ខេត្តរតនគិរី ៖ កូនភ្លោះបីនាក់ដែលក្លាយជាកូនចិញ្ចឹមរបស់សម្តេចអគ្គ មហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រសូតទៀតហើយកាលពីព្រឹកថ្ងៃទី១០ កក្កដា នៅក្នុងខេត្តរតនគិរីនេះ ដែលលើកទីមួយនាឆ្នាំ២០០៩ក្នុងគ្រួសារជនជាតិទំពួនរស់នៅស្រុក តាវែង ប៉ុន្តែជាអកុសលនៅពេល
ខេត្តរតនគិរី ៖ កូនភ្លោះបីនាក់ដែលក្លាយជាកូនចិញ្ចឹមរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រសូតទៀតហើយកាលពីព្រឹកថ្ងៃទី១០ កក្កដា នៅក្នុងខេត្តរតនគិរីនេះ ដែលលើកទីមួយនាឆ្នាំ២០០៩ក្នុងគ្រួសារជនជាតិទំពួនរស់នៅស្រុកតាវែង ប៉ុន្តែជាអកុសលនៅពេលឆ្លងទន្លេរួច ទារិកាទាំងបីក៏ស្លាប់ ។ ចំណែកកូនភ្លោះ៣លើកទី២នេះ បានប្រសូតក្នុងគ្រួសារកសិករមួយរស់នៅក្នុងស្រុកកូនមុំ ដែលមានទារកពីរនិងទារិកាមួយ ហើយបានឆ្លងទន្លេមិនគ្រប់ខែគឺបានតែ៧ខែប៉ុណ្ណោះ តែការឆ្លងទន្លេគឺមានសុវត្ថិភាព ចំណែកកូនភ្លោះទាំងបីក៏មានសុខភាពល្អដែរ ។
តាមប្រភពព័ត៌មានពីមន្ទីរពេទ្យបង្អែកខេត្តឱ្យដឹងថា គ្រួសារឆ្លងទន្លេបានកូនភ្លោះ៣នេះរស់នៅភូមិលេខ៣ (អូរភ្លង) ឃុំត្រពាំងច្រេស ស្រុកកូនមុំ ម្តាយទារកទារិកានេះឈ្មោះស្រីនាថ អាយុ១៨ឆ្នាំ ជនជាតិខ្មែរ ប្តីឈ្មោះណា វាសនា អាយុ២០ឆ្នាំ។ ប្តីប្រពន្ធនេះទើបនឹងរៀបការបានមួយឆ្នាំប៉ុណ្ណោះ ចំណែកកូនភ្លោះទាំងបី កូនប្រុសបងមានទម្ងន់១,៣ខាំ និងកូនពីរនាក់ប្អូនមានទម្ងន់១,២ខាំ ហើយដោយមានការខិតខំប្រឹងប្រែងយ៉ាងសកម្មពីពេទ្យឆ្មបកូនភ្លោះទាំងបីនាក់បានប្រសូតដោយសុវត្ថិភាពក្នុងមន្ទីរពេទ្យបង្អែកខេត្ត។
បច្ចុប្បន្នទាំងម្តាយនិងកូនភ្លោះទាំងបីនាក់កំពុងសម្រាកក្នុងមន្ទីរពេទ្យបង្អែកខេត្តដោយមានការយកចិត្តទុកដាក់ពីក្រុមគ្រូពេទ្យ៕
ចែករំលែកព័តមាននេះ