្លា ដើម្បីស្វែងរកបុរសម្នាក់ឈ្មោះ ណូ នេត (ប្តី) ដែលបានចេញពីផ្ទះទៅលេងបងប្អូននៅសង្កាត់ក្រាំងធ្នង់ ខណ្ឌសែនសុខ ដោយជិះម៉ូតូម៉ាកហុងដា ពណ៌ខ្មៅ ពាក់ស្លាកលេខ តាកែវ 1l-1145 ហើយមិនឃើញត្រឡប់មកផ្ទះវិញនោះទេ កាលពីថ្ងៃទី៤ ខែកក្កដា ឆ្នាំ២០២៥ ។
បច្ចុប្បន្ន ជនសង្ស័យខាងលើ កំពុងឃាត់ខ្លួននៅប៉ុស្តិ៍នគរបាលរដ្ឋបាលវាលស្បូវ ដើម្បីចាត់ការតាមនីតិវិធី ៕
ចែករំលែកព័តមាននេះ